Komrat universitetin studentlerinä annattılar Evropa Birliin bir payı olmak nedir

Moldovada Halklararası respublika institudu ofisin başı Kşiştof Lisek buluştu Komrat devlet universitetin studentlerinnän. O annattı gençlerä Evropa Birliinä integraţiyasının faydası için.

Moldovada Halklararası respublika institudu ofisin başı Kşiştof Lisek studentlerä annattı lekţiyasını temaya: “Evropaya integraţiya: Evropa Birliin azası olmak nedir”. Kşiştof Lisek lafedärdi englez dilindä dä studentlär onu annardılar. Musaafir annattı, angı faydaları hem garantiyaları verer Evropa Birlii ona girän devletlerä.

Lekţiya bittiynän studenlär kendi soruşlarını sordular. Studentlerin biri sordu, ne faydayı kazanȇr Evropa Birlii Moldovaya hem Gagauziyaya ilerlemäk için para verärkana.

«Evropa Birlii bezbelli umutlanȇr, ani Moldova onun bir payi olacek. Evropa Birliin politikası butakım kurulu – yardım etmää devletlerä, angıları gelecektä Evropa Birliinä gireceklär», —  cevapladı Kşiştof Lisek.

Gagauziya Başkanı İrina Vlah çizgiledi Evropa Birliinnän barabar çalışmaların faydalarını.

«Onnar [Evropa Birlii] için pek önemli her taraftan ilerlemäk. Hem bän pek beenerim onnarın yardımını küçük halklara. Er biz gagauzlar kendi — kendimizä zaamet etmärsaydık, biz başarlı olmayacez. Evropa Birlii çok yardım eder ki gençlär kaliteli üürensinnär”, — nışannadı İrina Vlah.

Kimi studentlar Evropa Birliin türlü devletlerinä gittilär. Onnar paylaştılar, ani Evopayı pek beendilär.

Moldova Evropa Birliin azası olmak için kandidat statusunu kabletti Kirez ayin 23 – dä. Ama insannarın düşünmekleri bunu için diil birtürlü. Onuştan alındı karar annatmaa studentlara Evropa Birliinä girmäk faydaları için.

«Gagauziya Moldovanın bir payıdır. Biz institut olarak işleriz respublikanızda umutlan, ani o bir gün Evropa Birliin bir payı olacek. Biz isteriz insannar nekadar taa çok lääzım bilsinär Evropa Birlii için”, — söledi Moldovada Halklararası respublika institudu ofisin başı Kşiştof Lisek.

Sora İrina Vlah hem Kşiştof Lisek uuradılar Komrattakı Dmitriy Mavrodi adına liţeyinä. Orada 3-cü klasta geçti resimcilik dersi gagauz dilindä.




Источник grt.md
215

İlgili statyalar

Moldovada Evropa Birliinä kandidat statusu

Kirez ayın (iyün) 23-dä Evropa Birliinä girän devletlerin liderleri kaldırdılar ellerini, ani Moldova Respublikasına Evropa Birliinä girmää deyni kandidat statusu vermää. Moldovaylan bilä hep o günü bölä bir statusluk verdilär Ukraynaya da. Sırada Gruziya devleti da vardı, ama, ona bu kısmeti, neçin sä, vermedilär. Şindi, Evropa Birliinä aza olmaa deyni, Moldova lääzım yapsın bir tepä iş, angılarını ondan ona söleyecek yapsın Evropa Birlii. Источник anasozu.com

Moldovanın kandidat statusu Evropa Birliinä girmesi için insannar ne düşünerlär

Kirez ayın 23-dä Evropa soveti sesini verdi ki Moldova kandidat statusunu Evropa birliinä kabletsin. Sevinerlär mi buna insannar, ya da diil kayıl bu takım kararlan, biz üürendik yaşayannardan. Evropa birliinä girmäk proţedurası var nasıl çok yıl sürtsün. Bunun için hem erli ekspertlär sölerlär, hem başka devletlerin örnää dä gösterer. KORNELİU ÇURÄ, politolog: «Bän skeptik olarak bakȇrım Moldovanın girmesi için Evropa birliinä. Moldova da diil hazır, Evropa birliindä dä pek büük isteyiş buna yok. Onuştan bizä kandidat statusu verildi türlü koşullarlan, angılarına zoor uymaa ya da hiç yok nasıl». Moldova devletin kabledilmesi için kandidat statusunu «İnterviu nedeli» programasıdä GRT kanalında GHT…

Açan kendi kararına tükürerlär: kış vakıdına genä geçeriz

2020-ci yılda  Baba Marta ayın 26-da Evropa Parlamentın deputatları 410 oylan (192 – karşı, 51 – ikiliktä) karar aldılar, ani Evropa Birliinä girän devletlerdä yaz hem kış vakıdına geçmektän vazgeçmää. Ama şindiyädän bunu yapmadılar. Diil lääzımdı büük falcı olmaa, ani annammaa, ki bu iş bu yıl da olmayacek. Moldova Respublikasının öndercileri dä, Evropa Birliinä girmää savaştıkları için, hep bölä bir karara varaceydı, ama varmadılar. Bu üzerä dä bu yıl, Canavar ayın (oktäbri) ayın 29-30 gecesindä, kış vakıdına geçip, saatları genä bir saat geeri alaceklar. Источник anasozu.com

Moldovada olan Evropa aar atletika çempionatında Türkiyedä 47 medali, Gagauziyada 3 medali

Orak ayın (iyül) 1-10 günnerindä  Moldovada  olimpiada uurunda seftä yapılan Yıldızlar hem U-17 Evropa aar atletika çempionatı oldu. Kişinev kasabasının “Chișinău Arena” kompleksında geçän bu çempionatında  pay aldılar 38 devlettän 15-17 yaş arası 400 zeedä genç sportçu, angıların arasında vardılar Türkiyedän dä sportsmennar . Moldovadan bu Evropa aar atletika çempionatına kırktan zeedä sportsmen katıldı, angılarının arasında vardılar Gagauziyadan aar etletçılar da. Ölä, Evropa aar atletika çempionatında Gagauziyadan sportsmen Aleksandr BALCI kazandı 3 gümüş medali: koparma için (122 kg), itirmä için (146 kg) hem bu iki yarışın toplamı için (268 kg). Türkiyenin sportsmennarı sa, Moldovada  olimpiada uurunda seftä yapılan Evropa aar…

Moldovada olan Evropa aar atletika çempionatında Türkiyedä 47 medali, Gagauziyada 3 medali

Orak ayın (iyül) 1-10 günnerindä  Moldovada  olimpiada uurunda seftä yapılan Yıldızlar hem U-17 Evropa aar atletika çempionatı oldu. Kişinev kasabasının “Chișinău Arena” kompleksında geçän bu çempionatında  pay aldılar 38 devlettän 15-17 yaş arası 400 zeedä genç sportçu, angıların arasında vardılar Türkiyedän dä sportsmennar . Moldovadan bu Evropa aar atletika çempionatına kırktan zeedä sportsmen katıldı, angılarının arasında vardılar Gagauziyadan aar etletçılar da. Ölä, Evropa aar atletika çempionatında Gagauziyadan sportsmen Aleksandr BALCI kazandı 3 gümüş medali: koparma için (122 kg), itirmä için (146 kg) hem bu iki yarışın toplamı için (268 kg). Türkiyenin sportsmennarı sa, Moldovada  olimpiada uurunda seftä yapılan Evropa aar…