Hoş geldiniz “Hêy-hêy” hem “Çıbık günü” (“Surva”)!

Büün gagauzlarda başlêêr Yıl Başı yortuları hem sıraları: “Hêy-hêy” – Büük ayın 13-çü, “Rakıylan gezmäk” – Büük ayın 13-14 gecesi hem “Çıbık günü” (“Surva”) – Büük ayın 14-dü. Hepsimizi kutlêêrız bu gözäl yortularlan, psimizä saalık hem uzun ömür! ÇIBIK GÜNÜ, YIL BAŞI yada Eni yıl YORTULARI (şindi onnara deerlär sadä eni yıl yortuları) gagauzlarda en saygılı, sevilän hem şennikli yortular. Evel onnar üç gün bakılırmış hem onnara Yıl başı yourtuları deyärmişlär. Şindi bu yortular iki gündä biterlär. İleri bu günnerdä büük konuşlar yaparmışlar. Çıbık günü, Yıl başı yada Eni yıl yortuları çekederlär Büük ayın 13-dä HÊY-HÊY gezmesinnän. Bunun ardına,gecä yarısından…

Gagauziya kultura Upravleniyasının çalışmalarınnan hem emirinnän, Kolada günündä Kolada hem “Çıbık günü” (“Surva”) adetlerimizi göstermäk için, Komrada Gagauziyanın küülerindän hem kasabalarından ansamblilär, teatrucular hem başka kultura insannarı getirildi. Gagauziyanın Başkannıı binasının önündä konuylan ilgili büük hem şen bir Kolada yortusu yapıldı, neredä milli rubalara giimni ansamblilär, teatrucular, uşaklar hem kultura insannarı, “Kolada” çalmaktan kaarä, halk oyunnarını oynadılar, Koladaylan hem “Çıbık günü”nän (“Surva”) adeterinnän baalı teatrulu gösterileri yaptılar, “survaklințlarlan”  surva gezdilär hem başka şenniklärlän sefa sürdülär. Belli ki, burada bulunan Gagauziya Başkanı, nicä düşer bir ev saabiykaya, hepsi bu insannara para, kolaç, tatlılık hem imäk ikramnarında bulundu. Patretlär: kultura-ge.md, gagauziyainfo.md Источник…

Büük ayın (yanvar) 28-dä tipardan çıktı “Ana Sözü” gazetasının 2022-ci Büük ayın (yanvar) nomerı. Nomerdä tiparlanan materiallar: “Bu yıl gagauzlara karşı yapılan Aaçlık genoțidın bitmesinin 75-ci yılı”, “Kolada, “Çıbık günü” (“Surva”) hem hepsi Yıl Başı yortuları kutluca olsun!”, “Bölä ayırımcılıklan iş çukura gidecek!”, “Gagauziyada “Recep Tayyip ERDOĞAN üüredicilik kompleksı” düzülmää başlandı”, “VII-ci dönem Halk Topluşun kısır toplantılarına dışardan bakış”, “Yunus EMRE peet okuması konkursu geçti”, “Energetika uurunda hem cümne saalıında Üstolan Durum kuruldu hem uzadıldı”, ““Şkolalarda fotbol” proektında Futbol Federațiyasından baaşlar”, “TİKAnın yardımınnan 23 multää gagauzça dubläj yapıldı”, ““NASTRADİN: Gagauz Kültüründe Nasreddin Hoca””, “Moldovada “Milli kulturanın günü” bakıldı”, “YTBdan “Gagauzça…

Pek paalı analar hem malilär, karılar hem gelinnär, kızkardaşlar, kızlar hem kızçazlar, 8 Mart karılar gününüz kutluca olsun! Allaa versin sizä hepsinizä saalık hem uzun ömür, kesmet, selemet, sevda, sevgi, tatlı dil, yalpak laf hem kucak dolusu çiçek. Dünnää dä barış, usluluk hem mutluluk olsun! Koruyun kendinizi hem “Saalık Allaa versin!” “Ana Sözü” redakţiyası Источник anasozu.com

Hristian kalendarinä görä, Büük ayın 19-da Kurtarıcı İisus Hristoz vatiz edilmiş İordan deresinin sularında. Vatiz etmiş onu prorok İoan Vatizedici. Bu klisä yortusunnan ilgili bu gündä kliselerdä büük slujbalar yapılêr, vatiz ediler hem ayazma okunêêr. Kurtarıcı İisus Hristoz vatiz gününä gagauzlar Ay Yordan, Yordan günü, Ayazma yada Vatiz günü deerlär. Sayılêr, ani Ay Yordanda (Büük ayın 19-da) hem Ay İvanda (Büük ayın 20-dä) okunan ayazma bir yıl bozulmêêr, faydalı kalêr hem ilaç erinä kullanılêr. Ayazma okuyarkan, açan popaz ayazma içinä kruçayı sokêr, klisä aulu içindä yada klisä eşiklerindä duran adamnar tüfeklerdän patladêrlar (cadıları hem yabanıları ürkütmää deyni). İnsannar kurşunnarın kiyattan…