Kişinev Türkiye Büükelçiliindä ATATÜRKÜ andılar

Kişinev Türkiye Büükelçiliindä ATATÜRKÜ andılar

Kasımın 10-da Türkiye Kişinev Büükelçiliindä Türkiye Respublikasının kurucusunun,  bütün Türk dünnäsının öndercisinin hem XX-ci üzyılın en anılmış liderın Mustafa Kemal ATATÜRKün raametli olduu günün 83-cü yılınnan ilgili bir anmak sırası oldu.

Anmak sırasında, Türkiye Kişinev Büükelçisi Gürol SÖKMENSÜER başta olarak, Büükelçiliin diplomatları hem personalı, Türk İşbirlii hem Koordinaţiya Agenstvosu Başkannıın (TİKA) Kişinev TİKA programaların Koordinatoru Selda ÖZDENOĞLU hem TİKA personalı, saygıylan andılar Türkiye Respublikasının kurucusunu Mustafa Kemal ATATÜRKü.

Anmak sırasından sora, sıraya katılannar, saygıylan çiçek koydular Kişinev Türkiye Büükelçiliin önündä olan Mustafa Kemal ATATÜRKün byustuna.

Kişinev Türkiye Büükelçiliindä ATATÜRKÜ andılar

Kişinev Türkiye Büükelçiliindä ATATÜRKÜ andılar

Kişinev Türkiye Büükelçiliindä ATATÜRKÜ andılar

Kişinev Türkiye Büükelçiliindä ATATÜRKÜ andılar

Patretlär: https://www.facebook.com/kisinevbe




Источник anasozu.com
314

İlgili statyalar

T.C. Kişinev Büükelçiiliindä ATATÜRKün sonsuzlaa varmasının 84-cü yıldönümünü saygıylan andılar

Kasımın 10-da saat 09-05-tä saygı duruşunnan Türkiye Kişinev Büükelçiilii andı Ulu Önderinin Gazi Mustafa Kemal ATATÜRKün sonsuzlaa varmasının 84-cü yıldönümünü. Saygı sırasında, başta  Türkiye Kişinev Büükelçisi Uygar Mustafa SERTEL aylesinnän olarak, pay andılar T.C. Kişinev Büükelçiilii diplomatları hem personalı aylelerinnän barabar, TİKA Kişinev programaların Koordinatoru Selda ÖZDENOĞLU hem TİKA ofisin işçileri, Moldovada türk iş adamnarı, akademik hem gagauz yazıcısı Todur ZANET, başka insannar. Türkiye Gimnasını çalmaktan, Büükelçiiliin aulunda olan Türkiyr Bayraanı indermektän hem kısa bir mitingtan sora, hepsi saygıylan ATATÜRKün byustuna çiçek koydular. Ulu Önder Gazi Mustafa Kemal ATATÜRK raatlıkta dinnen, topracıın ilin olsun! Источник anasozu.com

Türkiye Respublikasının 98-ci yıldönümünü kutluca olsun

Canavar ayın (oktäbri) 29-da Türkiye Respublikasının kurulmasının 98-ci yıldönümü tamamnandı. Türkiye Respublikasının kurulması dünneyä bildirildi 1923-cü yılın Canavar ayın (oktäbri) 29-da, ondan sora, nicä Türkiye Parlamentı (Türkiye Büük Millet Meclisi) kabletti hem temelä koydu türk halkının Büük öndercisinin Mustafa Kemal ATATÜRKün tarafından hazırlanan Türkiye Konstituțiyasına bu uurda diişiklii. Bu diişikliklän Türkiye Devletinin öndercilik sisteması Respublika olmasına döndü. Türkiye Kişinev Büükelçisi Gürol SÖKMENSÜER “29 Ekim Cumhuriyet Bayramı”nan ilgili olarak insannara bir video mesaj yolladı: https://www.facebook.com/kisinevbe/videos/304812924814281. Türkiye Respublikasının 98-ci yıldönümünü kutluca olsun hem Türkiye Respublikası yaşasın! Источник anasozu.com

Türkiye Respublikasının 99-cu yıldönümünä baaşlanmış reçepțiya

Canavar ayın (oktäbri) 29-da tamamnandı 99 yıl, nicä 1923-cü yılın Canavar ayın (oktäbri) 29-da Türkiye Parlamentı (Türkiye Büük Millet Meclisi) kabletti türk halkının Büük öndercisinin Mustafa Kemal ATATÜRKün hazırladı Türkiye Konstituțiyasına diişiklii, angısına görä Türkiye Respublika oldu. Bu yıldönümünnän ilgili olarak, Canavar ayın (oktäbri) 31-dä Türkiye Kişinev Büükelçisi Uygar Mustafa SERTEL, eşinnän barabar, ofițial reçepţiya verdi. Reçepţiyada pay aldılar Moldova Parlamentın spikerını İgor GROSU, Gagauziya Başkankası İrina VLAH hem Gagauziya Halk Topluşu Başı Dimitriy KONSTANTİNOV, Moldova Parlamentın hem Gagauziya Halk Topluşun deputatları, Türkiye Gagauziya Komrat Başkonsulu Hasan AKDOĞAN, TİKA Kişinev programaların Koordinatoru Selda ÖZDENOĞLU, Moldovada yabancı devletlerin Büükelçileri, Moldovada diplomatiya…

Komrat rayonunun primarların Türkiye Kişinev Büükelçisinä “hoş geldiniz” vizitı

Canavar ayın (oktäbri) 17-dä Gagauziyanın Komrat rayonunun primarları hem rayon aministrațiya başı Türkiye Kişinev Büükelçisi Uygar Mustafa SERTELä bir “hoş geldiniz” vizitı yaptılar. T.C. Büükelçiliindä buluşmada, Gagauziyanın Komrat rayonunun primarları hem rayon aministrațiya başı annattılar hem şükür ettilär o yardımnar için, ani şindiyädän Türkiye Respublikası hem türk, halkı TİKA, yolunnan Gagauziyada hem onun içindä Komratta hem Komrat rayonun küülerindä yaptı. Kendi tarafından Türkiye Kişinev Büükelçisi Uygar Mustafa SERTEL söledi, ani Türkiye için pek önemni kan kardaşları – gagauzlar hem urguladı, ani ileri dooru da Türkiye Respublikası bu uurda iş politikasını ilerledecek. Источник anasozu.com

Gagauziya Halk Topluşu Başı Türkiye Kişinev Büükelçisinnän buluştu

Baba Marta ayın 21-dä Gagauziya Halk Topluşu Başı Dimitriy KONSTANTİNOV bir saygı vizitlan Türkiye Kişinev Büükelçiliindä buluştu Türkiye Kişinev Büükelçisi Gürol SÖKMENSÜERlän. Büükelçi Gürol SÖKMENSÜER Gagauziya Halk Topluşu Başına hem eni seçilän deputatlarına çalışmalarında başarılar diledi hem Türkiyenin dayma Gagauz soydaşlarına yardım olmak için, büünkü günä kadar olduu gibi, bundan sonra da elindän geleni yapacaanı urguladı, bildirer T.C. Kişinev Büükelçiliin https://www.facebook.com/kisinevbe sayfası. Источник anasozu.com