KDU başarannarı diplomnarı kablettilär
Yortulu ţeremoniyada diplomnarı Komrat Devlet Universitetin (KDU) başarannarına verildilär. Dokumendi bütündän 487 başaran kabletti: ilk ţiklda – 281, ikincidä-206.
Danışmak sözünnän universitedin başarannarına KDU-in rektoru Sergey Zahariya danıştı.
SERGEY ZAHARİYA, KDU rektoru: «Üüürenmäk zamanı bitki yıllarda, angısı universitettä geçti, bän bölüklerä böleceydim: pandemiyaya kadar vakıt, pandemiya zamanı hem pandemiyadan sora. Biz sizinnän onnarı geçtik hem başarlı».
Bütündän bakalavr hem magistratura başarannarına 487 diplom verildi. Kutlamaa hem sertifikatları baaşlamaa bitirenerä geldilär Başkan İrina Vlah, Halk Topluşun başı Dmitriy Konstantinov, iş adamnarı, angıları diplomnu universitet başarannarına iş erlerini verdilär, fakultetlerin dekannarı, üüredicilär.
İRİNA VLAH, Gagauziyanın Başkanı: «Pek önemli, ani birkaç yıl geeri KDU-ni seçtiniz. Biz çok yıl sıravardı çalıştık, ki unuversitet avtonomiyanın vizit kartı olsun hem Komradın universitedi kendi uzmannarını çıkarsın, bizim yaşayannarımız kendi erindä kaliteli zanaatı kabletsinnär».
DMİTRİY KONSTANTİNOV, GHT başı: «Kutlȇȇrım hepsinizi üürenmenin başarmasınnan hem diplomnarın kabletmesinnän. Ko bu diplomnar kanatlarınız olsunnar da nesoy neetleri önünüzdä koydunuz başa çıkarabiläsiniz. Studentlik yılları en sevimni hem meraklı».
Şükürlemäk laflarını üüredicilerä, fakultetlerin önderciliinä hem universitedä 2022-ci yılın başarannarı söledilär.
«Biz bu günä iki yıl örüdük. Sevinerim, ani KDU-dä üürendim. Üüredicilär üüsek bilgili. Umutlanȇrım, ani diplom bana yolu eni yaşamaya açacek».
КDU-nä 31 yıl. O akreditaţiyayı geçti. Universitet 60 programaya görä başarannarı kolverer. Burada 4 fakultet çalışȇr, kafedralar, 12 halklararası merkez. Вu yıl universitettä, bakınca geçän yıla, taa çok büdjet eri verilecek.
Источник grt.md
