Komratta güberlerin toplaması izmetin paası büüdü
Komrat kasabasının primariyanın nasaatçıları büünkü oturuşunda kararladılar, ani paa güberlerin sıbıdılması için büüyecek yaşayannar için 50%, hem da ekonomika agentleri için 30%. Şindki zamannaradan bir kişi ödärdi 10 ley ayda, 120 ley yılda. Bakarak paaların üüselmesinä, bir ayda lääzım olacek şindi ödemää 15 ley, yıda sa 180 ley.
Gagauziyanın Baş kasabasında gübürlerin sıbıdılmaları için bir kişi ödeer 10 ley ayda. Komrat komunal izmeti nasaat etti kaldırmaa bu izmetin paasını 50% yaşayannar için, ȇkonomika agentleri için 30%. Bu baalı onunnan, ani her gün kalkȇlar paalar petrol mallarına, gaza, şafka hem da başka mallara, nışannadılar bölümdä. Herlim paalar üüselmäärsaydılar, o zaman kurum durgudacek işini da gübürleri toplamayacek, da bu iş geterecek ȇkologiya belasına, haberledi Komrat kasabasının primariyanın nasaatçısı Vladimir Kara.
«Ȇkonomika agentleri için soruş kalkmadı 2012 yıldan beeri. Kurum nasaat etti 20 ley yaşayannar için hem da kaldırmaa payı ȇkonomika agentleri için. Biz annaştık, baktık maasuz formayı, da oldu. Bu yıl infläţiya kurȇr30%. Bu üzerä da soruş lääzım bakılsın», — söledi sovet azası.
Komrat primariyasının nasaatçıların öndercisi Georgiy Zlatov diil kayıl güberlerin sıbıdılması için paaların üüselmesinnän.
«Bän ödärdim aylämnän 10 ley herbir kişi için güberlerin sıbıdılması için. Ama şindi lääzım olacek ödemää 15 ley kişi için. Bu insanın cöbündän günün ortasında açık – açık çalmak olȇr», — söledi Georgiy Zlatov.
Çok dartışmaklardan sora, Komrat kasabasının nasaatçıları kararladılar eni paayı. O kuracek ayda 15 ley bir yaşayana.
Источник grt.md
