“Jurnalistika özellikleri okulda hem gagauz dilin faydası, kullanması bu zanaatta” adlı bir master-klas

Çiçek ayın (aprel) 14-dä Komrat Stepan KUROGLU adına gimnaziyasının, “Ana dili – tatlı bal” adlı sıraları çerçevesindä, oldu “Jurnalistika özellikleri okulda hem gagauz dilin faydası, kullanması bu zanaatta” adlı bir master-klas sırası, ani adandı Gagauz dili yazısına hem gagauz yazıcısının hem bilim adamın Dionis TANASOGLUnun duumasının 100-cü yıldönümünä.

Master klasta, angısı hazırlandı gimnaziyanın gagauz dili hem literaturasında üürediciyka Vera Afanasyevna ARAKELÄN, uşaklara jurnalistikaylan ilgili türlü denemeklär yapıldı hem annadıldı gagauz yazıcısı hem bilim adamı Dionis TANASOGLU için, onun biografiyası hem gagauz yazıları hem gagauz halkı için yaptıkları. Gösterildi bir dokumental film parçası, neredä Dionis Nikolaeviç TANASOGLU okuyer kendisinin en anılmış peetini “Ana dili – tatlı bal”.

Uşaklar da okudular Canabisinin peetlerini hem gösterdilär onun yaratmalarına, çevirmelerinä görä sțenkaları: “Ana dilim” hem “Garga hem tilki” fabulalası. Çaldılar Dionis TANASOGLUnun türkülerini “Ay, Komrat, Komrat”, “Oguzistan” h.t.b.

Master klasta körpä jurnalistlär-üürencilär yaptılar praktika çalışması da hazırladılar kısarak viktorina, angısını gösterdilär o günkü sıranın musaafirlerinä hem jüri azalrına: jurnalistika çevresi üüredicisi hem Yaratmak evin direktoruna M. A. MELKANa, GRT cümnä kompaniyasın jurnalistlerinä P. D. BARBOVAya hem N. S. ANDRİEŞa, “Vesti Gagauzii” gazetasının redaktor yardımcısına hem jurnalistä A. B. BÜKä, angıları kendileri da uşakların önündä jurnalistika zanaatı için nasaat ettilär.

Başarıldı master-klas türküylän “Ana dilim”.

Источник anasozu.com

Haberci

21.04.2022

173

Categories: Новости

İlgili statyalar

Dionis Tanasoglunun yaradıcılıına baalı oluş geçti Komrat S.Kuroglo adına gimnaziyasında

Komrat kasabasının Stepan Kuroglo adına gimnaziyasında geçti toplantı, angısı adalıydı yazıcının, üüredicinin, muzıkantın, dramaturgun Dionis Nikolaeviç Tanasoglunun 100 – cü yıldönümünä. İki ayın süresindä Komrat kasabasının Stepan Kuroglo adına gimnaziyasında geçiriler oluşlar, baalı peetçiya, yazıcıya,dramaturga, folklorista, gagauz dilindä ilk yaratmanın avtoruna Dionis Tanasogluya. Hepsi onnar hazırlanȇr üürenmäk kurumun gagauz dili, literatura, gagauz halkın adetleri üüredicisinnän Vera Arakelännan. Gimnaziyanın başlankı klasların üürenicileri hazırladılar programayı avtorun yaratmalarına görä. Dionis Nikolaeviç Tanasoglunun 100 –cü yıldönümü için üürenmäk kurumu plana koydu geçirmää bir sıra toplantıları, angıları geçeceklär nicä erli, ölä da regioun uurunda. Источник grt.md

BOT işçi

241

14.04.2022

Literatura kafesindän “GagauzLogika” intelektual oyununa kadar

Kongaz Todur ZANET teoretik lițeуindä birkaç maanalı sıra yapıldı, ani adandı Gagauziyada “Ana dili” yortusuna hem da gagauz yazıcısının hem bilim adamının Dionis TANASOGLUnun duumasının 100-cü yıldönümünä. “Dionis TANASOGLU – üüredici, yazıcı, kompozitor, rejisör” sırasında Çiçek ayın (aprel) 20-dä lițeydä yapıldı bir “GagauzLogika” intelektual oyunu, ani adandı “Ana dilim – evimdä, canımda, halkımda” yortusuna hem angısında pay aldılar lițeyin 10-12-ci klasların üürencileri. Oyunu hazırladı hem geçirdi gagauz dilindä hem literaturasında üürediciyka Mariya İlyiniçna DUŞKOVA. Lițeyin üüredicilerindän hem öndercilerindän kurulan juri urguladı, ani “GagauzLogika” intelektual oyununda pay alan komandalar kendilerini gagauz dilin gramatikasında pek akıllı gösterdilär hem da derin bilgilär açıkladılar…

