KDU bitki kursların studentleri dual sistemasına görä hem üürenerlär, hem işleerlär
KDU studentleri dual sistemasının yardımınnan kabledän bilgilerini iş erlerindä praktikada kontrol ederlär.
KDU yıl yıldan büük kuvet koyȇr kaliteli uzmannarı hazırlayıp hem yardım eder onnara iş erlerini bulmaa. Bu önemli neetlän universitettä üçüncü yıl sıradan dual sisteması üüretmäk proţesindä kullanılȇr, angısına görä studentlär diil sade eni bilgileri türlü zanaatlarda kablederlär, ama kullana bilerlär onnarı praktikada da.
Bilgilerin kabledilmesi hem onnarın kullanılması iş erlerindä verer kolaylık studentlerä annamaa, dooru mı onnar ayırdılar kendilerinä deyni zanaadı, sayȇr Sergey Zahariya.
Büünkü gün dual sisteması üüretmäk proţesindä pedagogika hem agrar zanaatlarında başarlı giriştiriler. Gider laflaşmak ki ekonomika hem üridik zanaatlarını da bu sistemaya koşmaa. Sölärkän KDU bütünnä işi için Sergey Zahariya paylaştı ki seviner ona, ani reforma üüsek okullarında, angısı Moldovada 2021-2022 üürenmäk yılın bitkisindä başladı geçirilmää, Komrat Universitetinä diimedi. Buna görä universitet ileri dooru da olacek kolaylıı hazırlamaa üüsek kaliteli uzmannarı devledä.
30 yıldan zeedä nekadar çalışȇr KDU, bu kurum 15 bindän zeedä kaliteli uzman hazırladı türlü zanaatlarda. Sade bu yıl, nışannadı rektor, yakın 75 proţent başaran olabildi iş erlerini bulsunar.
Источник grt.md 18.08.2022