Komrat teatrusu şaştırdı Kıpçak küüyün küçük yaşayannarını spektaklisinnän
Saveliy Kösä adına Komrat muzıka-drama teatrusu gösterdi Kıpçak küüyün uşaklarına spektakliyi. Onnar havezlän hem büük sevinmeliklän geldilär bakmaa masalı.
Teatr Kıpçak küüyündä uşaklara gösterdi «Altın koyuncuk hem ii çoban» masalı gagauz dilindä gösterildi. Pandemiya vakıdında yoktu nicä yapmaa büük topluşları, uşaklar özledilär bölä kultura olaylarını. Küçük siiredicilär paylaştılar kendi emoțiyalarınnan.
«Bän pek beendim masalı».
«Bän beendim çobanı, çok beendim masalı».
«Biz pek beendik bu masalı, pek isläydi».
«Bän beendim masalı».
Teatrunun aktörları sevinerlär, ani onnarda genä var kolaylık sevindirmää siiredicileri. Onnar annattılar, nеyä üüreder bu masal.
«En önemli, neyä üüreder bu masal, ani iilik hep üsteleer fenalıı. Bu masalı biz gösterdik üç küüdä. Umut ederiz, ani hepsi olacek islä, da gösterecez bütün avtonomiyada bu masalı», — soledi teatrunun oyuncusu Sergey Arnaut.
«Biz onu getirdik hepsi küçük yaşayannara, Kıpçak küüyündän hepsi uşaklara. Bu masal üüreder hepsi yaşayannarı iilik için, da o söleer, ani her zaman iilik enseer fenalıı», — söledi teatrunun oyuncusu Marina Manjul.
Tearunun öndercisi Denis Pıntä söledi, ani hazırlanêr spektaklilär, masallar, teatru enidän başlêr işlemää insane deyni.
«Hepsi geçti pek islä, uşaklar masalı pek beendilär. Pandemiya zamanında çıkmadık sţenaya ,ama şindi başladık işlemää . Uşaklar çıkarkana sölärdilär gelelim taa sık. Yakın vakıtta düşüneriz, ani bütün Gagaziyada gösterecez spektaklileri hem masalları», — açıkladı S. Kösä adına Komrat teatrusunun öndercisi Denis Pintä
Yaza Komrat teatrusu hazırlêr masalları hem spektaklileri nicä küçüklerä, hep ölä büüklerä dä.
Источник grt.md
