GHTya kandidatlara yol açık, ama ilktän imzalar toplanacek

2021-ci yılın Ceviz ayın (sentäbri) 19-da olacek Gagauziya Halk Topluşu seçimnerindä GHT deputatı kandidat olmaa deyni danışmalara 21.07.2021 günü kapular açıldı.

Gagauziyanın Merkez seçim komisiyası bildirdi, ani artık altmıştan zeedä kişi imza toplamaa listelerini aldı. Bundan kaarä MSK açıkladı, ani yazıya aldı 13 inițiativa grupasını: 10 soțialistlär hem komunistlär blokundan, 3 – baamsız kandidatların.

GHTya kandidatlar lääzım toplasınnar imza bu algoritmaya görä: 500 kişidän aaz yaşaşan küülerdä – 50-70 imza, kalan erlerdä – 100-150 imza.

İmza toplamaa listeleri Harman ayın (avgust) 20-nin saat 17:00-nä kadar Gagauziyanın Merkez seçim komisiyası tarafından kabledileceklär.

Gagauziya Halk Topluşuna lääzım olacek 35 tek mandatlı seçim bölümündän 35 deputat ayırmaa.

Not. Şindiki VI-cı çaarılmalı Gagauziya Halk Topluşun etkilii bitti 2021-ci yılın Büük ayın (yanvar) 20-dä.

Источник anasozu.com

BOT işçi

10.08.2021

492

Categories: Новости

İlgili statyalar

Şindilik 120, ama taa 10 gün var

Gagauziya Halk Topluşun eni seçimnerindä kandidat olmaa deyni, şindilik, Gagauziya Merkez Seçim Komisiyası (MSK) 120 kişiyä kandidatlaa registrațiya yaptı. Esap alarak, ani Gagauziyada 35 tek mandatlı seçim bölümü var hem oralardan lääzım olacek 35 deputat ayırılsın, büünkü gündä bir erä 3,43 kişi geler. MSKya kandidatlaa dokumentleri vermää deyni taa 10 gün var. Bakalım kaç kişi taa bu işä katılacek. Aklınıza getireriz, ani Gagauziya Halk Topluşuna eni seçimnär 2021-ci yılın Ceviz ayın (sentäbri) 19-da lääzım olsun. Onuştan GHT deputatı olmaa deyni imza listelerinnän danışmaları var nicä yapmaa Harman ayın (avgust) 20-nin saat 17:00-nä kadar. Источник anasozu.com

BOT işçi

536

11.08.2021

Düşürülän merdivendän pinmää savaşêr

Gagauziya Merkez Seçim Komisiyası (MSK) tarafından Gagauziya Başkannıına kandidat olmaa isteyän Sergey ÇİMPOEŞ için toplanmış imza listelerini kabledilmesi hem Baba Marta ayın 23-dä ona registrațiyada ret cuvap verälmesi beterinä, Sergey ÇİMPOEŞ enidän imza toplamaa başladı. Gagauziya Başkannıına kandidatlık basamaklarından pinmää isteyän Sergey ÇİMPOEŞ MSKda inițiativa grupalarına enidän registrațiya yaptı hem imza için eni listeleri aldı. Öbür taraftan yolda düşürülän kandidatlaa kandidat bildirdi, ani Gagauziya Merkez Seçim Komisiyası (MSK) on karşı ret cuvabını ortadan kaldırmaa deyni suda danışacek. Источник anasozu.com

Haberci

116

29.03.2023

2023 yılın Çiçek ayın (aprel) 30-da Gagauziya Başkanı seçimneri olacek – kandidatlar 8 var

Çiçek ayın (aprel) 30-da, Gagauziyada olacek Gagauziya Başkanı seçimneri. Bu seçimnerä, kandidat olarak, 8 kişi etişti: 7-si – adam kulluundan, 1-si dä – karı kulluundan. Tiparlêêrız onnarın adlarını o sıraya görä, nicä Gagauziyanın Merkez seçim komisiyası onnara registrațiya yaptı: 1. Nikolay DUDOGLU (baamsız kandidat, Komrat kasabasından Gagauziya Halk Topluşun şindiki deputatı, Moldova demokrat partiyasının eski azası); 2. Grigoriy UZUN (Moldova soțialistlär partiyasının kandidatı, Valkaneş kasabasından Gagauziya Halk Topluşun eski deputatı); 3. Mihail FORMUZAL (baamsız kandidat, iki dönem Gagauziya başkanı oldu); 4. Viktor PETROV (Moldova soțialistlär partiyasının kandidatı, Komrat kasabasından Gagauziya Halk Topluşun şindiki deputatı); 5. Dimitriy KROYTOR (baamsız kandidat, 2002-ci…

Haberci

166

29.04.2023

GHT seçimnereri – 122 kandidata yol açık

Umut ederiz, ani Ceviz ayın (sentäbri) 19-da genä dä Gagauziya Halk Topluşuna eni seçimnär olacek da Gagauziya Merkez Seçim Komisiyasını (MSK) geçän 132 kandidattan 122-si onnara katılacek. Nicä açıkladı MSK bu 122 kandidattan 21-ri Komunistlär hem soțialistlär blokundan, 2-si – PACE partiyasından, kalan 99 deputat ta, sözdä, baamsız. Herliim bakarsak seçim bölümnerinä göra: ozaman göreriz, ani Gagauziya Halk Topluşunda depuat olmaa en çok isteerlär komratlılar: Komrat № 1 seçim bölümündä – 7 kandidat; Komrat № 4 s.b. – 7 kandidat; Ütülü küüyün № 20 s.b. – 6 kandidat. Kalan çoyu seçim bölümünerindä 3-4-där kandidat var. İkişär kandidat 6 seçim bölümündä…

Haberci

454

03.09.2021

Gagauziya Halk Topluşuna seçimnär geçer

2021 yılın Ceviz ayın (sentäbri) 19-da Gagauziya Halk Topluşuna (GHT) eni seçimnär geçer. Halk Topluşunda 35 mandata 124 kandidat var. Bütün Gagauziyada seçmcilär listelerindä 114 210 kişi var. Kaçı onnarın seçim bölümnerinä geleciklär pek tezdä üürenecez. Gagauziya Merkez Seçim Komisiyasını (MSK) bildirdi, ani seçimnerdä 80 erindeki hem 50 yabancı gözlemci var. Источник anasozu.com

Haberci

454

19.09.2021

Yorum yapabilmek için giriş yapmalısınız.