Komrat munițipiyi ilerlemäk baş planını temelä koydu

Komrat munițipiyi ilerlemäk baş planını temelä koydu

Komrat munițipiyin Soveti kabletti karar, angısına görä Komrat munițipiyin ilerlemäk, düzmäk hem düzennemäk Baş (generalnıy) planını temelä koyuldu.

Bu plana görä kasabada kesinneşti neredä var nicä yaşamak için evleri yapmaa, neredä komerțiya kuruluşları var nicä kurulsun hem nerelerdä, ölä denlän, eşil zonalar olacek.

Şindi kasabanın arhitektorları hem başka ilgili insannar bu planı, maalelerä görä, detalleştireceklär.

Be plan detalli kesinneşmeyecek kadar, Komratta eni evlerin hem binaların yapılması için munițipiyin Soveti izin vermeer.

Источник anasozu.com

İlgili statyalar

28 09 21 KOMRATTA GENÄ BAŞLADILAR KÖPEKLERİ OTALAMAA

Boşta gezän köpeklerä yok er kasabada —  bölä allelem düşünerlär kimi yaşayannar, angıalrı kendi başına çekettilär onnarı otalamaa. Ne ypȇrlar Komrat muniţipiyanın kuvetleri deyni korumaa yaşayannarı boşta gezän köpeklerdän, üürendi bizim korespondent. Büük zeetlän geberän köpekleri  kasabanın merkezindä gördülär hem büüklär, hem da uşaklar. Bakarak hayvannara hem nicä onnar kendilerini götürärdilär,  varnicä sölemää, ani onnarı otaladılar. Komrat kasabasının  kuvetleri söleerlär, ani  bu işä karışıkları yok,  tutulmuş  köpekleri  götürerlär  daalara yada kırlara. Erli  büdjettä  düzmää deyni  pitomnik  para yok, urguladı  kasabanın başı, söleyip ani onnnarı lääzım düzmää regional uurunda.  Hem  soruşlar,  angıları baalı  boşta gezän hayvannarlan, lääzım bakılsınnar devlet uurunda barabar…

“2015-2017 yıllarına TİKA proektlarına yol kartası” temelä alındı

Gagauziya İspolkomun toplantısında temelä alındı “2015-2017 yıllarına TİKA proektlarına yol kartası”. Kartaya girdi yaklaşık 20 proekt, ani bu yıllarda Türkiyenin TİKA kuruluşun tarafından Gagauziyada yapmaa neeti var. Bu proektların içindä taa çoyu soţial hem ekonomika sferasında. Onnarın arasında uşak başçaları, şkolalar, bolniţalar, cümne binaları. Ölä nicä Komrat ulaştırıcı bolniţanın remondu, “Türkiye Prezidentın Recep Tayyip ERDOĞAN” üüredicilik kompleksın yapılması, Valkaneş su proektı h.t.b. Источник anasozu.com

Cümne saalıında Üstolan Durum 15.01.2022 gününä kadar uzadıldı

Kasımın 26-da Moldovanın Cümne saalıında Üstolan Durumu milli komisiyası aldı karar Moldovada COVİD-19-da Cümne saalıında Üstolan Durumu 2022-ci yılın Büük ayın (yanvar) 15-dän uzaltmaa. Bu karara görä bu zapalar uzadıldı: – parklarda hem daalarda 3 kişidän zeedä bölüklerdä olmaz bulunmaa; – 63 yaştan yukarı insannar zorları olmadaan sokaa olmaz çıksınnar; – oyun hem sport meydannarında olmaz bulunmaa; – dinnenmäk lagerlerin, üüredicilik kuruluşların, reabilitațiya hem sanatorno-kurort merkezlerin işi durgudulêr; – plana görä gospitalizațiyalar hem konsultațiyalar durgudulêr; – gecä klubların çalışması hem yortulu sıraların (düünnär, kumatriyalar, pomana sofraları) yapılması zapa altına alınêr. Karara görä zanaat hem tehnika Universitetların studentlarının kolayı e olacek…

Ana dilimizi başka dillerä kurban etmeyelim!!!

64 yıl geeri 1957-ci yılda iyül ayın 30-da bizim ana dilimiz – gagauz dili kabletti ofiţial yazısını. Bu olay açtı geniş yol dilimizin hertarafça ilerlemesinä! Büün bizdä, gagauzlarda, büük yortu! Kutlêêrım hepsimizi! Ama yok nicä nışannamayım onu da, ani bu 64 yılda ilerlemäk erinä, dilimiz kaybelmäk kertiinä etişti. Nicä oldu da kabletmişkän yazımızı, angısı dädularımızda yoktu, dilimizi şkolada üürenärkän, onun temelindä avtonomiyayı kurmuşkan, onu korumayı zakonnara yazmışkan, bu hala geläbildik? Çıkış bir – yannış dil politikası! Kimin tarafından? Büünkü gündä hem geçmiştä avtonomiyanın başında durannarın. Kim büün bunun için cuvapçı? En ilkin Başkan hem Bakannık komiteti – bu onnarın borcu…

Video: ÖN DAVA – KALİTELİ ÜÜRETMÄK

Gagauziyanın  üüretim  bakanıı  2020-ci  2021-ci  üüretim  yılın başlankı  hem gimnaziya klasların çıkışlarını  açıkladılar. 5 üüretim kurumnarın administraţıyası, angıları  başka okulların arasında  en ii sayılȇrlar, ödülleri kablettilär. Nota okullara koyulȇr  başarılı  ilerlemäk için, kaavi  bilgileri  verän  için, kriteriyalara görä. İlk erdä  Komrat muniţıpiyasının  G.Gaydarjı  adına liţeyi  bulunȇr, ikincidä  — Avdarma küüyün Kazmalı  adına gimnaziyası  hem  Çadır  muniţıpiyasının Guboglo  adına  liţeyi.  Üçüncü  erdä  Komradın Eminesku  liţeyi. 4-cü hem 5-ci  erdä  iki liţey  bulunȇr.  Baranovski  adına hem  Yanakoglo  adına  Kopçak küüyündän. Источник grt.md


136

İnsannarın cuvapları: