Kongazlı İvan İKİZLİ genä pyedestalda
Kırım ayın ayın (dekabri) 12-13 günnerindä Kazakistanın baş kasabasında Astanada geçti seftä olan “Qazaq kuresi” (kazak milli güreşi) dünnää çempionatı, neredä Moldova komandasında güreşän kongazlı İvan İKİZLİ bronza medaliyi kazandı.
Nicä açıkladı GRT kompaniyasına kendsi İvan İKİZLİ ½ finalda o taratmış kirgiz güreşçisinä, ama 3-cü er için güreştä ensemiş özbekistannı sportsmenı.
İvan İKİZLİ dokuz yaşından beeri güreşer hem büünkü gündä oldu Gagauziyanın hem Moldovanın en başarılı güreşçilerindän birisi. Sade 2022-ci yılda İspaniyada geçän serbest güreştä dünnää çempionatında hem Astanada o bronza medalilerini kazandı hem Moldovanın serbest gürestä çempionatında altın medaliyi aldı.
Not. Astanada olan “Qazaq kuresi” (kazak milli güreşi) dünnää çempionatında taa bir gagauz güreşçisi Dimitriy DUŞKOV beşi eri kazandı.
Источник anasozu.com 27.12.2022