Kişinevda gagauz yortusu hem 25-ci kadr

Çiçek ayın 6-da Kişinevun “Nikolay SULAK Milli Palatası”nda oldu “Gagauziyayı kulturadan tanı” (“Descoperӑ Gӑgӑuzia prin culturӑ”) adlı bir yortu, neredä gagauzların kulturasını kişinevlulara gösterdilär hem tanıttılar.

Konțertin önündä siiredicilerä deyni gagauz milli kostümnarın gösterisi oldu, çeşitli master-klaslar yapıldı, resim hem kilim sergisi düzennendi. Ayrıca gelenneri karşladılar  gagauz folklor ansamblileri “Bucaktan kızlar” (Çadır kasabası), “Sevda” (Kazayak küüyü) hem “Çancaaz” (Aydar küüyü).

“Gagauziyayı kulturadan tanı” (“Descoperӑ Gӑgӑuzia prin culturӑ”) adlı yortunun özü oldu “Nikolay SULAK Milli Palatası”nın sțensında büük bir konțert programası, angısında pay aldılar Gagauziyanın türkü hem oyun ansamblileri “Düz Ava” hem “Kadınca”, oyun ansamblileri “Аltın Çöşmä” hem “Yıldızlar”. Bundan kaarä sțenada çaldılar anılmış gagauz türkücüleri Andrey İVANOV, Tatyana MİTİOGLU, İvan BABOV, Sergey İVANOV, “Kolay” vokal şkolası, Yuliya ARNAUT, “Koray aylesi”, Olga PAÇİ, Elena PAÇİ, Valentin ORMANCI, Marina KISSA, İlya hem Evdokiya KÖSÄ, Viktoriya ARNAUT, İrina DRAGU, Dimitriy KADIN, Natali DENİZ hem Komrat kasabasının Uşak yaratmak evin vokal kolektivı, “Tozi” duetı, “Kolay sesleri” vokal grupası, Vitaliy MANJUL, Pötr PETKOVİÇ.

Selemnemä sözünnän yortuda bulunnanara danıştılar Gagauziya Başkankası İrina VLAH hem Kişinev primarın yardımcısı.

Makarki açıklandı, ani “Gagauziyayı kulturadan tanı” (“Descoperӑ Gӑgӑuzia prin culturӑ”) adlı sıranın keezi – gagauz kulturasını milli uurunda göstermäk, bir minudada hiç brakmardı şüpä ki yortunun 25-ci kadrası da vardı – politikacı İrina VLAHa gelecek için reklaması. Çünkü, türkülär çalınarkan, arkadakı may hepsi vidiolarda Canabisi ön plandaydı.

Kişinevda gagauz yortusu hem 25-ci kadr

Kişinevda gagauz yortusu hem 25-ci kadr

Kişinevda gagauz yortusu hem 25-ci kadr

Fotolar: Todur ZANET hem facebook.com/vlahmd.




Источник anasozu.com
178

İlgili statyalar

Kişinevda “Gagauziyayı kulturadan tanı” büük konțert var

Büün, Çiçek ayın 6-da, saat 18:00-ta Kişinevun “Nikolay SULAK Milli Palatası”nda olacek büük “Gagauziyayı kulturadan tanı” (“Descoperӑ Gӑgӑuzia prin culturӑ”) adlı bir konțer, neredä gagauzları Moldova Respublikasında yaşayan başka insannara tanıdaceklar. Konțerttä pay alaceklar Gagauziyanın türkü hem oyun ansamblileri “Düz Ava”, “Kadınca” hem anılmış gagauz türkücüleri. Bundan kaarä konțertä gelennerin kolaylıkları olacek görmää başka işleri da: gagauz milli kostümnarının gösterisini, çeşitli master-klasları, resim hem kilim sergisini. Biletlär “Nikolay SULAK Milli Palatası”nın kasalarında satılêr. Источник anasozu.com

