IX-cu “Mihail ÇAKİR okumakları” Komratta oldu

Çiçek ayın (aprel) 19-da Komrat regional resim Galereyasında oldu artık IX-cu “Mihail ÇAKİR okumakları”, ani bu yıl adandı gagauzların hem bütün dünnäyın büük bilim hem klisä adamının Protoierey Ay-Boba Mihail ÇAKİRin (27.04. [eniycä 09.05] 1961– 08.09.1938) duuma gününün 160-cı yıldönümünä.

“Mihail ÇAKİR okumakları”nı, Moldova Mitropolitı VLADİMİRın ii sözlemesinnän, Gagauziya İspolkomu hem Kaullan Komrat Eparhiyasının arkalanmasınnan, ortak hazırladılar Gagauziyanın Mariya MARUNEVİÇ adına Bilim-aaraştırma merkezi hem Gagauziyanın üüredicilik Upravleniyası.

“Mihail ÇAKİR okumakları”nın açılışını yaptı Gagauziyanın Mariya MARUNEVİÇ adına bilim-aaraştırma Merkezin başı İrina KONSTANTİNOVA.

Sora bilim Merkezin zaametçisi Vitaliy BOYKOV tanıştırdı okumaklara gelenneri o gözäl sergiylän, ani pek derindän açıklêêr Protoierey Ay-Boba Mihail ÇAKİRin yaşamasını hem zaametlerini.

“Mihail ÇAKİR okumakları”na katılannara danışma sözlerin başında okundu Moldova Mitropolitı VLADİMİRın selämnemä mesajını, nedän sora kutlama hem selämnemä sözlerini söledilär, “Mihail ÇAKİR okumakları” sırasına arka olan Gagauziya Başkanı İrina VLAH, Komrat hem Kaul episkopu ANATOLİY hem Gagauziyanın Baş popazı protoierey Pötr KELEŞ.

Covid salgını beterinä bu yıl “Mihail ÇAKİR okumakları”na doorudan katılan taa çok Gagauziyanın popazları oldular. Doorudan katılamayannara deyni maasız onlain rejimı kuruldu da o insannar, internet yolunnan, Kişinevdan hem Moskvadan bu işi yapabildilär.

Источник anasozu.com

BOT işçi

11.08.2021

1114

Categories: Новости

İlgili statyalar

Kişinevun klisesindä “Protoierey Mihail ÇAKİR muzey zalı” açıldı

Seksän üç yıl geeri, 1938-ci yılın Ceviz ayın (sentäbri) 8-dä raametli oldu gagauzların hem bütün dünnääyın Büük bilim hem klisä adamı, aydınnadıcımız hem Apostolumuz Protoierey Ay-Boba Mihail ÇAKİR (27.04.1961– 08.09.1938). Bu yaslı günnän ilgili olarak, Kişinevun “Saabiylän buluşmak” («Сретения Господня») klisesindä “Protoierey Mihail ÇAKİR muzey zalı” açıldı hem başka sıralar oldu. Bu iş bu erdä yapıldı o üzerä, ani Mihail ÇAKİR kendisinin popazlık hem aydınnıdıcılık yolunu bu klisedän başlamış. O üzerä da muzey zalınnan bilä o günü klisedä oldu din hem bilim olayları, angılarının arasında vardı hem bir bilim konferențiyası da. İlktän Soroka episkopu İoan ölülär için slujbayı yaptı hem Moldova…

Haberci

1083

14.09.2021

Mihail ÇAKİRi Komrat-Kaul eparhiyasına baaladılar

Ceviz ayın (sentäbri) 7-dä Komrat regional resim Galereyasında, gagauzların hem bütün dünnääyın Büük bilim hem klisä adamının, basarabiyalı yazıcıların büük batüsunun, aydınnadıcımızın hem Apostolumuzun Protoierey Ay-Boba Mihail ÇAKİRin (27.04.1961– 08.09.1938) raametli olmasının 85-ci yılınnan ilgili olan gününnän Canabisini andılar. Anmak sırasını hazırladılar Gagauziyanın Mariya Maruneviç adına bilim Merkezi hem Komrat rayonun din adamnarı. Bu anmak gününü baaldılar Komrat-Kaul eparhiyasının kurulmasının 25- yılınnan da. O üzerä sırada konularlan ilgili foto sergisi yapıldı. Bundan kaarä sıraya gelän insannarı eni çıkan bilim hem din kiyatlarınnan da tanıştırdılar. Toplantıda etnografiya, istoriya, kulturalogiya, soțiologiya uurlarında dokladlar okundu. Foto: laf.md. Источник anasozu.com

Haberci

10.09.2023

Büün Mihail ÇAKİRin duuma günü

Büün Ciçek ayın (aprel) 27-dä gagauzların apostolunun, büük aydınnadıcısının, dünnää uurunda bilim hem klisä adamının Protoierey Ay-Boba Mihail ÇAKİRin (27.04. [eniycä 09.05] 1961– 08.09.1938) duuma günündän 159 yıl tamamnanêr. Te ne yazdılar Mihail ÇAKİR için Moldovan yazıcısı Nikolay KOSTENKO (21.12.1913 – 29.07.1993) hem Akademik Todur ZANET: Moldovan yazıcısı Nikolay KOSTENKO: “Herliim moldovannar için Mihail ÇAKİR Basarabiyanın altın kiyadına yazıldıysa, Moldovanın üülen tarafında yaşayan vatandaşlarımıza, gagauzlara deyni, o halizdän bir apostol oldu”. Akademik Todur ZANET: “Aydınnadıcı Ay-Boba Mihail ÇAKIR gagauzların dilindä hem kulturasında, istoriyasında hem bilimindä, dinindä, herbir gagauzun üreendä hem canında ayırı bir er kaplêêr. Bir şüpesiz var nicä demää: herliim büünkü gagauzlar varsa,…

Haberci

743

01.03.2022

Büün Mihail ÇAKİRin duuma günü

BOT işçi

1128

11.08.2021

Ay-Boba Mihail ÇAKİRin raametli olmasının 85-ci yıldönümü

Büün, Ceviz ayın (sentäbri) 8-dä, tamamnanêr 85 yıl gagauzlaın hem bütün dünnäyin Büük bilim hem klisä adamının, basarabiyalı yazıcıların büük batüsunun, aydınnadıcımızın hem Apostolumuzun Protoierey Ay-Boba Mihail ÇAKİRin (27.04.1961– 08.09.1938) raametli olmasınnan. Topracıı ilin olsun! Milletimizi, dilimizi, istoriyaylan kulturamızı hem dinimizi korumak için bu aydınnık dünnäya yollanan Apostolumuz hem Aydınnadıcımız Protoierey Ay-Boba Mihail ÇAKİR duudu Çadır kasabasında, popaz aylesindä. Kendisi da, popaz üürenip, başardı Kişinev ruh seminariyasını da bütün yaşamasını Allaha hem kliseyä baaşladı. Kendi zaametlerinnän hem kendi parasınnan kliselär düzdü, şkolalar açtı, büük hristiannık misionerlliini yaptı. Çalıştı ani, gagauz kliselerindä slujbalar gagauzça geçsin, bunun için klisä kiyatlarını hem duaları gagauz…

Haberci

08.09.2023

Yorum yapabilmek için giriş yapmalısınız.