Kazayak küüyünün üüretim kurumnarında diiştirildi isıtmak sisteması hem binanın örtüsü

Kazayakta giriştiriler önemli soţial proektlar. İlk uşak başçasında diiştirildi isıtmak sisteması hem koyuldu bio mallarınnan yanan isıtıcı, gimnaziyada diiştirildi örtü. Gagauziya başkanı İrina Vlah dolaşarkana Kazayak küüyünü üürendi, ne uurda yapıldı proektlar.

Kazayak uşak başçasının başı Tatyana Varban nışannadı, ani proektı pek beklärdilär, çünkü uşaklar lääzım kabletsin bilgileri ii koşullarda.

2022 yılda Kazayak küüyünä Gagauziyanın bücetindän verildi 700 bin leyä yakın para. Küüyün sovet azaları belli ettilär o paraları küüyün ilk uşak başçası için ki geçirmää onda isıtmak sistemasını.

Bundan kaare Kazayaan primariyası geçirer düzmäk işleri küüyün gimnaziyasında, iş yapılȇr «Evropalı küü» proektın yardımınnan. İvan Momat nışannadı, ani gimnaziyanın örtüsü diişilmedi 1961 yıldan. Onuştan önemli bu proektı başa çikarmaa. Nicä nişannadı İvan Momat, proekt başa çikarılacek 20 günün içindä.

2015 yıldan Gagauziyanın regional bücetindän verildi 20 million ley Kazayak küüyün infrastruktura ilerlemesi icin.

Источник grt.md

BOT işçi

17.01.2023

197

Categories: Без категории

İlgili statyalar

Video: Kazayakta 2-ci uşak başçasında örtüyü diiştirmäk işleri yakında biteceklär

Kazayak küüyündä ikinçi uşak başçasında primayanın yaardımınan diiştiriler örtü. Angı vakıtta biteçek işlär, üürendi bizim korrespondentımız. Geçti yılın Kazayak küüyün primariyası diiştirdi örtüyü B1 , B2 binaların hem galereyanın örtüsünü ikinçi uşak başçasında. Kazayak küüyün primariyasınan yapıldı tender, angısı yardım etti başlamaa diiştirmää örtüyü en büük binada. İkinçi uşak başçanın önderçisi Evgenya Kalçu şükür etti Kazayak küüyün primariyasını hem nasaatçıları, ani yardım ettilär barabar çözmää bu problemayı. O umut eder ani ileriya da bilä primariyaynan yapılaçȇk pek çok iş. Kazayak küüyün primarın yardımcısı İvan Momot çizgiledi, ani bu işlerä para veriler küüyün primariyasından. İşlerin paası tuttu 600 bindän biraz zeedä. Источник grt.md

Haberci

475

11.10.2021

Video: Kazayak küün Kultura Evindä düzmäk işleri ilerleer

Gagaziyanın düzüntücülük bakannıı geçirip tênderi belli etti firmayı, angısı yapȇr düzmäk işlerini. Enilenecek yapının içi. Enilenecek giimneri diiştirmäk odası, grim odası, tualet, koyulacȇk isıtmak sisteması, onu yapmaa başladıydılar taa bıldır, haberledi Kazayak küüyün başın yardımcısı İvan Momot. “Sevda” ansamblisinin öndercisi Pelageya Çoban seviner, ani işlär başladılar da ilerleerlär. Bu pek önemli bir iş, neçinki uşaklara, artistlerä, angıları çalışacȇklar Kultura evindä, lääzım olsun sıçak hem kuytulu. Bu işlerdän sora plannarda var eniletmää sțenayı, neçinki başka kompaniya yaptı işleri diil kaliteli, da lääzım olacȇk sțenanın üstünü taa bir keret örtmää. Источник grt.md

Haberci

419

13.10.2021

Yapılêr koşullar insannara deyni

Çöşmenin açılmasını Kazayak küüyün yaşayannarı büük sevinmeliklän hem şenniklän beklärdilär. Onda düzülmetisindä aktiv pay aldılar küüyün yaşayannarı, bu bir örnek gibi, nica barabar işlär üüsek uura getirerlär. Kazayak küüyün yaşayannarı şükür ederlär İvanna hem Rafet Köksalı, erli kuvetleri, angıları çalışêrlar küüyün ilerlemesi için. Источник grt.md

BOT işçi

253

16.11.2022

(Foto) Kazayak lagerindä düzmäk işleri ilerler

Примэрия Села Казаклия Kazayak küüyünün primariyası ilerleder düzmäk işlerini uşaklar için lagerdä. Açıklamalar süjetimizdä. Lagerdä, nända kaavileştirilerlär, nända sa enilenerlär eski elementlär, evceezlerin hepsi pençereleri hem kapuları diiştiriler. İlk evceezi primariya tertipledi bıldır. ANATOLİY UZUN, Kazayak küüyünün primarı: “İşlär gider, işleri yapan firmaylan annaşmayı yazdırdık, hepsi lääzımnı materialları aldık. İşleri neetleneriz bitirmää bir ayin içindä”. Uşakların saalıı için en önemli hem lääzımnı koşullardan biri duş odaları hem tualetlär. Onnarı yapȇrlar baalayıp evceezerä. Bunu için erli sovetin kararınnan verilecek 277 bin ley, haberledi primar. ANATOLİY UZUN, Kazayak küüyünün primarı: “Para etmeer. Bu paralar az. İşlerin birazını yapacez bu yıl, kalanını gelän…

BOT işçi

381

28.07.2022

Bucak küüyünün gimnaziyasında düzdülär sanitar odasını

Bucak küüyünün gimnaziyasında sanitar odasını düzdülär. “Rotari club” finans yardımını bu işä verdi. Proektın koordinatoru “Noi aportuniti”cümnä kurumu oldu. Bucak küüyünün gimnaziyasında gigiyena odasını 2020 yıldan başladılar düzmää. Uşaklara komfort koşullar yapıldı, ellerini yıkamak tertipleri koyuldular, sıcak suyu çektilär. 1989 yıldan beeri yapının içindä gigiyena odası yoktu, açıkladı okulun başı Tatyana Yabanjı. “Lüdmila Karadagın yardımınnan biz “Rotari klub”- unnan tanıştık da 2021 yılda onnarlan başladık işlemää hem smeta dokumentlarını hazırlamaa, hepsi koşulları yaptık — suyu hem kanalızaţıyayı geçirdik. Primariya bu işleri yaptı hem harçların bir payını ödedi. Hepsini vakıdında yaptılar. Da bundan sora Rotari klubu işleri başladı geçirmää”, — açıkladı…

BOT işçi

282

30.06.2022

Yorum yapabilmek için oturum açmalısınız.