Komratta uşakların kanikullarını şennendirdilär surprizlarlan
Yaz vakıdında çoyu uşakların yok kolaylıkları analarlan — bobalarlan gitmää dinnenmää başka devletlerä yada lagerlerä. Komrat muniţipiyasında kararladılar sevindirmää uşakları da geçirmää onnara deyni meraklı olayi.
Tatlı baaşışlar hem sevinmelik verdilär yortunun hazırlayannarı uşaklara. Bölä oluşları bütün yaz vakıdında geçireceklär taa sık kasabanın uşaklarına deyni.
“Biz bölä oluşu kirez ayın çeketmesindä geçirdik, neredä vardı çok uşak. Onun için kararladık geçirmää taa bir bölä oluş uşaklara deyni. Büün diil her bir uşaan var kolayı gitmää dinnemää, onun için alındı karar geçirmää yortuyu uaşklara deyni”, -açıkladı olayı hazırlayannarı temsil edän Marina Levintiy.
Kloun büülü kahramannar geçirdilär uşaşklara deyni türlü yarışmakları, oyun fleşmobları hem hep ölä uşaklar gösterdilär kendi becermeklerini saymakta, hem başka uurlarda. Hepsi kablettilär hazırlayıcılardan tatlı baaşışları. Uşaklar nışannadılar, ani onnar büük havezlän pay alȇrlar yortuda hem dinnenerlär.
“ Büün geldik burayı, pek sevinerim, biz oynayacez, sevinecez”.
“Biz geldik uşkalara deyni yortuya, ki dinnenmää”.
“ Biz büün geldik bu yortuya, nerdä kloun da biz sevineriz”.
“Bizä deyni geçirilerlär yarışmaklar, da biz pay alȇrız onnarda”.
“Büün bizdä klounda, lääzım atmaa, hepsi meraklı, hepsi”.
“Beenerim yarışmakları, hepsi ii”.
Analar — bobalar urguladılar, ani diil hepsindä var kolaylık sıkı işä görä dinenmää uşaklaralan, da bölä oluşlar pek faydalı uaşklara deyni.
“Pek ii, ani uaşklara deyni geçirerlär bölä yortuları, açan uşaklar var neylän sa sevinsinnär. Da oturmasınnar kvartiralarda bölä sıcakta. Çok saol bölä kolaylık için Uşakların üzlerindä sevinmelik onnar büük havezlän pay alȇrlar yarışmaklarda”.
“Pek sevineriz, ani uaşkalara deyni nesa yapȇrlar, ki onnar sevinsinnär, bizda mutluyuz”.
“Bizim uşaklar dinnenrlär, hem saol söleriz , ani bizim uşaklar dinnenerlär, hem bu yaz vakıdı, nesa göreceklär”.
50 uşaktan zeedä sevgili uşak filmların kahramannarın kompaniyasında geçirdilär ii vakıdı hem kablettilär duyguları bütün aftaya.
Источник grt.md 05.07.2022