Halk Topluşunda hazırladılar iniţiativayi yardım için yufka durumda insannara kışın

GHT başın yardımcısı Aleksandr Tarnavskiy Gagauziyanın zor halda bulunan yaşayannarına yısıtmak vakıdında finans yardımın verilmesi için kanon proektini teklif etti. Proektin baş daavaları hem neetleri için o Gagauz adiosunun cannı yayında programasında açıkladı. Derindän ilerki süjedımızda.

O üzerä, ani energetika mallarına paalar gün — gündän üüselerlär da bu proţes hiç durgunmȇr, Gagauziyanın çoyu yaşayannarı ödeyämerlär kullanılan koşullar için. Bu üzerä GHT başın yardımcısı Aleksandr Tarnavskiy  «KALİTELİ YAŞAMAK» fondun kurulması için kanon proektini teklif etti. Bu kanon, umutlanȇr deputat, yardım edecek makar bir damna ilinnetmää insanın harçlarını yısıtmak vakıdında. Soţial yardımını teklif ediler 1 bin leylik yapmaa. Bu para verilecek aylenin herbir temsilcisinä, angıların ay parası 2,5 bin leydän az.

ALEKSANDR TARNAVSKİY, GHT başın yardımcısı: «Bıldır taa programa işlettirildi, nesoy insana var nasıl yardım etmää, o vakıt açan sade başladı gazın paası üüselmää. İniţiativa Gagauziyanın başkanına hem bakannık komitetinä yollanıldıydı, ama tutturulmadı. Biz sä bakannık komitetsiz kanona görä yok nasıl büdjeda diişilmekleri giriştirelim. Onuştan lääzım oldu bu ideyayi enidän teklif etmää, ama şindän sora kanon proekti gibi hem mehanizmayi belli etmää, da enidän bakannık komitetinä yollandırmaa».

Örnek gibi, Aleksandr Tarnavskiy Kişinöv muniţipiyasını getirdi, neredä kasabanın kuvetleri yardım ettilär finans tarafından yaşayannara energetika mallarını yısıtmak vakıdında ödemää. Bu üzerä insan okadar sert duymadı malların paalılanmasını bu kış. Bu takım adımnarı, düşüner deputat, Gagauziyanın da kuvetleri lääzım yapsınar. Yardım gibi o «KALİTELİ YAŞAMAK» fondun kurulması için sızıntıları bellietti.

ALEKSANDR TARNAVSKİY, GHT başın yardımcısı: «İki variant var nesoy bu kanonu giriştirmää, er büdjedı doldurtmaa küçüldüp kimi başka programaları, angıları diil okadar önemli kış vakıdında. Bu yol diil okadar ii. Ya ikinci variant da var — avtonomiyanın başı, bakannıı başlȇrlar gitmää başka devletlerä, buluşmakları geçirmää. Diil dilenmää finans yardımını, ama diplomatiya tarafından laflaşmaa yardım için. Deelim kär Türkiye devletinä dä, angısına deyni biz kardaş halkıyız. Lääzım açık sölemää, ani kışın kimi insan var nasıl suuktan üşüsün».

Yısıtmak vakıdı için soţial finans yardımını, kanon iniţiativasına bakarak, 15-20-dän avtonomiyanın aylesi var nasıl kabletsin. Bütünnä gelän fondun büdjedı 75 miliondan 100 milion leyädän var nasıl etişsin, bu para Gagauziyanın 2022 yılın büdjedın yakın 33 proţendı. Bu adımnar, sayer Aleksandr Tarnavskiy,  pek önemli hem lääzımnı neçin ki risk var, ani kimi yaşayannar gelän kışa üşüyeceklär, neçin ki paraları gazın ödemesi için etişmeyecek.

prevyu: kp.md




Источник grt.md
313

İlgili statyalar

Üürenicilär için kompensaţiyanın sayısı belli edildi

GHT deputatları kablettilär kanon proektini , angısına görä Gagauziyanın üüretim kurumnarın üürenicileri kabledeceklär kompensaţiyaları. Dokumentä görä  binär ley verilecek herbir uşak için 1-ci klastan -12-ci klassadan. Taa 500-är ley verilecek   fukaara aylelerdän herbit uşaa. İlktän avtonomiyanın bücetından plana koyuluydu vermää 500 ley herbir üüreniciya.  Bundan sora deputatlar Aleksandr tarnavskiy, Mihail Jelezoglo hem Dmitriy Manastirli  yazdılar kanon proektini, angısında sölenilärdi, ani herbir fukaarä aylä lääzım kabletsin 2 bin leydän diil taa az, ki uşakları şkolaya hazırlamaa. Üçüncü iniţiativaya görä , angısını açıkladılar deputatlar Elena Yurçenko, Leonid Kiosä, Mihail Popov hem Aleksandr Dinjos , teklif edildi vermää hepsi uşaklara 1-ci klastan 12…

Deputatlar: “Gagauziyanın baş kanonuna diişilmeklär lääzım Komstituţiyada yazılsınnar”

Gagauziya Halk Topluşu (GHT) deputatları Sergey Çimpoeş, Georgiy Leyçu, hem Aleksandr Tarnavskiy press-konferentiya verdilär, neredä parlament arası grupanın işi için annatılar, Bakannık Komitetin işindä yanışlıkları için annattılar hem nesoy diişilmekleri teklif ederlär deputatlar Gagauziyanın baş kanonuna giriştirmää ki ileri dooru onnar yazılsın devletin konstituţiyasına. Kanondakı organın deputatı Sergey Çimpoeş annatı, ani 2015 yıldan deputatlar parlament arası grupasının işindä pay alȇrlar. En önemli problema, urguladı deputat, o, ani merkez kuvetleri saymȇrlar avtonomiyayi politika uurunda. Sergey Çimpoeş çizgiledi, ani evropadakı kurumnarın, Evropa birliin, Rusiya devletin, Türkiyanın pay almasınnan 1994 yılda Gagauziyanın yaşayannarı avtonomiyayi kablettilär. O düşüner ki avtonomiyanın ilk günnerindän politiklär kimi…

Evin alınması için yardımı var nicä 50 yaşınadan kabletmää

GHT deputatları kablettilär popravkayı «Genç ayleleri evin alınmasında tutturmak için».  Şindi Gagauziyanın yaşayannarı 50 yaşınadan var nicä kabletsinnär yardımı kuvetlerdän evin yada katlı evdä yaşamak aerin alınmasında. Boy sınırı yardımın kabletmesindä 5 yıla zeedelendi. HT büdjet komisiyasının başı Nikolay İvançuk smledi, ani öncä gagauz kanonu verärdi kolaylıı aylelerä  var olan programayı kullanmaa 45 yaşınadan. NIKOLAY İVANÇUK GHT bücet politika komisiyasının başı: -«Yaş sınırı 45-tän 50 yaşınadan diişili, çünkü 50 yaşınadan aylä genö sayılȇr da var nicä subsidiyaları kabletsin».  Kanon prektin avtoru Aleksandr Tarnavskiy belli etti, ani popravka iki okumakta var nicä kabledildin, çünkü HT hem Bakannık komitedi bu soruşta bir…

Halk Topluşu kabletti 2022 yıla Gagauziyanın bücetini

GHT oturuşunda kabledildi 2022-cı yıl için bücet kanonu. İkinci soruş ilişti gagauziyanın Merkez Seçim Komissiyasına bina verilmesi için. Bakarak 2022-cı yıl için teklif edilän bücet proektini kimi deputatlar nışannadılar, ani o уsaba almȇȇr Gagauziyanın yaşayannarının istediklerini. Kıpçak küüyünün deputatı Valeriy Manastırlı nışannadı, ani o vermeyecek sesini bu kanon için, çünkü o karşı koyȇr uşaklarlan baalı soruşlara. “2022-ci yılda Kıpşakta bir uşaa 26 910 ley. Gagauziyanın başka küylerindä sä 30 668 ley. Bölä/ Kıpçaan uşak başçalarına verilmedi 2 mln.213 bin ley. Biz maana bulduk o deputatlara, angıları geçti yıl insannara karşı koyan büceti kablettilär, ama bän büün yok nicä kendi sesimnän…

Devlet uurunda tenderların giçirilmesi için kanon kabledildi

«Devlet  uurunda tenderlerı  giçirilmesi  için Gagauziyada » Kanonu Gagauziya Halk topluşu deputatları  kablettilär.Bu  kanon  2022 yılda  hederlez ayında  sayıya  koyuldu. Onun avtorları  Aleksandr Tarnavskiy hem Mihail  Jelezoglo. Kanona kendi   kayıllıını Bakannık komiteti verdi. «Devlet  uurunda tenderlerı  giçirilmesi  için Gagauziyada » Kanonu   yazıldı  maasuz Bakannıık komitetinä  hem  Gagauziya Halk topluşuna.Nicä  nışannadı viţe-spiker Aleksandr Tarnavskiy gagauz kanonu karşı  gitmeer devlet  kanonuna  hem  verer  kolaylık  para harcamak  proţesini  taa açık insannara deyni  yapmaa . ALEKSANDR  TARNAVSKİY GHT viţe-spikerı : » Gagauziya Halk topluşu hem Bakannık  komiteti lääzım olacȇklar  kendi  ofiţıal  saytlarında  erleştirsinnär hepsi  annaşmakları. Maasuz onnarı,angıları  20  bindän  zeedä kurȇrlar. Moldova Devletindä bu…