KANALİZAŢİYA SİSTEMASI GEÇİRİLER
Kongaz küüyün merkez dolaynda derindän giderlär işlär kanalizaţiya sistemasının geçirilmesindä.
Nikolay Staev Ohotniçya sokaanda yaşȇȇr 40 yıldan zeedä. Kongaz küüyün yaşayanı nışannadı, ani bu yılların içindä hiç bir zaman yapılmadılar işlär kanalizaţiya sistemasının geçirilmesindä.
NİKOLAY STAEV Kongaz küüyün yaşayanı: «Yaşȇȇrım Ohotniçya sokaanda 1988 – ci yıllardan beeri. Bu vakıdın içindä olmadılar işlär kanalizaţiya sistemasının geçirilmesindä».
« Nekadar vakıt bän yaşȇȇrım bu sokakta, 40 yıl, tutmȇȇrınm aklımda, işlär kanalizaţiya geçirilmesindä olsunnar. Elbetki, sevineriz, ko yıkamak maşinalardan su aksın kanalızaţiyaya, ama diil yola».
Bir ay geeri Kongaz küüyün merkezin dolayında çekettilär işlär kanalizaţiya sistemasının geçirilmesindä, nışannadı yaşamak erin primarı Mihail Esir.
MİHAİL ESİR Kongaz küüyün primarı : «Bu Kongaz küüyün merkezin tarafında, Anton Buyıklı sokaandan Sergey Lazo sokaanadan hem da kaplȇȇr bütündän Oktyabriskaya sokaanı. Bu soţial yapıların 70% kaplayacek».
Bitki sıra bu sokaklarda işlär kanalizaţiya sistemasının geçirilmesindä yapıldılar 1980 – ci yıllarda, haberledi Kongaz küüyün primarı Mihail Esir.
«Zamandaşta bizdä yok çalışan kanalızaţiya sisteması, ama suyun harcanması yıl yıldan büüyer. Bir iki yıl geeri 140 bin ton kubometra su kullanılardı, ama bu gün 180 ton kubometra su harcanȇr».
İşleri kanalizaţiya sistemasının geçirilmesindä Kongaz küüyün merkezin dolayında plana koyulu bir aydan sora başarmaa.
Источник grt.md