Haberci

219

23.04.2022

Kiriyet küüyündä Dionis TANASOGLUyu saygıylan anmak sıraları

Çiçek ayın (aprel) 28-dä, Kiriyet küüyündä duan gagauz yazıcısının hem bilim adamının Dionis TANASOGLUnun duumasının 100-cü yıldönümünnän ilgili olarak Kiriyet küüyündä iki büük sıra yapıldı: Kiriyet küüyün Dionis TANASOGLU adına gimnaziyasında Canabisinin anmak tablasının ofițial açılışı hem “Kiriyettän seslär – D. Tanasogludan izlär” adlı büük kultura programası. Bu sıraları Kiriyet küüyün Dionis TANASOGLU adına gimnaziyası hem Kiriyet küüyün primariyası ortak hazırladılar. Gagauziya Başkankasının beterinä, Dionis TANASOGLUyu anmak tablasının açılışı may bir saat geç başladı, çünkü tablanın açılışını lääzımmış o, Dionis TANASOGLUnun karısınnan bilä yapsınmış. Nicä dä olsa, bir saat kadar kendisini bekletmektän sora Başkanka peydalandı, açılış sırasında nesa söledi, sora…

Haberci

258

30.04.2022

Dionis Tanasoglunun yaptıkları unudulmadı

Orak ayın 7-dä Komrat Devlet universitetindä «Dialog millet dili için hem onun rolü kultura, üüretim hem incäzanaat ilerlemesindä» temayalan bilim – praktika konferenţıyası geçti. Oluş baalıydı Dionis Tanasoglunun duumasından 100 yıldönümünä. Sabaalen Gagauziyanın bilim adamnarı, üüredicilär, Dionis Tanasoglunun dostları, ortakları Komrat Devlet universitetin şannı alleyasında toplandılar, ki anmaa gagauz yazıcısını hem onun büstuna çiçekleri koydular. «Büün önemli gün. Dionis Tanasoglu nekadar yaşadı hepbir sölärdi, ani biz diil lääzım gagauz dilini unudalım. Koruyunuz Gagauziyayı, ilerledin gagauz dilini «, — söledi KDU rektoru Sergey Zahariya. Esaba alarak Dionis Tanasoglunun yaptıklarını gagauz dilin korumasında hem ilerlemesindä hem onun 100-cü yıldönümünü, M.Maruneviç adına bilim…

BOT işçi

226

09.07.2022

Gagauziyada Dionis TANASOGLUnun yılı ilerleer

Gagazuiyanın İspolkomu, esaba alarak, ani bu yıl, Orak ayın (iyül) 7-dä, tamamnanacek 100 yıl büük gagauz aydınnadıcının hem yazıcının Prof. Dr. Dionis Nikolaeviç TANASOGLUnun (07.07.1922 – 23.08.2006 y.y.). duuma günündän, 2022-ci yılı Gagauziyada Dionis TANASOGLUnun yılı olmasını açıkladı. Bu – sıradan dışarı bir kultura olayı. Çünkü bu iş, gagauz dilinin hem literaturasının direklerindän birisi olan, Prof. Dr. Dionis Nikolaeviç TANASOGLUnun gagauz dilin hem kulturasının ilerlemesindä zaametlerinin, yazıcı hem bilim adamının sonsuz çalılşmalarının tanınması hem ona büük saygı. Bir simvoldır, ani Dionis Nikolaeviç TANASOGLUnun razgeldi başka bir yortuya, angısını Canabisi baaşladı bizä – gagauz yazılarının 65-ci yıldönümünä. Dionis Nikolaeviç, bu yazıların…

Haberci

269

20.04.2022

Yorum yapabilmek için giriş yapmalısınız.