Horeografiya koleci abiturientları bekleer
“JOK” halk oyun milli akademiya ansamblisi barabar milli horeografiya kolecinnän 2022-2023 üürenmäk yıllarına horeografiya zaanatına üürenicilerin kabledilmesi için haberledilär, adayıp ani ilerki iş erini onnar “JOK” ansamblisindä bulaceklar. Kim olabilecek denesin kendi becermeklerini oyunculuk zaanatında, aşaadakı materialımızda.
İlk sıra çok yılların süresindä horeografiya milli koledjında, “JOK” milli akademiya ansamblisinin maasuz üüretmäk kursu açıldı. Kablediler gençlär, angıları ya 7 klası ya da gimnaziyayi başardılar. Horeografiya bölümün gelän üürenicilerindä muzika işitmesi hem ritm duyması oyunda lääzım olsun, urguladı “JOK” halk oyun milli akademiya ansamblisinin başının yardımcısı Mariya Andriuţa.
«En önemli, ki üüredicilär, angıları bu zaanata üüredeceklär, kendileri “JOK” ansamblisinin horeografları. Bu bizim üüredicilär halk oyun hem balet zanaatında, başka da predmetlär horeografiya kolecin bazasına görä geçeceklär», — açıkladı Mariya Andriuţa.
Abiturientlara kolecdän kalmak eri hem stipendiya verilecek, nışannadı “JOK” halk oyun milli akademiya ansamblisinin başın yardımcısı Mariya Andriuţa.
«Bakarak nesoy onnar üüreneceklär, var perspektiva ileri bizim kolektivimizdä çalışsınar. Bölä kolaylık peydalanȇr ikinci kursun başarılmasından sora. Ama var lääzımnı kriteriyalar da – çocukların üseklii 170 santimetradan lääzım başlasın hem kızların da üseklii 165 santimetradan. İi ritmayi diysunar hem muzikayi ii işitsinär».
Derslär horeografiya bölümündä diil ilin, paylaşȇr Mariya Andriuţa.
«Evlad boylarından evlad boylarına bilgilär geçer. Lääzım “JOK” ansamblisini “nu may de cît” görmää, ani o var, ani o şindän sora nicä istoriya».
Ki milli horeografiya kolecinä düşmää isteer, abiturientlar lääzım jüri temsilcilerini fizik hazırlıınnan, muzika uurunda hem oyun istoriyasında bilgilerinnän şaştırsınar.
Источник grt.md 10.06.2022