İhtiarlarin zor yaşaması
Gün günän yaşta bulunan insannar taa pek kahırlanerlar, çünkü geler kış. Nicä Kıpçak küüyün Karakalçev aylesi büük paaların üstünä çikêrlar hem nicä onnar hazırlanêr kışa, annadêr, bizim korrespondentimiz.
Hergün büüyän paalar mallara, imeklerä , ilaçlara zor eder ihtär insannarın yaşamasını. Karakalçev aylesi Kıpçak küüyündän annattılar,nicä onnar çika bilerlär büük paaların üstünä. Onnar nışannadılar, ani bu büük paalarlan ihtär insanın yaşaması çok zor oldu.
AFANASİY KARAKALÇEV Kıpçak küüyün yaşayanı : — «Paalar şindi hepsi kalktı, pensiya küçük, biz babuylan ikimiz 80- yaşında yanımızda kimsey yok.Nereyi geler biz kablederiz, onda etmeyeck bir ayı da ödemää o zarplataylan. Şavk paalı, gaz paalı , imeklär. Biz bitki parayı verip savaşêrız almaa produktuları. Nezman geler sıra balık imää, te ona deyni toplȇȇrız pensiyayı ».
MARİYA KARAKALÇEVA Kıpçak küüyün yaşayanı : — «Zor, yaşamak zor, ama yok ne yapalım biz ona sınaştık. Aalaşalım da biri yardım etmeyecek uşaklardan kaarä. İkimiz kaldık, savaşêrız boorca girmemää da kendi işinnän yaşamaa ».
Suuk zamannar yaklaştıynan, ihtär insannar yaşerlar bir kahırlan: Nicä geçirmää kışı? Şimdiki krizis vakıdı da bu soruşta kahırlandırêr ihtär insannarı, açan onnarda yok kolaylık gazları ödemää. Kalktılar paalar odunnara da, onuştan diil hepsi ihtär insannar var nicä kendinäonnarı alsınnar. Afanasiy hem Mariya annattılar, nica onnar bu zor zamanda hazırlanêrlar kışa.
AFANASİY KARAKALÇEV Kıpçak küüyün yaşayanı : — «Gittik topladık dal, primariyadan verdilär kolaylık. Buldum insan, transport, hepsini ödedim da getirdik dal. Onnan ne,aya sürtärsaydı onnar , şükür ani bunu verdilär»
MARİYA KARAKALÇEVA Kıpçak küüyün yaşayanı : — «Bakmaa da odunnan girmää kışa, gaza yok ne umutlanalım açan pek büük paalar kalktı. Savaşêrız kendi kuvedimizinnän, ekmek yapêrım fırında. Tenekeyi lääzım ettilerim, onnar da paalı, te bu yaşta savaşêrız bölä yaşamaa ne yapalım. Nekadar Allaa yazmış , okadaar da yaşayacıız».
İhtär insannar umutlanêr, ani bu zor vakıtlar da kuvetlär onnara yardım edeceklär. Moldova Devletindä yaşayȇȇr 500 bin dän zeedä insan var.
Источник grt.md
