Kazayakta mezarlaa götürecek düzülän yolun kenarında peydalanacek çöşmä
Kazayak küüyünün primariyasına Moldova parlamentin deputatı İvanna Köksal yardım eder eni proekti giriştirmää. Küüdä eni yol yapılacȇk. O götürecek mezarlaa. Yakında onun kenarında çöşmä da peydalanacek. İşär şansora başladı.
Yol küüyün klisesindän mezarlaadan ii lääzım olsun, ki yayan gezennerä uygun olsun gitmää, nışannadı Moldova parlamentin deputatı, Kazayaklı İvanna Köksal.
«Eni proekti giriştireriz, ki insana olsun kolay mezarlaa geçmää. Şindiyadan sıra gelärdi baş yola çıkmaa. Bu yoldan insan korkusuz var nasıl olacȇk gezsin. Yol boyunda sundurmacıklar koyulu olacȇk, büün çöşmenin ilk taşını koyduk», — söledi deputat.
Çöşmenin dolayı temizlenecek, nışannadı küüyün primarı Anatoliy Uzun.
«Ötää dooru dikilecek fidannar da yolun boyunda. Trotuar yapılacȇk. Komsomolskaya, Kotovskoe sokakların yaşayannarı raat gezeceklär oradan. Kim okula, kim yaslaya, kolay hem korkusuz etişeceklär», — söledi primar.
Kazayak küüyünün yaşayannarı sevinerlär eni proektä. Onnar söledilär, ani yıl-yıldan küü enilener, olȇr taa gözäl.
«Şükür ederim bizim kuvetlerimizi, ani herzaman insana deyni neysä yapȇrlar. Biz kendi tarafımızdan yardım edecez kuvedimizä görä».
«Saa olsun İvanna Köksal hem Rafet Bey, ani bizi unutmȇȇrlar. Kazayak yaşayannarı beendilär eni proekti».
Erli kuvetlär nışannȇȇrlar, ani var planda taa bir kaç infrastruktura proektlerini aslıya çıkarmaa.
Reportö: Marina Topal
Video: Leonid Arfonos
Kurgu: Artöm Topal
Источник grt.md 27.10.2022