Kirsovo küü için tiprlandı jurnal. O yardım edecek ilerletmää küüyü
“Tukannarın organizaţiyaları birlii” assoţiaţiyası barabar Kirsovo küüyün primariyasınnan geliştirdi jurnalın tiparlaması için proektı, neredä açıklandı cümnä, êkonomika hem kultura bölümnerin ilerlemesi. Baş neet — açıklamaa küüyün durumunu her taraftan hem belli etmää belli çözümleri onun ilerlemesi için.
«KİRSOVO 1811-2022»“Almanahı Tukannarın organizaţiyaları birlii” assoţiaţiyası barabar Kirsovo küüyün primariyasınnan tiparladı, ki derindän göstermää küüyün baş dertlerini.
“Bän pek sevinerim, ani barabar çalıştıımız işi başarabildik. Bu var nicä sölemää tukannarı hem gagauzları birleştirilecek istoriyada, Moldova devletindä. En önemli, ani iş sırasında belli edildi insannar hem problemalar, angılarınınnan lääzım işlemää. Nedän sora var nicä yazalım bir istoriyamızı, neredä derindän gösterelim bulgarların, tukannarın hem gagauzların taraflarını”, — nışannadı bilgiç öndercisi Nikolay Rusev.
Proektın kurulması için seçildilär süjetlar, olaylar, kararlar, angıları açıkladılar en önemli hem renkli olayları, büük maanalarını şindiki zamanının ilerlemesindä.
“Sizin istoriyanız açıklanıldı temeldän, kurulmasından, şindiyadan. Saa olunuz, ani annadınız durumu. Bizim da baş amacımız- diil sade tiparlamaa kiyadı, var plannarımızda toplamaa bütün informaţiyayı. Kuralım bür istoriyamızı Moldovanın tukannarına hem gagauzlarına deyni, da tiparlayalım bizim evlatlarımıza istoriya kiyadını.” — Pötr Popov baş redaktor.
Hepsi materialları hazırladı jurnal için statyaların avtorları hem primariya.
“50 sayfada yok nasıl açıklamaa uzun Kirsovo küüyün istoriyasını, şindiki yaşamayı hem gelecek zamanın kolaylıklarını. Bu iş için vakıt hem çalışmak lääzım. Bu almanah büük maanalı oldu küümüzä deyni”, — söledi Sergey Sapunji, Kirsovo küüyün primarı.
O informaţiya, angısı tiparlandı jurnalda — sızıntı olacek üürenicilerin bilgilerinä deyni, nışannadı Tuzlov adına liţeyin öndercisi Oksana Razgradskaya. Bu üürenmäk kurumunda 99% uşak üürenerlär bulgar dilini.
“Biz hepsimiz işleeriz, da var umudumuz, ani evlatlarımız da seveceklär gelecek vakıtta zanaatını. Biz üürenicilerimizä dä söleeriz, ani halk, angısı bilmeer istorıyasını, geleceeni da görmeyecek”, — söledi liţeyin başı.
Jurnalda varolan material — fikirlär küüyün yaşayannarı için, nışannadı M.Tanasoglu adına liţeyin başı Mariya Boykova.
“İşlärkana kiyatlan, ilk lääzım kurulsun iş grupası, angısı kuracek herbir takrir planını herbir önemli kurum için, ki birtürlü olsun”, — söledi Mariya Boykova.
Jurnallan tanışmaa kolaylık olacek Kirsovo küüyün bibliotekalarında hem üüretim kurumnarında.
Источник grt.md
