İi yaşamak

90  yaşında ,ama  hep ölä  yaşamaya seviner,pay alȇr  cümnenin yaşamasında. Laf  gider  Mariya Kuzneţova için, Komradın şannı yaşayanı için.  O bu yıl nışannȇȇr kendi  yıldönümünü. Yaşta bulunan insannarın gününä karşı o GRT  kanalına annattı  kendi  yaşaması  için. Te o zorluklar içn,angılarını  o geçirdi.

Mariya Kuzneţovanın  eceli  zordu,ama söleer,ani  herzaman umutlan yaşardı. Üüsüz uşaklara  deyni  ev  yardım etti ona  yaşamakta,-  annadȇr  Mariya İvanovna.

MARİYA KUZNEŢOVA Komrat kasabasının yaşayanı : «Açan  üüsüzlerä  deyni  evdän çıktım ,bana verdilär  bir  yastık ,yorgan hem  5  rubli. Onnarlan taa Çimişliyäyä  etiştim,ama orada, nicä  annadım  üüsüzlerä  deyni evi  kapamışlar».

Okulda  pioner-vojatıy görevi, gençlerin bölümün  başın yardımcı , 40  yıl  komunal hem gostinniţa biznesindä  Mariya  İvanovna çalışmış. Bu  yıl  Mariya İvanovna  90 yaşını  tamannadı.

MARİYA KUZNEŢOVA Komrat kasabasının yaşayanı : « Hepsi  ödülleri,angılarını  bän kablettim, komunal  çorbacılıın  uzmannarın hatırınnan».

Mariya İvanovna savaşardı  diiştirmää  diil  sade  cümnä  yaşamasını ,ama kolektivin dä. O savaşardı  kurumun presyijını da kaldırmaa,ki  kasabanın yaşayannarı  ii uurda saysınnar  onnarın işini.

 ALEKSANDRA  MAMALÜK M.Kuzneţovanın kızı : «Dilerim hepsi  insannara nekadar  taa zeedä  anaların  hem bobaların  yanında olsunnar».

Mariya İvanovna biler,ani  insan ihtiarlamȇȇr  ozaman, açan onda  var ii dostlar . İhtärların gününä karşı  Mariya İvanovna diledi insannara inanmaa ,ani  ii vakıtlar geleceklär.

MARİYA KUZNEŢOVA Komrat kasabasının yaşayanı : « Kutlȇȇrım hepsi  itärları  bu günnän.Bän sanȇrım,ani  bu  günü arif  insannarın günü adlamaa lääzım. dilerim ,ki bizim halk herzaman   zenginnesin.Herbir evdä uşak  şamataşı  işidilsin,ana-bobaların gülüşü olsun».                       

Sevdayı  yaşamaya  Mariya İvanovnaya  geçti  aylesindän . Ama  yaşamanın kuvedini  buldu  kendi  aylesindä: kızında, torunnarında hem  unukaların uşaklarında.




Источник grt.md
246

İlgili statyalar

Komradın yaşayanı Mariya Kuzneţova kutladı 90 yaşını

Moldova Sovet Respublikasının şannı izmetçisi, kasaba nasaatın deputatı Mariya Kuzneţova kutladı 90-cı yıldönümünü. Bu gözäl yortuylan onu Komradın primariyasının uzmannarı kutladılar. Mariya İvanovna Kuzneţova 35 yıldan zeedä komunal izmetleri uurunda işledi. Aktiv pay aldı kurumun cümnä yaşamasında, çok çalıştı ki kasabanın yaşayannarı hem musaafirleri saysınnar komunal izmetinnän yapılan işi. “Bän herzaman karşı gelärdim ii üürekli insannarlan. Bän herbirindän sade ii özellikleri alardım. 30 yıl deputat işledim hem herbir insanı seçim dolayımdan kendi ayläm gibi saydım. Lääzım taa açık ürekli olmaa, becermää insanı seslemää hem yardımcı olmaa ona”, — söledi Mariya İvanovna. Komrat kasabasında otel izmeti uurunu bildirmäk için, komunal izmeti…

Çıkış bir – İhtärların evinä gitmää. Nekadar zor bizim pensida insannara,ani bölä düşünmeklär geldi fikirinä.

Pensiyada bulunan  insannar  korkȇrlar, ani  bölä  üüsek  paalarlan  kışı  geçirämiyäceklär. İmmä  almaa  hem  harçları  ödemää  zor  olacȇk. Korku var  ,ani  kendi  başına  çıkış  bulunmayacȇk. Üüsek  paalar  gaza hem  şavga Gagauziyanın  pensionerlarını zorlan  İhtär  evinä  yollandıracȇklar. Hazırmı  soţıal  kurumu  yaşlı  insannarı  kabletmää  ,üürendi  bizim  korespondentimiz. Gagauziyanın  yaşayanı  Mariya  Kara  50  yıl  çalışmış  Komrat  muniţıpiyasının  7-ci  uşak  başçasında. Beş  yıl geeri  Komradın  İhtärlara deyni  evinä  yaşamaa geldi. İnsan mutlu  evin  koşullarınnan. Mariya  Konstantinovna söledi,ani yalnız  kışı geçirmää  zor olacȇk. Paalar üüsek. MARİYA  KARA  Komradın  İhtärlara deyni  evin yaşayanı  : — » Durum kötü, bän sizä  söleyecäm. Bän buradayım,ama uşaklarım  orada. Düşünerin nicä …

«Yaşamaa hem faydalı insana olmaa». Gagauziyanın şannı jurnalisti Mariya Parfönova için

Ses, angısını Gagauziyada may herbiri biler, jurnalist angısı bütün yaşamasını radioya verdi. O jurnalist duumadı, ama gösterdi, ani  var nasıl becerekli uzman olmaa. Büün Mariya Parfönovanın günü bundan çekeder. İşlemää radioda o başladı  1987-ci yıldan.  O vakıtlarda düşmää radioya zordu, ama Mariya da pek istemäzdı. Taa  okulda üürenärkänä o pek  aktivdı, becerekliydi hem analitika uurunda düşünärdi. Hepsi bu taabeetlär yardımcı ona oldular  açan o  20 yıl  radionun baş işindä çalışardı. Umutlanardı kriminalıst olmaa, ama düşünmekleri aslıya çıkmadı. Hepsi diişti ondan sora, nicä Mariyanın kaynası Lüdmila Parfönova, anılmış jurnalıst Gagauziyada hem Moldovada, yolladı onu  Kişnova orada baksınnar, var mı nicä o …

Aya Mariya gününä karşı “Aya Mariya” dünneyi gördü

Ceviz ayıın (sentäbri) 21-dä bakılêr büük din yortusu Küçük Panayıya – Allahın oolunu İsuzu duududran Aya Mariyanın duuma günü. Taman bu günä karşı tipardan çıktı Todur ZANETın kiyadı “Aya Mariya”. “Aya Mariya” uzun bir annatma, angısının temelindä yatêr Avdarma küüyündä halizdän olan bir iş. Açan bu küüdä kliseyi kapamaa istemişlär, avdarmalıyka Mariya KAPSAMUN almış klisenin anaktarlarını da 41 yıl Kliseyi hem onun arhivını korumuş. Ama, genä dä, bu kiyat – bir literatura yaratması, ani annadêr aaçlıı, o uzak zulum vakıtları hem neredä, baş personajı açıklamaa deyni, avtor kullandı kendi malisinin hem anasının harakterlarını hem yaptıklarını. Kiyadın basılması için yardım etti…

Video: “UŞAKLARA SEVGİ İŞİMİZDÄ YARDIM EDER”: KIPÇAKTAN ÜÜREDİCİ ZANAATINI ANNATTI

Büün bütün Moldovada  bakılêr  Üüredicilerin günü. Bizim korespondentımız buluştu Kıpçak küüyündä en saygılı üüredicilerdän birinnän, angısı annattı kendi yaşamak   hem zanaat için. İnsannarın terbietmäk proţesindä  üüredicilär pek önemli  rolü oynȇȇrlar. Onnar yardım  ederlär  uşaklara  diil sade bilgilärlän, ama yaşamak yoluna  da koyȇrlar. Kıpçak küüyün liţeyin üüredicisi Mariya Kopuşu gagauz dili hem literatura, gagauzların kulturası  hem istoriyası derslerini götürer.  Onun stajı şkolada 47 yıl, 11 yıl da zavuç işledi. Üüredicilik zanaatını taa gençlik vakıdında ayırdı. Başardıynan  şkolayı  üürendi Belțı devlet univesitetindä da ozamandan beeri çalışêr kendi şkolasında, kendi ana küüyündä, Kıpçakta. Mariya Kopuşu sayȇr, ani üüredici lääzım duumaa. O hergün savaşȇr uşaklara eni bilgileri vermää.  Mariya  İvanovna  nışannȇêr, ani sevgi uşaklara  yardım eder ona gitmää  ileri. Üürediçilik hem zoor, hem da…