HALKIN OOLLARI TARİHİN SAYFALARINDA
Çiçek ayın 27-dä gagauz halkı nışannayacek birdän üç büük yorutuyu- ana dili, aydınadıcının Mihail Çakirin duuma gününü hem anaceklar gagauz yazıcıyı D. Tanasogluyu, çünkü bu yıl onun adına koyuldu. Bu günä karşı Komrat kasabasının muzeyindä hazırlandı bir sıra sergi, angıları annadȇrlar bu iki anılmış adamnarın yaşaması hem yaptıkaları için, Ana dili yortusu için. Musaafirlerin olacek kolaylıkları tanışmaa taa bir gagauz halkın anılmış oolunun resinmerinnän D. Savastinnän. Taa derindän süjetımızda.
Ana dilim, tatlı bal, salkım çiçää kokusu, şırasını üklü dal vermiş gömeç dolusu. Bölä lafları ana dilimizä adadı bizim şannı yazıcımız Dionis Tanasoglu , angısı braktı büük iz bizim literaturamızda, dilimizdä, kulturamızda. Onadan başladı bildirtmää gagauzları nicä halk aydınnadıcı Mihail Çakır. Onnarın yaptıkları parasıs bizim halkımıza deyni. Bu iş için Komrat regional muzeyindä hazırlı sergilär, neredä hepsi pay alnnarın olacek kolaylıkları tanışmaa bu unikal insannarın yaşamalarınnan hem ne onnar braktılar kendi ardına.
Hederlez ayın ikisindä Gagauz halkı akıntısının kurucusu hem anılmış resimci Dmitriy Savastin tamannayaceydı 80 yaşını. Erken o braktı bizi üüsüs, o gitti da aldı ardına epohayı incä zanaat uurunda. Ama o braktı biza büüük zenginnii kultura uurunda,paasıs resimneri, angıları bulunȇrlar diil sade Komrat muzeyindä, ama Kişinöv Muzeyindä dä, galereyalarda, Turkiyada, neredä o çok yıl yaşadı hem çalışardı. Onun çocuu Sergey Savastin söleer, ani bobasının yaptıklarını bişeylän ölçmeyecän, da gençlär laazım bilsinnär böla insannarı.
Te onnar, kim bilädi Dmitriy Savastini, kim onda üürendi hem genç resimcilär toplanaceklar çiçek ayın dördündä regional muzeyindä anmaa onu hem görmää resimnerini, angıları var muzeyin fondunda.
Muzeyin kapuları her gün açık hepsina , kim isteer tanışmaa bu anılmış adamnarlan hem gagauzların tarihinnän, kulturasınnan hem adetlerinnän.
Источник grt.md
