Konstantin TAUŞANCI: lääzım Başkannarın karannık işlerini açıklamaa!

Konstantin TAUŞANCI: lääzım Başkannarın karannık işlerini açıklamaa!

Moldova Respublikasının Sovetlär Birliindän baamsızlıın 30-cu yıldönümünnän ilgili olarak, Moldova Parlamentın diplomnarı verildi bu parlamentın ilk deputatlarına, angıları  Moldovanın Sovetlär Birliindän baamsızlıı için Deklarațiyayı imzaladılar.

Bu diplomaya kablederäk gagauz deputatı Konstantin TAUŞANCI urguladı, ani “ozaman bu Deklarațiyayı sade dört gagauz deputatı imzaladı, kalanı kaçtıydılar”.

Moldovada hem Gagauziyada büünkü durum için söleyeräk, Konstantin TAUŞANCI dedi: “Gagauziyada Sovetlär Birlii kuvetleri, büünkü Gagauziya Başkanınnan barabar, Maya SANDUya karşı ölä büük bir agitațiya yaptılar.

Bän ölä deerim: Maya SANDU için oy vereräk, bän oy vererim Moldova Respublikasında hem Gagauziyada total korupțiyaya karsı düüş için. Şindi burada olaydı Maya SANDU, bän bu karının önündä afetsin isteyeceydim, Prezidentın önündä af dileceydim. Biz Gagauziyada üfkeliyiz: Gagauziya Başkanı karar almış kutlamamaa eni seçilän prezidentı.

Onnarın temel lozunguydu – Korkun Maya SANDUdan!

Ya sesläyin, kolegalar, bekim da halizdän lääzım korkmaa Maya SANDUdan! Bekim Maya SANDU ansızdan yollayacek bizä [Gagauziyaya] prokuraturayı da başlayaceklar açıklamaa Mihil FORMUZALın [17.12.2006 – 14.042015 arası Gagauziya Başkanı] karannık işlerini – o şindi Germaniyaya kaçtı. Bekim ansızdan açacıklar şindiki Başkanın, zenginin zengini olan karının, işlerini”.

Konstantin TAUŞANCI: lääzım Başkannarın karannık işlerini açıklamaa!

Источник anasozu.com

İlgili statyalar

Video: Gagauz yazıcısı Konstantin Kurdoglo ödüllendi Respublika ordenınnan

Canavar ayın 15 – dä prezident Maya Sandu imzaladı kararı ödüllemää Moldova devletin 30 yaşayanını Respublika ordenınnan, angıları “braktılar iz  Moldovanın istoriyasında hem üüselttilär devletin imidjını dünnä uurunda”. Onnarın aaralarında avtonomiyanın yazıcısı, üüredici, Gagauzlar yazıcıların  Birliin baş redaktoru, Baurçu küüyün yaşayanı Konstantın Kurdoglu da.   Konstantin İvanoviç  yazdı 10 — dan zeedä kiyat, angıların arasında Büük Vatan Cengi için hem başka önemli hem meraklı sayfalar için gagauz halkın istoriyasından. Memleketin üüsek ödülü veriler Moldova devletin 30 – cu  yıldönümün baamsızlı için. Источник grt.md

Prezidentlan Başkan buluştular: ön planda romun hem gagauz dilini üürenmäk

Kasımın 25-dä Moldova Prezidentı Maya SANDU çaardı kendi rezidențiyasına Gagauziya Başkanını hem Gagauziya İspolkom azalarını da yaptı onnarlan bir iş toplantısı. Toplantıda devletin başı açıkladı, ani Prezidentın Administrațiyası dikkatlı gözleder gagauz tarafında olan işlerin ilerlemesini hem erindeki kuvetlärlän bir konstruktif işbirliinä umut eder. “Bz isteeriz, ani Gagauziyadan insannarda taa islää yaşamak olsun, ölä nicä biz isteeriz islää yaşamak memleketimizin hepsi vatandaşlarına. Bizim keezimiz – hepsi yaşanılan erlär ekonomika ilerlemesi için kolaylıkları kullansınnar”, – dedi Maya SANDU. Komrat ofițial kişileri annattılar devletin başına avtonomiyanın problemaları için hem aslıya çıkarılan proektlar için. İncelendi soruş gagauz regionunda romın hem gagauz dillerinin üürenmesinin efektli…

