GHT deputatları ABD Büükelçisinnän buluştular

Büük ayın (yanvar) 10-da Gagauziya Halk Topluşun deputatları Moldovada Amerika Birleşik Devletleri (ABD) Büükelçisi Kent D. LOGSDONlan buluştular.

Buluşmada, gagauz deputatları urguladılar, ani bitki vakıtlarda Moldova Respublikasının büünkü öndercileri Gagauziya (Gagauz Yeri) avtomom bölgesinin hak statusunda nışannanan haklara karşı çeşitli adımnar yapêrlar hem onnarı kısıtlamaa savaşêrlar. Bundan kaarä gagauz parlamentarları annattılar ABD Büükelçisinä o problemaları, ani peydalanêrlar Komrat hem Kişinev arasında politika, ekonomika hem cümne ilerlemesi uurunda.

O problemaların arasında Kişinevun Gagauziyanın Moldova parlamentında 5 deputat haklıını, teklif edilän Gagauziyanın prokurorun hem yustițiya upravleniyasının kandidaturalarını görmemezdän gelmesi.

GHT deputatları aalaştılar ABD Büükelçisinä Kent D. LOGSDONa ondan, ani Moldova Respublikasının eni Seçim kodeksının kabledilmesi Gagauziya (Gagauz Yeri) avtonomiyasının de-yüre yok edilmesinä yolu açtı.

Başka problemalar için annadarak da, GHT deputatları umut ettilär, ani Amerika Birleşik Devletleri hem onun Büükelçilii hepsi bu problemaların çözülmesindä yardımcı olaceklar bildirer halktoplushu.md saytı.

ABD Büükelçisinän buluşmada pay aldılar GHTın çeşitli partiyalardan hem bölümnerindän deputatları Georgiy LEYÇU, Nikolay ORMANCI, Aleksandr TARNAVSKİY, Vladimir KISSA, Aleksandr DÜLGER, Viktor PETROV.

Источник anasozu.com

Haberci

12.01.2023

Categories: Новости

İlgili statyalar

Bu Seçim kodeksı Gagauziyayının yok edilmesinä de-yüre yolunu açtı

2022-ci yılın Kırım ayın (dekabri) 1-dä Moldova Paralamentı, bir partiyanın 55 sesinnän, kabletti Moldova Respublikasının eni Seçim kodeksını, angısına görä Gagauziya (Gagauz Yeri) avtonomiyasının yok edilmesinä de-yüre yolunu açtı. Bu konuylan ilgili, Gagauziya Halk Topluşun deputatları Kırım ayın (dekabri) 6-da bir açıklama kablettilär, neredä doorudan söledilär, ani Moldova Parlamentı hem Moldova Respublikasının büünkü kuvetleri çiinedilär Gagauziyanın haklarını hem Moldova Konstituțiyasının 111-ci statyasını, bununnan Gagauziya (Gagauz Yeri) avtonomiyasının yok edilmesinä de-yüre yolu açıp. Bu işi doorutmak için, GHT deputatları danışêrlar Moldova Prezidentına hem Moldovada bulunan halklararası hem diplomatiya misiyalarına. Aşaada danışmanın PDFnı vereriz: GHT_aciklamasi Источник anasozu.com

Haberci

09.12.2022

“Georgievskaya” denilän şirit, “Z” hem “V” simvolları Moldovada zapa altına alınêr! Soțialistlär hem Gagauziya buna karşı!

Moldovanın “PAS” partiyasının deputatları hazırladılar hem parlamenta çıkardılar Zakon proektını, angısına görä Moldovada zapa altına alınêrlar “Georgievskaya” denilän şirit, “Z” hem “V” simvolları. Zakon proektında yazılı, ani bu simvollar cenk agresiyasının, cenk prestupleniyalarının hem insannaa karşı prestupleniyalarının atributları hem simvollarıdır, hem da bu işlerin propagandasıdır. Bu Zakon proektı için Çiçek ayın (aprel) 7-dä PASın deputatları birinci hem ikinci okumakta ellerini kaldırdılar. Şindi proektı üçüncü okumakta lääzım kabletsinnär. Bu zakona karşı kalktılar Moldova parlamentında Soțialistlär partiyası hem “Şor” partiyasının deputatları. Ayrıca Gagauziya Halk Topluşun deputatları da danıştılar Moldova parlamentına tekliflän “…Alınan kardan çıkarılsın “Georgievskaya” denilän şirit için zapa. Biz, Gagauziya Halk…

Haberci

171

11.04.2022

Gagauziya Halk Topluşuna seçimnär bitti

Canavar ayın (oktäbri) 3-dä Gagauziyada oldu 11 seçim bölümündä Gagauziya Halk Topluşuna seçimnerin II-ci turu hem 6 seçim bölümündä dä eni seçimnär. Gagauziyanın Merkez Seçim Komisiyasının (MSK) açıklamalarına görä bu 17 seçim bölümündän GHT deputatları ayırıldılar: Komrat № 1 s.b. Nikolay DUDOGLU; Komrat № 2 s.b. Viktor PETROV; Komrat № 3 s.b. Aleksandr TARNAVSKİY; Komrat № 4 s.b. İvan DİMİTROGLU; Çadır № 5 s.b. Nikolay İVANÇUK; Çadır № 6 s.b. Georgiy LEYÇU; Valkaneş № 10 s.b. Pötr FAZLI; Beşalma № 13 s.b. Grigoriy DÜLGER; Baurçu № 12 s.b. Grigoriy KADIN; Bucak № 15 s.b. Vladimir KISSA; Ütülü küüyü № 20…

Haberci

381

04.10.2021

Video: GHT DEPUTATLARI MAASUZ TOPLANTIDA BAKTILAR GENEL PROKURURUN TUTULMASINI

GHT öndercilii büün topladı hepsi deputatları, ki açıklamaa durumu, angısı baalı MD genel Prokurorun Aleksandr Stoyänoglonun kapatmasınınnan. Toplantıya çaarıldılar hepsi deputatlar, onnarın arasında bulundular eni seçilmiş deputatlar da. Herbiri açıkladı kendi bakışını, angısı baalı MD genel Prokurorun Aleksandr Stoyänoglonun kapatmasınınnan. HT deputatı Georgiy Leyçu nışannadı, ani bu olay var nıcä zarar getirsin Gagauziyanın statusuna da. Eni seçilmiş deputat Dmitriy Konstantinov nışannadı, ani bu durumu göz altına lääzım alsınnar halklararası partnörlar. Bu soruşta lääzım birleşmää hem çetin açıklamaa bizim halkımızın duruşunu, nışannadı seçilmiş deputat Vİktor Petrov. Buluşmada bulundular MD Parlament deputatları da. Deputat Vasiliy Bolä açıkladı Aleksandr Stoyänoglonun saalık durumunu hem bulunmak…

Haberci

253

06.10.2021

Bakalım şindi alınan kararların benizi nesoy olacek?

Baba Marta ayın 22-dä, iki yıldan sora, Kişinevda genä toplandı “Moldova hem Gagauziya arasında kurulan parlamentlar arası çalışmak grupası (komisiyası)”, angısının neeti 1994-cü yılda adanılmış “bir ayın içindä Moldovanın Zakonnarını “Gagauziya (Gagauz Yeri) özel hak statusu için” Zakona görä doorutmaa hem uygulamaa. Toplantı Moldova Parlamentı Başı İgor GROSU başkannıında yapıldı. Orada Moldova Parlamentın hem Gagauziya Halk Topluşu deputatları, Gagauziya Başkanı, Türkiye Kişinev Büükelçisi Gürol SÖKMENSÜER, başka kordiplomatik temsilcileri pay aldılar. “Moldova hem Gagauziya arasında kurulan parlamentlar arası çalışmak grupası (komisiyası)” türlü adlar altında taa 2014-cü yıldan beeri hep toplanêr, ama, “neçin sä”, büünkü günädän hep kara yımırtalar yımırtladı. 2020-ci yılın…

Haberci

205

29.03.2022

Yorum yapabilmek için giriş yapmalısınız.