• Kimilerin brauzerlär var nicä yannışlık göstersinnär. Bu olursa, yannışlıı ignor edip taa bir kerä hep o servislan girin.
Saytın bölümneri
Kullanıcılar Online

İspolkom genä kabledilmedi: bu kerä Başkanka yalvardı

Ceviz ayın (sentäbri) 13-dä Gagauziya Halk Topluşu kendi toplantısında lääzımdı Gagauziya İspolkomun temeleştirmä soruşunu incelesin, ama bu iş olmadı, çünkü Gagauziya Başkankası yalvardı soruşu ertelemää.

Gagauziya Halk Topluşu toplantısı taa çekedip-çeketmäz, Gagauziya Başkankası Evgeniya GUȚUL danıştı deputatlara bir yalvarmaklan: “Saygılı deputatlar, bän yalvarêrım veräsiniz bizä taa 2 gün, aniki sizin önünüzä ölä bir aza listesi koyalım, angısı zakon tarafından istener, hem angısı sizin tarafınızdan temelleştirilecek”.

Gagauziya Halk Topluşun deputatlarının 18 oyunnan bu yalvarmak kabul edildi.




Источник anasozu.com
Haberci
15.09.2023
20
0
Categories: Новости

İlgili statyalar

Başkanka köşeyi dönecek mi?

Gagauziya Halk Topluşu, kendisinin Ceviz ayın (sentäbri) 5-deki maasuz oturuşunda, genä Gagauziya İspolkomunu temelleştirämedi, çünkü ortaya birkaç soruş çıktı. Soruşların arasında vardılar Gagauziya Bilim Merkezini İspolkomdan çıkarmaa da onu baamsız yapmaa. Vardı onnar da, ani İspolkoma kandidat azaların ikisi gagauzçayı bilmeer. Vardı taa başka da. Deyecez Halk Topluşuna saygısızlık: kimi Gagauziya İspolkomununa kandidat azaları toplantıya gelmedilär. Bu üzerä dä İspolkom yoktu nicä temelleştirilsin. Gagauziya Başkankası Evgeniya GUȚUL bu kerä pek raat hem tez kayıl oldu  GHTnın kararlarınnan, adayarak, ani kusurları doorudacek. Bizä kalsa, Başkanka taktikayı diiştirdi: zamanı uzadıp, Zakonca verilän 45 gün içindä Gagauziya Halk Topluşu tarafından Gagauziya İspolkomunu temelleştirämä…

Haberci
17
08.09.2023

Halk Topluşu diriner, Başkanka verilmeyä hazır

Harman ayın (avgust) 11-dä oldu Gagauziya Halk Topluşun maasuz oturuşu, neredä 7 soruş bakılaceydı, angıları hepsicii Gagauziya İspolkomun kurulmasınnan ilgiliydilär. Bu oturuşta da, Halk Topluşun  teklifinä görä, Moldovada zapa altında bulunan “Şor” politika partiyasının başı İlan ŞOR tarafından teklif edilän Gagauziya İspolkomun strukturasını diiştirmää deyni, Gagauziya Başkankası Evgeniya GUȚUL bunu yapmaaistämedi. Onun için Halk Topluşu kendi gündelik işindä ilerlämedi. Bu kerä dä, Harman ayın (avgust) 4-dä gibi, Moldovada zapa altında bulunan “Şor” politika partiyasının tayfaları genä Gagauziya Başkannık binasının önünä, GHTya baskı için, insannarı getirdilär. Gagauziya Halk Topluşu oturuşun çeketmesinä bir 15 minut kaldıynan, insannara Gagauziyanın hem Moldovanın bayraklarını hem…

Haberci
42
16.08.2023

Gagauziya İspolkomun kurulması büün dä şüpä altında

Ceviz ayın (sentäbri) 5-dä Gagauziya Halk Topluşu toplanêr maasuz oturuşuna, neredä Gagauziya İspolkomun kurulmasınnan ilgili birkaç soruş bakılacek. Oturuşta Gagauziya İspolkomun kurulması ön  planda bulnêr, ama, esap alarak onu, ki İspolkoma kimi kandidatlar gagauz dilini bilmeerlär, Gagauziya İspolkomun kurulması büün dä şüpä altında. Gagauziya Halk Topluşu maasuz oturuşu saat 11:00 başlêêr. Источник anasozu.com

Haberci
19
08.09.2023

2023 yılın Çiçek ayın (aprel) 30-da gagauziya Başkanı seçimneri

Bakmadaan ona, ani Gagauziyanın büünkü Başkankası pek istämeer, Gagauziya Halk Topluşu aldı karar, ani sıradakı Gagauziya Başkanı seçimneri yapılsın 2023 yılın Çiçek ayın (aprel) 30-da. Gagauziya Halk Topluşu kendisinin 16.08.2022 günü toplantısında, ansızdan, 20 halk deputatın kayıllıınnan, karar aladı Gagauziya Başkanı seçimneri 2023 yılın Çiçek ayın (aprel) 30-da yapmaa. Buna karşı kalktı Gagauziya İspolkomun Predsedatelin ikinci yardımcısı Olesä TANASOGLU, urgulayıp, ani bu büük yannışlık, çünkü, maamilä surat, Başkankanın zamanı 2023-cü yılın Orak ayın (iyül) 19-da bitärmiş. Источник anasozu.com

Haberci
251
18.08.2022

Gagauziyanın eni Başkankası Evgeniya GUȚUL emin etti

Orak ayın (iyül) 19-da Komrat kasabasının baş meydanında oldu Gagauziya Halk Topluşun maasuz toplantısı, neredä Gagauziyanın eni seçilän Başkankası Evgeniya GUȚUL Gagauziyaya hem Gagauz halkına emin etti. Toplantıyı açtı Gagauziya Halk Topluşun Başı Dimitriy KONSTANTİNOV. Nedän sora Gagauziya Merkez Seçim Komisiyasının başı Yana KOVALENKO seçimnär için annattı hem söledi, ani Komrat Apeläțiya Palatası Hederlez ayın (may) 22-dä temelleştirdi Gagauziya Merkez Seçim Komisiyasının kararını, ani Evgeniya GUȚUL Gagauziyanın eni Başkankası seçildi. Bundan sora, Gagauziyanın eni Başkankası Evgeniya GUȚUL, “Gagauziyanın (Gagauz Yeri) Temel Zakonu” kiyadın üstünä saa elini koyup, emin etti. Bundan sora, Gagauziya Merkez Seçim Komisiyasının başı Yana KOVALENKO verdi, artık…

Haberci
54
20.07.2023

Report

Harassment or bullying behavior
Contains mature or sensitive content
Contains misleading or false information
Contains abusive or derogatory content
Contains spam, fake content or potential malware

Block Member?

Please confirm you want to block this member.

You will no longer be able to:

  • See blocked member's posts
  • Mention this member in posts
  • Message this member

Please allow a few minutes for this process to complete.

Report

You have already reported this