Kazayak küüyünün önderciliin kararlar alınması proţesi açık mı?
Moldova hem Gagauziya yaşayannarın baş derdi — kabledilmiş kararların geliştermesi. Söz gütmää kararlamak hem hazırlanmak için sözlerä insannara zor. Kazayaklılar sayêrlar, ani kurup serbest haberleşmäk sızıntılarını, kolay olacek inanmaa da kuvettä durannara. Böleliklän dooruluk için da laf kalkmayacek kötü taraftan. Çünkü dooru haberlerin eri belli eder ilerlemäk uurlarını yaşamak punktlarında.
Primariyanın işindä bilgilär, erideki sovetin çalışması için haberlär da büünnän-büün eksik kalêrlar, orta uurlarda ilerleerlär. Böleliklän yapıldılar çıkışlar, ani erideki kuvetlerin işi hem çalışkannıı açıklamak için taa işledilerlär, nışannadı Kazayak küüyünün sovetinin azası Grigoriy Kior.
“Biz herzaman yaşayannarlan açık-açık sözleştik hem açıkladık kararların proektların hem kabletmelerini. Ki izlerimiz vakıda görä olsunnar. Herzaman çalıştık video çekmää, foto çıkarmaa, da erleştirmää maasus internet sayfalarına, hem elbetki “acte locale” sayfalarında da tiparlamaa. Bunnar elbetki, lääzımdı vakıdında yapılsın, diildi zor, ama çalışmak sebepti. Büünkü gündä sovetın uurunda bu işlär yapılêrlar hem kullanılêrlar hepsi kanonnar”, — sayer Grigoriy Kior.
Üüsek uurda açıklık prinţiplarının işletmesi erideki kuvetlerdä kullanılmêêr, çünkü yok sırayca iş plannaması açıklık için. Yok uzmannar bu uurda, eksiklik duyulêr haberlemektä. O üzerä yok baalantılar da yaşayannarlan. İnsannarın taa çoyu bilmeerlär kararları hem onnarın gerçekleştirmelerini. Büük proektların kurmasında yaşayannar pay almêêrlar, meraklanmêêrlar da. Nicä nışannadı GHT deputatı Aleksandr Dülger, vatandaşlar bilmeerlär kararlamak proţesların sırasını hem maanasını.
“Bizdä bu kanon geliştirili, var primariyanın internet sayfası, Kazayak sayfası var Facebook-ta da. Prost, ani bizdä açıklık içi kanon işlämeer. Örnek, sorarsaydık bir yaşayana Kazayaktan biler mi o küüyün bücet sayısını, üz proţenttän 95-şi bilmeerlär nekadar para küüdä var. Diil ani istämeerlär pay almaa kararlar kabledilmesindä, ama sade o iş için, ani bilmeer, haberleri da yok. Kuvetlär bu derdi lääzım çözsünnär. Taa çoyunu katmaa bu işlerä, vermää haberleri”, — nışannadı GHT deputatı.
En önemli eri kaplêêr haberlemektä erideki kuvetlerin işlerinin açıklaması. Yaşayannar lääzım bilsinnär ne uurda işleer primariya hem nasaat, ki ilerlesin küü,t eklifleri da katılsın.
“Bitki vakıtlar çok yapêrlar, ki yaşayannarı haberlemää. Çünkü küüdä yok okadar internet kolaylıkları, ki kullanmaa onu. Yok başka baalantılar da, erideki televizion da özel, orada da bütün haberleri erleştirämeyeceklär”, — söledi Kazayak küüyün cümne aktivisti Alla Uzun.
Kanona kabledän hem geliştirän küü kurumnarı diil bütündän açık işlerindä, ne inandırêr yaşayannarı karaların önemliindä. Açıklık yardım eder vatandaşlara taa kolay kontrol etmää para harçlarını hem katılmaa iş sırasında. Nicä nışannadı investiţiyalar uurunda küüyün uzmanı Pelageya Çoban, haberlemäk yardım eder yaşayannara katılmaa hem kendi tekliflerini geliştirmää, neylän başarılar da taa üüsek uurda belli edilerlär.
«Herlim geliştirirseydik insannarın bücet artırmalarını proektlara, ii olacek. Çünkü herbir maalä çıkıp kendi tekliflerinnän, kuvetlerinnän, paralarınnan hem işinnän ilerledeceklär küümüzü. Ama primariya yılın çeketmesindä lääzım bu uura geçirsin 100 bin yada taa zeedä, da yaşayannarı katsın proektlara», — söledi Pelageya Çoban.
Kazayak küüyündä kurulu açıklık kanonun kullanması için mehanizma. Burada birkaç yıl geeri satın aldılar kompyuter, diktofon hem kamera, ki foto hem video çıkarmaa oturuşlardan hem toplantılardan.
“Sovet kararladı ki kararlamak proţesları taa açık olsunnar. Biz satın aldık lääzımnı tehnikayı da bu iş için. Televizionumuzda herbir olay için haberleriz, sıracık kontim gider. Belli ederiz en önemli soruşları da, insannarın var kolaylıkları her taraftan üürensinnär oturuşlar hem toplantılar için, onnar bizdä hepsi açık. Tiparlanêrlar da vakıdında maasus internet sayfalarında”, — haberledi Kazayak küüyün primarı Anatoliy Uzun.
Ayırı açıklık uurunda Kazayak küüyündä o, ani maasus komisiyalar oturuşların plannaması için barabar toplanêrlar. Hep bu toplantılara katılêrlar cümnä izmetçileri hem başka uzmannar, nışannadı küüyün primarı. Oturuşlar herzaman açık, onnara var kolaylık katılsın herbir Kazayak küüyün yaşayanı. Pandemiya vakıdında da toplantılar kullanıp hepsi korunmak kurallarını geçirildilär büük salalarda, nereyä katıldılar küüyün yaşayannarı.
Источник grt.md