Gagauziyayı temeldän sökerlär – Gagauziyanın garantı Gagauziya Başkanı kırları gezer

Gagauziyanın temel çivilerini sökmää hem Gagauz prokuroru çıkarmaa deyni eni seçilän Moldova Parlamentında çounnuu olan PAS (“Çalışmak hem Birlik”) partiyası kendi çalışmasını başladı ondan, ani “Moldova Respublikasının Prokuraturası için” zakonu diiştirer. Moldova Parlamentında “Moldova Respublikasının Prokuraturası için” zakonda diiştirmekleri deputatlara Harman ayın 13-dä teklif etti Moldovanın yustițiya ministrusu hem PAS deputatı Sergey LİTVİNENKO. Canabisi, maamilä surat, yustițiyayı düzeltmäk sebepinnän, açıktan söledi, ani var sade bir yol Moldova Başprokurorunu Aleksandr STOYANOGLUyu iştän çıkarmaa – “Moldova Respublikasının Prokuraturası için” zakonunda diiştirmeklär. Onnarın birisi da – Prokurorların Üüüsek Sovetinin azalarını 15 kişidän 12-ya indirmää, oradan Moldovanın Baş Prokurorunu Aleksandr STOYANOGLUyu, Gagauziyanın Baş prokurorunu…

Viktor PETROV: “Aleksandr STOYANOGLUnun üstünä ataka – bütün Gagauziya insannarı üstünä atakadır!”

Dün, 07.10.2021 günü, Moldovanın eni kuvetleri tarafından Moldovanın gagauz olan Baş prokurorun Aleksandr STOYANOGLUnun bir kabaatsız tutuklanmasınnan ilgili olarak, Komratta onu arkalamak hem serbest brakılması için genä miting oldu. Nicä açıkladıydık, ilk bölä miting oldu 06.10.2021 günü Gagauziya Başkannıın binasında önündä. Bu kerä miting Komrat Kultura evi önünä taşındı. Mitinga üzdän zeedä insan toplandı. Hepsicii açıktan sölärdilär, ani Baş prokuror kabaatsız tutuklandı hem, ani onu serbest braksınnar. Çoyu çaarardılar “eni kuvetlerä karşı cümne seslämemäk düzeninä geçmää”. Eni seçilän Gagauziya Halk Topluşu deputatı Viktor PETROV dedi: “Aleksandr STOYANOGLUnun üstünä ataka – bütün Gagauziya insannarı üstünä atakadır!” Gagauziya Halk Topluşu deputatı Grigoriy…

Tren gittiynän Gagauziya Başkanı eşinmää başladı

Harman ayın 24-dä Moldova Parlamentında “Moldova Respublikasının Prokuraturası için” zakonuna diiştirmekleri ikinci hem son okumakta kabledilmesindän sora, Gagauziya Başkanı İrina VLAH, bu uurda biraz dalga yapmak için, eşinmää başladı, bileräk ani artık geç, çünkü Zakon geeri dönmäz. Ama bu eşinmelärlän Gagauziya Başkanı kiminsa önündä suratını kurtarmaa pek isteer (bak: https://gagauzinfo.md/top1/61722-bashkan-irina-vlah-nastaivaet-na-vklyuchenii-prokurora-gagauzii-v-sostav-vsp.html). Açan Harman ayın 13-dä Moldova Parlamentı tarafınfan ilk okumakta kabledildi “Moldova Respublikasının Prokuraturası için” zakonuna diiştirmeklär, neredä belli oldu, ani kuvettä bulunan partiya Gagauziyayı temeldän sökmää başladı, Gagauziya Başkanı İrina VLAHtan buna karşı bir “gık” ta çıkmadı. Taa da beter, ançan lääzımdı çannarı düümää hem büünkü eşinmeyi yapmaa, Canabisi kırları gezärdi…


İnsannarın cuvapları: