Kirsovo küüyündä kurdular cümneyi korumak sovedini. Ne iş o yapacek?
Büün, kıran ayın 14-dä, Kirsovo küüyündä kuruldu Cümneyi korumak sovedi. Onun daavası çözmää problemaları, angılarınnan küüyün yaşayannarı karşı gelerlär.
Komrat dolayında artık dört cümneyi korumak sovedi var: Komratta, Svetlıyda, Ferapontyevkada hem Avdarmada. Komrat Poliţiyasının cümneyi korumak bölümün ofiţerı Marina Garbalı nışannadı, ani hepsi küülerin yaşayannarı birtürlü problemalarlan karşı gelerlär.
“En sık problemalar: insannar beenmeerlär, ani yollarda maşınalar hızlı gezerlär, esaba almȇȇrlar yol kurallarını. Alkogol içkilerini içerlär. Zorlatmaklar aylelerdä en büük problema, hem başkaları», — açıkladı Marina Garbalı.
Küüyün cümnä aktivisti Svetlana Georgieva nışannadı, ani Cümneyi korumak sovedi lääzım olsun küüyüdä.
«Bu sovettä toplandılar kuvetleri temsil edennär, yaşayannar, kim var nicä açıklasın gerçek problemaları. Primara da kolay olacȇk. Şindiyädän o kendisi problemaları çözärdi», — söledi Svetlana Georgieva.
Kirsovo küüyünün primarı Sergey Sapunjı çizgiledi, ani yaşayannar her gün problemalarınnan ona danışȇrlar. Cümneyi korumak sovedi ona yardım edecek bu soruşları çözmää.
«Biz umutlanȇrız, ani sovet bereketli çalışacȇk. Orada bulunȇrlar te o kişilär, kim her gün yardım ederlär insannara. Sayȇrım, ani sovet lääzım bizä», — söledi primar.
Kirez ayın 20-dä 2017-ci yılda Komratta ilk Cümneyi korumak sovedi kuruldu. Hep o yılın sovet imzaladı annaşmayı Poliţıyaylan, Komradın primariyasınnan hem politikacılar cümnä İnstitutunnan.
Avtor: E. Ratkoglo, çevirdi: M. Topal, video: V. Tabaçuk, montaj: A. Gerçu
Источник grt.md 15.12.2022