Kongazlı Nikolay GRAHMEZ serbest güreştä Evropa çempionatında gümüşü kazandı

Kongazlı Nikolay GRAHMEZ serbest güreştä Evropa çempionatında gümüşü kazandı

Poyraz Makedoniyada geçtii Evropa çempionatında Kongaz küüyündän gagauz güreşçisi Nikolay GRAHMEZ serbest güreştä gümüş medaliyi kazandı.

Moldovanın komandasında olan Nikolay GRAHMEZ pay aldı çempionatın 23 yaşındanan Under-23 yarışmalarının 70 kg kadar kategoriyasında.

Poyraz Makedoniyadakı serbest güreştä Evropa çempionatında Moldovadan taa iki güreşçi medali kazandılar – Radu LEFTER (97 kg kadar kategoriyasında gümüş aldı) hem Georgi EHAN (92 kg kadar kategoriyasında bronza aldı) bronza, bildirdi Moldova güreş Federațiyası.

Anaktar sözlär : gagauz, güreş, Hikolay Grahmez, Kongaz, Makedoniya, Moldova

Источник anasozu.com

İlgili statyalar

Nikolay GRAHMEZdä dünnää çempionatında bu kerä bronza

Serbiyanın baş kasabasında olan 23 yaşınadan Under-23 güreştä dünnää çempionatında, Moldova komandasınnan orada pay alan Gagauziyadan güreşçi Nikolay GRAHMEZ serbest güreştä bronza medaliyi kazandı.   Nicä bildirer Moldovanın sport.md haber portalı, Nikolay GRAHMEZ, 70 kg kadar kategoriyada güreşeräk, kendi medalisinädän ensedi Türkiyedän, Slovakiyadan, Rumıniyadan hem Rusiyadan güreçşileri. dünnää çempionatında Источник anasozu.com

Video: Gagauziyanın sambo uurunda ödüllerin sayısı zeedelendi

Moldovanın Kauşanı kasabasında geçti sambo güreşindä Respublika çempionatı. Bu olay sürttü 2 gün sıravardı kadetların arasında. Yarışmada pay aldılar Moldovanın 16 dolayından 150-dän zeedä güreşçi. Gagauziyadan 3 sportsmen kazandılar ödülü. Darya Vlah kazandı altın, Pavel Kuyujuklu Vatanına getirdi gümüş, Konstantin Kalak Kazayak küüyün okuluna geitrdi bronza. Darya Vlah dünnä sambo çempionatında kazandı 5-ci eri. Anılmış sambistkacı Komrat kasabasından pay aldı Moldovanın çempionatında 59 kila kategoriyasında, tarayıp herbir güreştä, neylän da kazandı altını. Bu uurda ödül açtı ona yolu Evropa çempionatına. O gidecek kadetlarlan Moldovanın adından kıran ayında Limassol kasabasına Kıbrısa. Nicä haberledi Moldovanın sambo federaţiyası, turnirda pay aldılar 200 yakın sportsmen devletin 16 dolayından. COVID-19 pandemiyasının beterinä hepsi güreşlär geçirildilär hepsi korunmak koşullarına…

Gagauziya güreşçileri Belarusiyadan dört medali getirdilär

Hederlez ayın 15-23 günneri arası Belarusiyanın Gomel kasabasında olan “Pamäti Pobedı” (“Enseyişi aklında tutmak”) güreştä yarışmak turnirında Komrat sport şkolasının (KSŞ) sportçuları dört medali aldılar. Nicä açıkladı trener hem KSŞnın direktoru Genadiy TULBA, bu turnirda Belarusiyadan, Ukraynadan hem Moldovadan yaklaşık üçüz güreşçi pay aldılar. Yarışmalar geçti iki yaş bölümünün onbeş kategoriyasının arasında. Genadiy TULBA bildirdi, ani bu yarışmalar sayılêr Evropa güreşçilik çempionatına hazırlanmakta denemä basamaa hem onda pay alêrlar sportta masterlar hem masterlaa kandidatlar. Gagauz spotçuların arasında “Pamäti Pobedı” (“Enseyişi aklında tutmak”) serbest güreştä yarışmak turnirında birinci erleri aldılar Denis FAZLI (125 kg kadar kategoriyasında) hem Dimitriy KARASTOYANOV (55 kg…

“Tokio – 2020” yaz Olimpiadasına gagauz sportsmenkası Elena KILÇIK ta katılêr

Moldova Olimpiada komitetı açıkladı “Tokio – 2020” XXXII yaz Olimpiada oyunnarına katılacek Moldovanın komandasını. 18 kişilik komandanın içindä var aar atletikada gagauz sportsmenkası Elena KILÇIK da. Moldova Olimpiada komitetın saytından haberä görä, gagauziyadan sportsmenka Elena KILÇIK 1996-cı yılın Kirez ayın (iyün) 3-dä Komrat kasabasında duudu. Boyu – 176 sm, aarlıı – kg. Kendisinin trenerı – Sergey KREȚU (Sergiu Crețu). Elena KILÇIK taa küçüklüündän aar atletika sportuna baaşladı kendisini. 2018-ci yılda U-23 Evropa çempionatında bronza, 2019-cu yılda U-23 Evropa çempionatında altın, 2020-ci yılda Dünnää çempionatında gümüş hem 2021-ci yılda U-23 Evropa çempionatında gümüş medalileri kazandı. Not. XXXII yaz Olimpiada oyunnarı geçeciklär…


139

İnsannarın cuvapları: