Hepsi uşaklar iki yaşınadan her ay binär ley kabledeceklär
Parlamentin oturşunda ilk okumakta 73 deputat sesini verdi ki diişilmeklär olsunnar kanon proektindä soţıal ödemeklär için. Haberledi iş hem soţıal korumak ministrusu Marçel Spȇtaru.
Ceviz ayın 16-da soţıal uurunda uzmannarın günü. Onnar koruyȇrlar hem yardım ederlär yaşayannara,nişannadı iş hem soţıal korumak ministrusu Marçel Spȇtaru. Onun laflarına göörä parlamentin daavaların biri koorumaa ayleleri küçük uşaklarlan. Hepsi uşaklar iki yaşınadan kabledeceklär binär bin ley,bakamayarak ona sigortalı o sa diilmi ana-bobalar. Bu posobiya yazdırılı var kanonda. Bu yardımı devletin 63 bin uşaa kabledecek.
MARÇEL SPȆTARU iş hem soţıal korumak ministirlii :- »Devletin bücetindän bu yardımı kabledeceklär hepsi uşaklara,angıları taa yok iki yaşında. Lääzım nışannamaa,ani sigortalı insannar taa hiç bir sıra da kabletmedilär bücettän yardım . Dişilmeklerdän sora hükümet uşaklara deyi posobiyaları da kaldıracȇk 740 leydän bin leyä. Devletin bücetindä esaba alındı bu diişilmeklär.Hep ölä ikizlär için dä ödemeklär üüseleceklär. O posobiya 350 leydän 500 leyädän kalkacȇk. Ama lääzım olacȇk bulmaa 74 bin ley».
Komunist hem soţıalist partiyasının deputatı Vladimir Odnostalko nışannadı,ani uşaklar ön planda. diil lääzım bakmaa sigortalımı o sa diil mi onnarın anaları-bobaları.
VLADİMİR ODNOSTALKO Moldovanın Parlamentin deputatı : — «Lääzım ölä posobiyaları ödemää,ani kimseyi gücendirmemää. Yok fark bir uşak o sa ikiz uşak duudu hepsi birtürlü lääzım kabletsin. Ama sigortalı o sa diil mi onnarın anası hem bobası o başka soruş. Öbür soruş angı sebeplän diil sigortalı. Sade var nicä söliim ,ani bu diişilmeklär yardım vereceklär herbir uşaa».
Başa çıkarmaa deyni bu proekti lääzım olacȇk 76 million ley. Milli sigortalamak kasasının saymaklarına göörä 63 bin kişi yardım kabledeceklär.
Источник grt.md 19.09.2022