Komratta Almaniyanın GIZ kurumun yardımınnan var nicä yapılsın taa iki büük proekt

Kıran ayın 8-dä  Komradın primariyasının çalışannarı  Almaniya agenstvosunun  Strong Buisness Comunity from Moldova (SBC)  proektin  azalarınnan buluştular. Laf gitti SBC proektin ikinci komponentin plana koyulmuş olayları için. Proektin  bu  komponenti  doorudulu  ilerletmää  Komrat kasabasını.

Buluşmanın süresindä  SBC proektin temsilcileri bildirttilär kolaylıkları, angılarını  verecek proekt  Komradın ilerlemesi için. Proektin başı  Rudolf  Gref  nışannadı, ani onnar yardım edeceklär muniţıpal işçilerä hazırlamaa hem  finanslamaa iki  infrastruktura proektlerini. Bundan kaarä proektin azaları  üüredeceklär   proektlerin sırasını  plannamaa.

» Neylän biz sizä  var  nicä  yardım edelim? Sizinnän bilä  belli edecez  en önemli  proektleri kasabanın ilerletmesi için. Biz birkaç  adım ileri bakȇrız. Diil sade  3-4  yıla, ama  lääzım ayırmaa  ölä  proektleri, ani 10-20  yılın süresindä  hep  taa işleyeceklär Komradın ilerlemesinä», — açıkladı SBC proektin başı Rudolf  Gref. 

Buluşmanın sırasında belli ettilär, ani mutlaka lääzım partisipativ grupalar  kurulsun, angıları dooru  yola saptıraceklar  GİZ — SBC  programasını. O grupaya  Komradın türlü kurumnarın  hem yaşayannarın  temsilcileri girecek.

«Biz  isteeriz görmää nicä  yaşayannar  bilä   muniţıpal  sovedinnän barabar  çalışȇrlar. Bölä  biz  lääzımnı  hem  önemli  proektleri  ayıracez hem  finanslayacez. Beki eni  metodları  kendi  işimizdä  giriştirecez. Başka  türlü  kasaba  planını  kuracez», — söledi Rudolf  Gref. 

Buluşmakta primar, muniţıpal  sovedin azaları, proektin temsilcileri belli  ettilär  proektleri, angılarını var  nicä  ilkin  aslıya  çıkarmaa. Primar  hem  Sovedin azaları  meraklandılar  ideyalan  nicä bu  proektin yardımınnan  yaşamak erini  ilerletmää. Onnar açıkladılar teklifi nicä Yalpug deresini turistik erinä var nicä çevirmää.

» Yok  edeciiz  o  kötü  kokuyu  kasabadan. Orayı akȇr himiya  hem  mındarlıklar. Biz  yakışacȇk orada  dinnenmäk  erini  açalım. Küçük hem orta  biznesın temsilcileri  eni  obyektleri iş erlerinnän açacȇklar.  Uşaklara  deyni  oyun meydanı  koyulacek. Lisapetçilerä  deyni  yollar  olacȇk», — söledi Komrat Sovedin başının yardımcısının işini bir vakıt götürän Stepan Kara.

SBC proektin baş  daavası  kasabanın  ekonomika hem soţial  durumunu  5  yılın  süresindä  üüsek  uura  kaldırmaa.




Источник grt.md
238

İlgili statyalar

“Soţial izmetlerdä eni adım”. Gagauziada başladıldı eni proekt soţial koruması uurunda

Kirsovo küüyündä  «Çehiya hem  Gagauziyada  soţial sistemanın  kurulması hem ilerlemesi» proektin açılması geçti. Onda pay aldılar primarlar, dolayların öndercileri, soţial bakannıkların  temsilcileri. Toplantının baş davasıydı – kaliteli koşulları yaşayannara onlayn vermää,  kolaylatmaa  insananarın danışmalarını türlü bölümnerä. «Çehiya hem  Gagauziyada  soţial sistemasının  kurulması hem ilerlemesi» proekti – bu eni yol koşulların ilerlemesi için Gagauziyada. Bu proekta avtonomiya gitti üç yıl, ama GOVİD – 19 hastalıın beterinä plannar biraz diiştilär, onun için proektin  giriştirilmesi çeketti biraz ta sora, nışannadı Gagauziyanın Bakanık komitetin başın yardımcısı Olesä Tanasoglo. «Praktika kendisi gösterer bizä, ani pek önemli kurmaa  IT malını, IT programasını  onlayn rejımında. Onun için,…

