Komratta 1045 asker bölümün 28-ci kuruluş yılı
1045 karabiner bölümü, angısı Komratta bulunȇr 28-ci kuruluş yılını kutlȇȇr. Bölük 1994-cü yılda kuruldu. 28 yıl geeri burayı ilk armatayı yapannarını kablettilär. Bunun için sayı 1994 -ün iyülün 30-da gider.
Karabinerlar askerindä şindiki vakıtta askercilär kontrakt uurunda geçerlär. 1045 askerlik bölümündä 100 askerci izmet eder. 17 yıl burada izmet eder ofiţer-psiholog Marianna Zlatova. O belli etti, ani karabinerlar asker izmetini götürärkenä cümnä usluluunu koruyarak.
МАRİANA ZLATOVA, ofiţer-psoholog 1045 asker bölümündä: «Adamnarlan bir uurda işlemää var nicä hem taa da islää. Karı tarafı burada karşılaşȇr. Bana kalsa sokaklarda karılar-askercilär donak gibi görüner».
1045 asker bölümündä Lüdmila Stratila da işleer. O- iç işlerindä insan resursların bölümündä 10 yıldan zeedä çalışȇr.
LÜDMİLA STRATİLA, 1045 asker bölümündä iç işlerindä insan resursların bölümün başı: «Bän sayȇrım, ani bu prestijlı zanaat. Giimi hodulluklan taşıyȇrım. Bu, nicä örnek. Benim uşaklarım hodullanȇrlar benimnän. Söleyim, ani zor işlemää-diil. Burada karılar hem adamnar aralarında saygı var».
Gagauziyanın karabinerlar askerciliin veteranı Pötr Guboglo 1045 asker bölümündä izmet etti bölümün açılışından. Armata gençlerdä disţiplinayı hem usluluu terbieder.
PÖTR GUBOGLO, Gagauziyanın karabinerlar askerciliin Birliin veteranı: «Первых солдат мы встречали, территорию своими руками подняли, делали все, чтобы солдат было легче. Сейчас служба контрактная. Армия для молодых ребят — дисциплина, и они становятся настоящими мужчинами».
Askercileri kutladı Komradın asker komisariatın başı Andrey Russu.
ANDREY RUSSU, Komradın asker komisariatın başı: «Yortuylan isteerim sizi kutlamaa, zor işinizdä başarları dilemää. Usluluk izmetinizdä olsun, unutmayın, ani sizi evdä bekleerlär».
Komradın primarı, Sergey Anastasov 1045 asker bölümün izmetçilerini şükür etti, ani her gün kasabanın sokaklarında kanona karşı gitmeklerini belli ederlär.
SERGEY ANASTASOV, Komrat muniţipiyasının primarı: «Sevindirer, ani asker bölümü kasabamızda izmet eder. Usluluk çekiler yaşayannardan da, sizdän dä. Siz patrulu kasabamızda götürersiniz, buna saygıyı güder komratlılar da bän da».
Yortulu datada izmetçilär diplomnarlan belli edildilär, kimileri ödüllendilär, kimilerä adlar verildilär. Gösterimni oluşlarda askecilär korumak hem korunmak priömnarını gösterdilär.
Источник grt.md 01.08.2022