Komrat muniţipal sovetin zalı enilener. Koyuldu eni mebel hem tehnika
Komrat muniţipiya sovetin oturuşları tezlä enilenilmiş tehnika tarafından zalında geçeceklär. Zal bulunȇr o erdä, neredä ilerki zamannar ofiţial evlenmeklär olardı. Nesoy diişilmeklär yapıldı, üürendi GRT çekim grupası.
Muniţipal sovetin zalını eniletmäk proekt başladıldı diil çoktan. Bu vakıdın süresindä zalda remont yapıldı, eni tehnika satın alındı. Komrat kasabasının primarın laflarına görä, bu proekt primariyalan hem Pro-Europa cümnä kurumunnan barabar giriştirildi.
Nicä paylaştı primar, proektin finanslamak tarafı 500 bin leydän zeedä kurdu. İlk proekt dokumentaţiyasına görä onun payı iki okadar taa paalı kurardı, ama onnara olabildi bu payi küçültmää, ne verdi kolaylık primariyaya ekonomiya yapmaa ki ileri başka lääzımnı erlerä onu harcamaa.
Komrat muniţipiyanın nasaatın sıradakı oturuşu plannanȇr şindän sora eniledilmiş zalda geçirmää.
Источник grt.md 15.06.2022