Kişinev TİKA Koordinatoruna Selda ÖZDENOĞLUya Moldovanın “Şan ordenı” verildi

Kişinev TİKA Koordinatoruna Selda ÖZDENOĞLUya Moldovanın “Şan ordenı” verildi

Moldova Prezidentı İgor DODONun Kararına görä Türk İşbirlii hem Koordinaţiya Agenstvosu Başkannıın (TİKA) Kişinev TİKA programaların Koordinatoruna Selda ÖZDENOĞLUya Moldovanın en üüsek ordennnarından birisi – “Şan ordenı” – verildi.

Baba Marta ayın 20-dä, Moldova Prezidentın enilenmiş binasında devlet ordennarın verilmä sırası oldu. Sırada Prezident İgor DODON urguladı, ani “Şan ordenı” veriler TİKA Kişinev  programaların Koordinatoruna Selda ÖZDENOĞLUya onun Türkiye hem Moldova arasındakı “strategiyalı ortaklık” uurunda dostluk ilişkisinä çalışması hem TİKAnın Gagauziyada hem Moldovada gerçekleştirdii başarılı proektlarında rolü hem ii neetli katkıları için.

Eridir urgulamaa, ani 2018-ci yılda Türkiye Prezidentın Recep Tayyip ERDOĞANın Moldovaya hem Gagauziyaya 20 yıl aradan sora ilk kerä gelmesindä Türkiye hem Moldova arasında Strategiyalı işbirlii Ortaklık annaşması imzalandı. Ozaman taa bir kerä açıklandı, ani Moldovada saalık, üüredicilik, cümne hem öndercilik altyapıların uurunda hem çiftçilik sektorunda 25 yılın içindä TİKA 400-dän zeedä proekt başardı. Bunnarın arasında var son yıllarda Gagauziyada enidän yapılan bolnițalarlan uşak başçaları hem TİKA tarafından Moldova Prezidenturasının binasının enişlinmesi hem orayı mebel erleştirilmesi da.

Moldovaya hem Gagauziyaya vizitında Türkiye Prezidentı Recep Tayyip ERDOĞAN Moldova Prezidenturası binasının hem Gagauziyada 56 yataklı “Aziz SANCAR” adına alıştırma hem diagnostika korpusun açılışını yaptı.

“Şan ordenı” kabledän TİKA Kişinev  programaların Koordinatoru Selda ÖZDENOĞLU, redakțiyamızın kutlamalarını kablederäk, urguladı, ani bu ordenı diil kendisinä, ama bütün Türk İşbirlii hem Koordinaţiya Agenstvosu Başkannıın dooru hem açık candan çalışmaların saygısına kableder.

Not. Biz, “Ana Sözü” gazetasının redakțiyası olarak candan-ürektän kutlêêrız Selda ÖZDENOĞLUyu hem bütün Türk İşbirlii hem Koordinaţiya Agenstvosu Başkannıını bu Moldovanın üüsek devlet ordenınnan. Uzun ömür hem büük başarılar sizä dileriz! Saalık Allaa versin!!!

Источник anasozu.com

İlgili statyalar

TİKA Kişinev ofisindä eni koordinator – Selda ÖZDENOĞLU

2017-ci yılın Canavar ayın (oktäbri) başından beeri TİKA (Türk İşbirlii hem Koordinaţiya Agenstvosu) Kişinev ofisindä işä başladı eni koordinator – Selda ÖZDENOĞLU. Selda ÖZDENOĞLU TİKA kurulduundan beeri bu kuruluşta işleer. Bu yıllarda TİKAnın çeşitli strukturalarında işledi. On yıla yakın TİKA Ekonomika Teknik hem Alış-veriş İşbirlii Departamentın başı oldu. Bu Departamentta çalışarkana Moldovada çeşitli proektlara yol verdi. O proektların arasında “Moldova Gıda ve Yaşam Güvenliği Destekleme Programı” protokolu da var. TİKA Moldova programaların Koordinatoru Selda ÖZDENOĞLU Canavar ayın (oktäbri) 9-da Gagauziyaylan tanışma vizitını yaptı. Vizit çerçevesindä Canabisi Gagauziya Başkanınnan hem onun yardımcılarınnan buluştu. Источник anasozu.com