Moldovada açıldı şarap turizması marşrutlar. Biri onnardan üülen tarafında geçer

Moldovada kurdular dört şarap turizması marşrutlarını. Ona girdilär Moldovanın 10 şarap kurumu. Şarap turizması marşrutlarına girdi  dört  turistlik yolu: Ştefan Vode, Valuluy Traiyan, Kodru hem Moldovanın poyraz dolayı. Proektin neeti — birleştirmää kultura zenginniklerini şarap uurunda. Proektin menecerları tanıştırdılar musaafirleri regionnan hem annattılar meraklı erlär için. Musaafirlär dä paylaştılar kendi bilgilerinnän bu uurda. “Bän sevinerim açıklamaa  bu proektı, angısı baalı şarap turizmasınnan Moldovada hem Rumınıyada. O pek önemli bizim regiona deyni, çünkü bizim regionda şarapçılık ilerleer, da hepsi turistik obyektları, angıları bizdä var, kabledeceklär üüsek gelirleri bu proekttan. Çünkü biz açacez eni marşrutları hem  te onnarı, angıları  var bizim regionda…

30 09 21 YAŞAYANNARIN TEKLİFLERİNİ GERÇEKLEMÄK KOLAYLIKLARI

Bu yıl Gagauziyanın primariyaları başladılar katmaa yaşayannarı bücetin pay edilmesinä. Tomay küüyündä bu formatı kullanarak, bu yıl birkaç cümnä proekti gerçeklendi. Partiţipatorlu bücetin yardımınnan küüylerin hem kasabaların yaşayannarı var nicä katılsınnar yaşamak punktunda var olan problemaların açıklamasına yada türlü önemli proektlerin gerçeklenmesini teklif etsinnär.  Para bu uura primariyalardan veriler. Tomay küüyündä bu yıl herbir proektin gerçeklenmesi için 15-är bin ley verildi. «Bu yıl biz seftä partisipatorlu bücetini kullandık. Bu verdi kolaylık yaşannara da katılmaa küüyün problemalarının açıklamasına», — söledi Tomay küüyünün primarı Födor Topçu. Bu programanın yardımınnan küüydä 7 proekt gerçeklener. «Komisiyä kararladı, ani teklif edilmiş proektlerin herbiri pek önemli bizä…

Almaniya Gagauziyanın iş panayirını üürener

Almaniyadan delegaţıyanın temsilcileri Gagauziyanın iş panirlarını üürenerlär, ki ileriya doorubarabar çalışmaa. Bu neetlän onnar dolaştılar yabançı işletmeleri ki annamaa, ne türlü iş başladıktan sora ilerleer. 1992-ci  yılda  30  yıl geeri Almaniya hem Moldova diplomatik baalantılarını kurdular.  Bu yılların içindä  Moldovada  100 kuruma yakın Almaniyanın finans  yardımınnan  açıldı,  9  bin  iş eri kuruldu. Almaniyanın para yatırımnarı  Moldovada  300  million ley  kurdu. Bu baalantıları lääzım ilerletmää, sayerlar Almaniyadan delegaţiyanın azaları. «Buluşmanın baş neeti — üürenmää iş panayırları için, ki  ileriyä  dooru  burayı  sizä deyni  halklararası investorları  getirmää, eni iş erlerini  açmaa», — açıkladı  Almaniyadan delegaţıyasının başı Klaudia Raffelhüşen. Komradın primarı Sergey Anastasov…

Gagauzların tarihin eni  sayfaları üzä çıktı. Onnar tanıtıldı konferenţiyada

Kirez ayın 28-dä  M. Maruneviç adına  bilim-aaraştırmak  merkezindä  geçti  konferenţıya  gagauzların  kultura  varlıı  temasına görä. Oluşün süresindä  birkaç   tanıtım vidio  gösterildi, angıları  temsil  ettilär  gagauz halkının arhiv  bilgilerini hem  din türkülerini. Onnarı Türkiyanın bilim adamnarı  bildirdilär. Nekadar  şindiki  zaman bu proektlär  lääzımnı  hem  özel  gagauzlara deyni,  üürendi  Marina  Topal. Gagauziyanın bilim-aaraştırmak  merkezindä  temsil ettilär üç proekt. Onnar  yapılȇr Türkiyanın büük elçiliin hem  Moldovanın yardımınnan. Konferenţiyanın pay  alannarı  hazırladılar  tanıtım vidioları, angıları  taa derindän  açıkladılar  proektlerin manaasını. Laf gitti Türkiyanın arhivlerindä  bulunan  gagauzlar  için  bilgilär hem  din türkülär  için. Merkezin başı  İrina Konstantinova nışannadı, ani  bu  proektlärlän  çalıştılar  bir  kaç yıl.…