Kompozitor İlya FİLEV 65 yaşında

Kompozitor İlya FİLEV 65 yaşında

Büün anılmış gagauz  kompozitoru, “Gagauziyanın kıymetli kultura zaametçisi”, “İncäzanaatta Maestro”, “Mihail Çakir” ordenın kavaleri hem da pek islää bir insan İlya FİLEV 65 yaşını tamamnêêr.

Kompozitor olarak, İlya FİLEV biliner diil salt Gagauziyada hem Moldovada, ama bütün türk dünnäsında da. O kendi Halkının patriotu hem muzıkanın can izmetçisi. Gagauz poetların çoyunun peetlerini muzıkaya koydu. Ama en bereketli hem en çok türkülär yaptı gagauz poetı Todur ZANETlän birliktä: “Yaşa, Halkım!”, “Bendä var bir Vatan”, “Canım, Vatanım, Gagauziyam”, “Gagauziyä – sän bir Ana!”, “Birlik türküsü”, “Gagauz kadıncası”, “Gagauziyada Hederlez”, “Kemençä”, “Can sancısı” hem çok çok taa başka türkülär.

Kompozitorun türkülerini çalêrlar Mariya KISA, Lüdmila TUKAN, Vitaliy VASİLİOGLU, Yulä ARNAUT, Genadiy MİTİŞ, Ölesä TUKAN, Olesä BIRLADEAN, Nataliya DENİZ hem başka talantlı türkücülär.

Maestro, bu gözäl yıldönümün kutluca olsun! Taa çok yıllara saalık, akıl hem yaratmak kolaylıı.

Paalı İlya İlyiç, Saalık Allaa versin!

“Ana Sözü” redakțiyası




Источник anasozu.com
1127

İlgili statyalar

Prof. Dr. İlya İvanoviç KARAKAŞ raametli oldu

Ukraynanın Odesa kasabasında, koronovirusa yakanalıp, raametli oldu yuridika bilgilerindä Prof. Dr.  İlya İvanoviç KARAKAŞ, angısı bütün ömürünü yurisprudențiyaya baaşladı hem çok kuvet koydu Gagauziyanın kurulmasının yuridika tarafından temelleştirmesinä. Prof. Dr.  İlya İvanoviç KARAKAŞ Ukraynanın kıymetli yuristı adını taşıyardı, yuridika bilgilerindä doktordu, profesordu, “Odesa yuridika akademiyası” Milli universitetın çiftçilik hem toprak hakları kafedrasının başıydı. İlya İvanoviç KARAKAŞ  pay aldı “Gagauziya (Gagauz Yeri) özel hak statusu için” Zakonun hem “Gagauziya (Gagauz Yeri) Temel Zakonu”n hazırlanmasında. Topracıı ilin olsun! Allaa onu saa yanına kabletsin! “Ana Sözü” redakțiyası Источник anasozu.com

Vitaliy MANJUL “Maestru în Artă” (“İncäzanaatta Maestro”) oldu

Moldova Prezidentı Maya SANDUnun emirinä Gagauziyanın kultura adamına Vitaliy MANJULa verildi şannı ad Moldova Respublikasında “Maestru în Artă” (“İncäzanaatta Maestro”) adı verildi. Moldovada milli Kultura Gününnän ilgili olarak, Moldova Prezidentı Maya SANDU verdi Moldova Respublikasında “Maestru în Artă” (“İncäzanaatta Maestro”) adını gagauz türkücüsünä, kompozitora, resimciyä hem resimcilik uurunda üürediciyä Vitaliy MANJULa. Kutluca olsun! Источник anasozu.com

I-ci “ENİ TÜRKÜ” yarışmasının Grand-Pri ödülü Yulya ARANAUTta

Gagauziyanın kultura Upravleniyasının çalışmasınnan Kırım ayın (dekabri) 22-dä Komrat kultura Evindä geçti I-ci “ENİ TÜRKÜ” yarışması, neredä pay aldılar 16 yarışmacı 18 türküylän. “ENİ TÜRKÜ” yarışmasında vardı nicä katılsınnar gagauz dilindä türkülärlän 14 yaş yukarı olan kişilär (solistlar, duetlar, triolar hem ansamblilär) hem onda pay aldılar: İlyä hem Evdokiya KÖSÄlär (“Gagauziyam” türküsünnän), Yuliya ARNAUT  (“Analar” türküsünnän), “Serin-su” vokal ansamblisinin solistleri İrina GERASİMOVA hem Valeriy ARNAUT (“İnanmêêrım” türküsünnän), Andrey PALİK (“Воваmа” hem “Gelsän” türkülerinnän), Tatyana UZUN (“Sevgili küüyüm Kıpçak” türküsünnän), Mihayil PAÇİ (“Hederlez” türküsünnän), Viktoriya ARNAUT (“Sendän sora” türküsünnän), İlyä KALAK (“Kasım yortusu” türküsünnän), Tatyana KARASENİ (“Küçük bir vatanım” türküsünnän), “TOZİ”…

Hederlez yortumuz kutluca olsun

Evelki adetlerä görä büün, Hederlez ayın (may) 6-da, bütün türk dünnäsında hem Gagauziyada Hederlez yortusu bakılêr. Gagauzlarda Hederlez yortusu, “Canavar yortuları”nnan hem “Kasım” yortusunnan bilä, sayılêr dedelerdän kalma en büük hem çok maanalı milli yortulardan birisi. Gagauziyada Hederlez yortusunun ofițial gimnası – “Gagauziyada Hederlez” türküsünü (laflar –Todur ZANET, muzıka –İliya FİLEV) kabledildi: https://www.facebook.com/kultura.ge/videos/1049964988865328. Hederlez yortumuz kutluca olsun! Источник anasozu.com

Todur ZANET – 65 yaşını doldurêr

Büün, Kirez ayın (iyün) 14-dä, “Ana Sözü” gazetamızın baş-redaktoru, Gagauz Milli Gimnanın avtoru, Akademik, poet, yazıcı, dramaturg, aaraştırmacı, folklorcu, sţenarist hem rejisör, publiţist, çevirici, “GAGAUZLUK” Cümne Birliin başı, “Gagauz Yeri” hem  “Gloria Muncii” ordennarın kavalerı Todur ZANET 65 yaşını doldurêr. Saalık, kısmet, uzun ömür Canabinizä. Allaa versin sizä kuvet hem çok akıl Gagauz milletinä hem Gagauzluklan Türk Dünnäsına izmetlerinizdä hem zaametlerinizdä. Göklerdän can sıcaklıı nurlar üstünüzä insin. Literaturada hem incääzanaatеa bütün neetleriniz, yaratmalarınız hem çalışmalarınız aslıya çıksın. Allaa versin çok yıllar ayakta durasınız, kılıç gibi keskin kalasınız, gül gibi nazlı olasınız! Saalık Allaa versin, Todur ZANET, sizä hem hepsimizä! “Ana…