DOST ZORLUKTA TANINÊR: TİKAdan medițina tertipleri yardımı

Komrat infekțiya bolnițasına yardım Çiçek ayın (aprel) 22-dä  Türk İşbirlii hem Koordinaţiya Agenstvosu Başkannıı (TİKA) getirdi Gagauziyada COVID-19 hastalarına deyni maasuz hazırlanan Komrat infekțiya bolnițasına koronavirusa karşı koymak için medițina tertipleri yardımı. TİKA tarafından verilän yardımın içindä var: 500 medițina maskası hem 125 doktorlara deyni koruyucu gözlük. Hepsi bu tertiplär koruyacek medi-țina izametçilerin saalıını, eni tipkoronavirusa ulaşan hastaları ilaçlarkana. Nicä bildirdi TİKA Kişinev programaların Koordinatoru Selda ÖZDENOĞLU “Bu Türk halkından Gagauziyaya bu zor vakıtta bir kardaşlık hem dostluk yardımı, ani verecek kolayını eni tip koronaviruslan savaşmakta kendi saalıklarını riskä koyan vraçları hem başka medițina imetçilerini ulaşmaktan korumaa”. Moldova İçişleri Ministerliinä…

“ErenlerSofrası” yardımı Moldovaya hem Gagauziyaya etişti

Türk İşbirlii hem Koordinaţiya Agenstvosu Başkannıın (TİKA) açıkladıı #ErenlerSofrası programasına görä, TİKA tarafından dünneyin dört köşesindä musulmannnarın Ramazan yortusu çerçevesindä yoksul hem üüsüz insannarına iyecek malları yardımı yapılêr. Nicä bildirdi gazetamız için Kişinev TİKA programaların Koordinatoru Selda ÖZDENOĞLU, bu yardımdan 40 ton mal Moldova için da ayırıldı, angısı erleştirildi 4 bin kutuya.  Herbir kutuda iyelicek malların yanında (bulgur, un, oloy, tuz) COVİDtan korunmak üüsek kaliteli medițina maskaları da var. Paskellä yortusuna karşı yardımın ilk payı (10 ton) Moldovanın Belț kasabasına yollandı. Sora da, ikinci etapta, 18 ton yardım Gagauziyanın 3 rayonuna (Komrat, Çadır, Valkaneş) yollandı hem oralarda Komrat Recep Tayyip…

“Fulger” speţnaz poliţiya Birliin sport salonun TİKA tarafından enilendi

Kirez ayın 23-dä Kişinevda oldu ofiţial açılış Moldova Respublikasının içişleri Ministerliin “Fulger” speţnaz poliţiya Birliinin sport salonuna, ani TİKA (Türk İşbirlii hem Koordinaţiya Agenstvosu) yardımınnan enilendi hem tertiplendi. Ofiţial açılışta pay aldılar Moldova Respublikasının içişleri mimistrusu Alexandru JİZDAN, T.C. Kişinev Büükelçisi Hulusi KILIÇ, TİKA Moldova Programaların Koordinatoru Canan ALPASLAN, “Fulger” speţnaz poliţiya Birliin komandiri Vasile İVAS hem başka temsilcilär. Açılışta ministr Alexandru JİZDAN şükür etti Türkiye Respublikasına o yardımnar için, ani yapılêrlar Moldova poliţiyasının etiştirilmesindä. Canabisi urguladı, geçän yılın 15 Temmuz (Orak ayı – nışan “AS”) devrim denemesini basmakta Türkiye speţnaz poliţiyası büük eri aldı. Alexandru JİZDAN urguladı, ani iki devlet…

TİKA Balkannar hem Dou Evrupa Daire Başkanı Dr. Mahmut ÇEVİK Gagauziyada

2018-ci yılın Hederlez ayın (may) 9-da, TİKA proektların ilerlemesinnän ilgili olarak, Gagauziyada bulundu TİKA Balkanlar hem Dou Evrupa Daire Başkanı Dr. Mahmut ÇEVİK. Canabisinnän bilä Gagauziyaya geldilär TİKA Kişinev ofisin koordinatoru Selda ÖZDENOĞLU hem bu ofisin zaametçileri da. Vizit zamanında Dr. Mahmut ÇEVİK baktı nasıl gider işlär üüredicilik, soţial hem saalık obyektlarında, angılarını TİKA yolunnan Gagauziyada Türkiye Respublikası düzer. Vizit zamanında TİKA Balkanlar hem Dou Evrupa Daire Başkanı Dr. Mahmut ÇEVİK hem TİKA delegaţiyası buluştular Gagauziya Başkanınan İrina VLAHlan hem Gagauziya Başklanın 1-ci yardımcısınnan Vadim ÇEBANnan. Buluşmakta incelendi Gagauziyada TİKA proektlarınnan ilgili soruşlar. Onnarın arasında “Türkiye Prezidentın Recep Tayyip ERDOĞAN…


105

İnsannarın cuvapları: