Geçan afta Dezgincä küüyündä razgeldi 10-dan zeedä yangın

Bitki afta Dezgincedä razgeldi 10 -dan zeedä yangın olayı. Bizim televizion grupamız kendisi gördü onnarın birisini.

Bir gündä Dezgincä küüyündä iki yangın olayı sayıya konuldu. Primar nışannadı, ani insannar tutuşturȇrlar kuru otları, büük lüzgär dä sora bu yangını sauşturȇr ötää dooru.

“Yanȇr şindi toloka aaçlarlan barabar, çünkü orada aaç ta var. Bu tutuşturulu isteyiptä. Büünkü gün burayı iki sıra yangından kurtarıcılar gelerlär. Yanȇr beş ektardan zeedä büük yalınnan”, — haberledi primar Vasiliy Kapsamun.

Primar danıştı yaşayannara, ki onnar taa dikkat ateşi kullansınnar.

“İsteerim danışmaa küüyün yaşayannarına: yangından kurtarıcılar lääzım kurtarsınnar bizim evleri, ama onnar çok vakıt harcȇrlar gelmää da sündürmää o yangınnarı, angılarını siz tutuşturȇrsınız. Onnar lääzım insannara yardım etsinnär, oldusaydı bir taa büük yangın, onnar o evi lääzım sündürsünnär. Biz bunu lääzım annayalım, çünkü o var nicä olsun bizim yakın kişinin evi, biz sä burada onnarlan bu tutuşturmakları sündüreriz ”, — nışannadı primar.

Primarın laflarına görä, dinnenmäk günnerindä küüydä taa dört yangın oldu.

Geçan afta razgelmiş yangınnar yok ettilär 100 ektardan zeedä toloka hem daa sıralarını.




Источник grt.md
329

İlgili statyalar

Komratta “Zayalpujie” dolayında yangından zararlandı genç fidannar

Mardın 30-da avşamnen Komrat “Zayalpujie” dolayında büük yangın oldu. Hatalı olaylar izmetin uzmannarı yokettilär ateşi. Bizim çekim grupamız bulundu yangının erindä. Yangının yoketmesindä yardım ettilär Hatalı olayların bakannıın uzmannarına insannar, angıları yakında yaşȇȇrlar. «Biz yaşȇȇriz şarap zavodun dolayında, gördük ateşi. Pindik arabaya da geldik buraya».   «Bän bakardım televizoru da annamadım, ne olȇr. Açan gördük yangını sündürmäk arabasını, annadık, ani nesa yanȇr».   «Çok saa olsun hepsi insannar hem yangından kurtarıcılar». Angı kayıplara getirdi yangın, haberledi Hatalı olaylar bakannıın çalışanı Dmitriy Konstantinov. « Dün yandı diil sade kuru ot, am genç daa da. Tabiyata getirildi büük zarar. Ateşi tutuşturmaa geldi…

Dün gecä Komradın üülen tarafındakı kenarında yangından zararlandı 3 ektar daa

Büük yangın oldu mart ayın 21 — dä geçä Komrat kasabasının kenarında üülen tarafından. Zarar gördülär genç aaçlar. Hatalı olaylar izmetin uzmannarı yok ettilär yangını. Sölener, ani yangın ateşin dikkatsız kullanmasının beterinä oldu. Yangın getirdi zarar 3 ektar daaya. Yangın için Hatalı olaylar izmetinä insannar haber verdilär. Kurtarıcılar kısa vakıtta süündürdülär ateşi. «Bu büük ateş kayıplara getirdi, yandı salkım aaçları. Üç ektar yokedildi. İnsannar lääzım tutuşturmasınnar kuru otları hem gübürleri, çünkü kuraklıkta hem lüzgärlı havada herbir çivi yakması var nicä büük ateşi kızıştırsın. Düşünerim, ani beki da isteyip tä yangını yarattılar. Dün yangınnar vardı taa Kongazda hem Çok –Maydanda. Ateş…

Çeşmäküüyüdä yarıda oluştu yangın

Çeşmäküüyün yarısında tutuştu kuru otlar. Yangın sebepleri diil belli. Nicä haberledi Moldovanın Hatalı olaylar için devlet inspekţiyası, bitki günnär kurtarıcılar sündürdülär ateşi 2 533 ektarda. Yangın kızıştı birkaç erdä. Videoda görüner, neredä ateş kızışêr, nicä yangın maşinası sündürer ateşleri. Korlar ayırı erlerä daalmadılar, çünkü ateşi sündürmää yardım ettilär yaşayannar, deyni kurtarmaa mezarın yanında bulunan yarıyı. Yangın başlamadan kurtarmak maşinası o erä yakındı, o üzerä hızlı hem kolay çıktı ateşin önünä. Çeşmäküülülär nışannadılar, ani bölä hata ilk sefer oldu küüdä. “Biz gübür bişey atmadık hiç bir zaman da, bu sade aşaadan geldi, orada tükenın yanında tutuşturdular gübürleri, da korlar daaldı bıyanı…

Gagauziyada üzlärlän ektar kır hem daa yandı kuru otların yakmasının beterinä

Kuru otların yakması getirdi büük yangınnara Gagauziyanın tolokalarında hem daalarında. Geçan dinnenmäk günnerindä Dezginja küüyündä yakın 100 ektar daa hem toloka yandı. Ama Çok — Maydan küüyündä bir aftanın içindä yandı yakın 130 ektar toloka. Dezinja küüyün türlü taraflarında cumertesi hem pazar günnerindä birkaç yangın oldu. Bunu için haberledi primar Vasiliy Kapsamun. O nışannadı, ani kurtarcılar hem ateş sündürücüleri çemrek işledilär da vakıtçasına ateşleri sündürdülär. “Sündürärdik barabar brigadalarlan Leovodan, Komrattan, Yargaradan, Dezginja küüyündän. Yandı yakın 100 ektar, biraz daa, biraz da toloka erleri”, — açıkladı Dezinja küüyün primarı. 20 ektardan zeedä siirek ot yandı Bucak küüyündä bulunan devlet tarafından korunan…

Dezgincä küüydä neetlenerlär tertiplemää eski okulun binasını

Dezgincedä plannadılar düzmää küüyün birinci şkolanın eski binasını. Ne bulunacek onda hem nekadar bu proekt önemli, annadı bizim televizion grupamız. Dezgincenin birinci şkolanın eski binası 10 yıldan zeedä kapalı durdu. İki yıl geeri küüyün öndercilii kendi kuvedinnän örtüyü ötää-beeri yamadı. Bu verdi kolaylık binanın bir tarafında iki sport salonunu yapmaa, nereyi büün nicä küçüklär, ölä da büüklär gelerlär. Ama binanın bir payı daanık kalȇr. “Bıldır bän çıktım bir tekliflän yapmaa smeta hem proekt, angısı verecek kolaylık korumaa binayı hem bişey faydalı uşaklarımıza deyni yapmaa. Plannȇȇrız örtüyü hem odaları düzmää. Ki uşaklara deyni başka çevreleri açmaa hem bu obyekt soţial sport…