Komradın yaşayanı Mariya Kuzneţova kutladı 90 yaşını
Moldova Sovet Respublikasının şannı izmetçisi, kasaba nasaatın deputatı Mariya Kuzneţova kutladı 90-cı yıldönümünü. Bu gözäl yortuylan onu Komradın primariyasının uzmannarı kutladılar.
Mariya İvanovna Kuzneţova 35 yıldan zeedä komunal izmetleri uurunda işledi. Aktiv pay aldı kurumun cümnä yaşamasında, çok çalıştı ki kasabanın yaşayannarı hem musaafirleri saysınnar komunal izmetinnän yapılan işi.
“Bän herzaman karşı gelärdim ii üürekli insannarlan. Bän herbirindän sade ii özellikleri alardım. 30 yıl deputat işledim hem herbir insanı seçim dolayımdan kendi ayläm gibi saydım. Lääzım taa açık ürekli olmaa, becermää insanı seslemää hem yardımcı olmaa ona”, — söledi Mariya İvanovna.
Komrat kasabasında otel izmeti uurunu bildirmäk için, komunal izmeti için hem kasabanın nasaatında deputatlık işin götürmesi için Mariya İvanovna primariyadan şannı gramotayı kabletti.
“Sizin sıcak nasaatlarınızlan biz kasabada çok işleri yaptık. Açan görüner insanın işi, onu üüsek uurda da notalȇrlar. Saa olunuz. Bütün candan kutlȇȇrız sizi”, — söledi Komradın primarı Sergey Anastasov.
Şükürlük laflarınnan Mariya İvanovnaya danıştı Komrat kasabasının komunal izmetin öndercisi İvan Karaman.
“Bän bilerim sizin işinizi pek islää, Bu pek zor bir iş. Dileerim sizä saalık, ko herzaman ayakta olasınız”, — söledi İvan Karaman.
“Bän onunnan komuşuluk edärdim. O bana herzaman yardım eder, onun nasaatına görä dä bän orayı işlemää gittim. Teklif ettiydı çıfıtların mezarlıını tertiplemää”, — getirdi aklına Komrat kasabasının komunal izmetin eski öndercisi Georgiy Kara.
“Vesti Gagauzii” gazetasının uzmannarı çızgeledilär, ani Mariya İvanovna onnara da çok yardım eder.
“Siz herzaman dost oldunuz bizä. Büün dä siz bizä yardım olmaa çalışȇrsınız. Kutlȇȇrız sizi duuma gününüzlän hem umutlanȇrız ani 100-cü yıldönümünüzä dä çaaracenız bizi”, — söledi “Vesti Gagauzii” gazetasının redakţiyasının sekretari Anna Kılçik .
Gagauziyanın şannı jurnalıstı Anna Jekova nışannadı, ani tutmȇȇr aklısında nezamandan biler Mariya İvanovnayı. Onnarın arasında baalantı okadar kaavi, ani onnar saatlarlan var nicä susarak otursunnar, ama biri – birini lafsız annasınnar.
“Mariya İvanovnna o insannarın arasından, angıları yalnayak, yayan karıların respublika toplantısına gidärdi. O insannarın arasından, angıları becerdilär bütün yaşamasını sevmää birini”, — söledi Anna Jekova.
“Bir avşam bana pek prosttu, da bän Anna Nikolaevnaya telefon açtım. O teklif etti bir türkü çalalım. Bundan sora keyfim erinä geldi”, — paylaştı Mariya İvanovna.
Mariya İvanovna inanȇr, ani insan hiç ihtärlamayacek onun aslı dostları varsaydı hem o dayman ii insannarın arasında bulunarsaydı.
GRT CK uzmannarı kutlȇrlar Mariya İvanovnayı bu gözäl günnän.
Источник grt.md
Warning: get_headers(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /workspace/sites/gagauz.online/wp-content/plugins/buddyboss-platform/bp-core/bp-core-avatars.php on line 694
Warning: get_headers(): Failed to enable crypto in /workspace/sites/gagauz.online/wp-content/plugins/buddyboss-platform/bp-core/bp-core-avatars.php on line 694
Warning: get_headers(https://www.gravatar.com/avatar/c43c6b447aaa7742a57ff319161ad6ab?d=404): failed to open stream: operation failed in /workspace/sites/gagauz.online/wp-content/plugins/buddyboss-platform/bp-core/bp-core-avatars.php on line 694