Kişinevda “Gagauziyayı kulturadan tanı” büük konțert var

Büün, Çiçek ayın 6-da, saat 18:00-ta Kişinevun “Nikolay SULAK Milli Palatası”nda olacek büük “Gagauziyayı kulturadan tanı” (“Descoperӑ Gӑgӑuzia prin culturӑ”) adlı bir konțer, neredä gagauzları Moldova Respublikasında yaşayan başka insannara tanıdaceklar. Konțerttä pay alaceklar Gagauziyanın türkü hem oyun ansamblileri “Düz Ava”, “Kadınca” hem anılmış gagauz türkücüleri. Bundan kaarä konțertä gelennerin kolaylıkları olacek görmää başka işleri da: gagauz milli kostümnarının gösterisini, çeşitli master-klasları, resim hem kilim sergisini. Biletlär “Nikolay SULAK Milli Palatası”nın kasalarında satılêr. Источник anasozu.com

X-cu “Gagauz kilimneri” festivali oldu

2023-cü yılın Harman ayın (avgust) 26-da Gagauziyanın Aydar küüyün evelki dermen çayırında oldu X-cu “Gagauz kilimneri” festivali, angısında pay aldılar bütün Gagauziyanın kilimcileri hem kultura zaametçileri. “Gagauz kilimneri” festivali 2013-cü yıldan beeri, Gagauziyanın Aydar küüyün primariyasının kararına görä, Aydar küüyün Kurban günündä hem Büük Panaiya (Harman ayın (avgust) 28-zi) Aydar küüyün Kisä Kurbanı) yortusunda, ya ona karşı. İlk altı yıl “Gagauz kilimneri” festivali haliz GAGAUZ hem GAGAUZLUK kilimcilii festivaliydi hem kurulmuş günündä bakılardı. Sora, işin içinä Gagauziyanın Başkankası girincä, festival oyuncaa döndü – onu yapardılar uydurma günnerdä, ozaman, açan Başkanakanın nestesi kalkardı: ba Harman ayın 7-dä, ba Harman ayın 9-da,…

“Düz Ava” hem “Kadınca” Kişinevu genä büüledilär

Baba Marta ayın 7-dä, Moldovanın 57-ci “Marţişor” milli festivalin çerçevesindä, Kişinevun “Nikolay SULAK Milli Palatası”nda olan konțerttä pay aldılar Komrattan Gagauziyanın anılmış tîrkî hem oyun ansamblileri “Düz Ava” hem “Kadınca”. Gagauz milletinin “Düz Ava” hem “Kadınca” ansamblileri büük ustalıklan sțenadan gösterdilär artık sedef olan gagauz milli oyunnarını hem halk muzuka kompozițiyalarını, tanıştırdılar sțțredțcțlerț gagauz türkülerinnän. O günü, Gagauziya artistlerinnän barabar, kendi ustalıını siiredicilerä gösterdilär Moldovanın çeşitli halkların ansamblileri dä, ölä nicä “Rodolübiye”, “Veselia”, “Vodograi”, “Enigma Romilor”, “Polinuşca”, hem da musafir olan “Sturczanskie Dzwoneczki”, angıları tanıştırdılar onnari moldovan, gagauz, bulgar, çingenä, poläk, ukrayin hem başka halkların kulturasınnan. Artistleri islää kablettikleri için,…

I-ci “ENİ TÜRKÜ” yarışmasının Grand-Pri ödülü Yulya ARANAUTta

Gagauziyanın kultura Upravleniyasının çalışmasınnan Kırım ayın (dekabri) 22-dä Komrat kultura Evindä geçti I-ci “ENİ TÜRKÜ” yarışması, neredä pay aldılar 16 yarışmacı 18 türküylän. “ENİ TÜRKÜ” yarışmasında vardı nicä katılsınnar gagauz dilindä türkülärlän 14 yaş yukarı olan kişilär (solistlar, duetlar, triolar hem ansamblilär) hem onda pay aldılar: İlyä hem Evdokiya KÖSÄlär (“Gagauziyam” türküsünnän), Yuliya ARNAUT  (“Analar” türküsünnän), “Serin-su” vokal ansamblisinin solistleri İrina GERASİMOVA hem Valeriy ARNAUT (“İnanmêêrım” türküsünnän), Andrey PALİK (“Воваmа” hem “Gelsän” türkülerinnän), Tatyana UZUN (“Sevgili küüyüm Kıpçak” türküsünnän), Mihayil PAÇİ (“Hederlez” türküsünnän), Viktoriya ARNAUT (“Sendän sora” türküsünnän), İlyä KALAK (“Kasım yortusu” türküsünnän), Tatyana KARASENİ (“Küçük bir vatanım” türküsünnän), “TOZİ”…