Gavril Gaydarcı tamannaceydı 85 yaşını
«Zamandaş koşullarda gagauz dili: gerçeklär, tekliflär hem ilerlemäk» — bu tema tombarlak masa geçti Komrat Devlet universitetindä. O adalıydı filologiya bölümnerindä doktorun Gaydarcı Gavril Arkadyeviçin 85 – inci yıldönümünä. Olayda bulundu bizim televizion gruppamız. Annadȇr Polina Barbova.
Fililogiya doktoru, KDU üüredicisi Güllü Karanfil açıkladı problemayı gagauz dili ilerlemesi için avtonomiyada. O haberledi, ani maasuz Kırbalı küüyündä, neredä duudu şair, bilim adamı, filolog Gavril Gaydarcı, uşakların yok kolaylıkları üürensinnär ana dilini. Problema baalı onunnan, ani büünkü günnär bu yaşanmak erindä çalışmȇȇr okul, da uşaklar üürenerlär komuşu Tarakliya dolayında. Gagauz dilin üürenilmesi Gagauziyanın okullarında lääzım alınsın esaba, çizgiledi Güllü Karanfil.
Filologiya doktoru, Gagauziya Bilim – aaraştırmak merkezin baş bilim aaraştırıcısı çizgiledi, ani maasuz Kırbalı küüyündä geçän zamanda yapıldılar ilk adımnar gagauz dili gramatikasının giriştirilmesi için. Bundan sora 1990 – cı yıllarda gagauz dili geçti kiril grafikasından latin grafikasına, çizgiledi Vitaliy Sırf.
2010 – cu yılda «ЮНЕСКО» haberledi , ani gagauz dili var nicä kaybelsin. Korumaa deyni onu Gagauziya bücetından her yıl verilerlär millionnarlan ley. 2022 – ci yılda bu neetlär için geçirildi yakın 6 million ley. MD Prezidentin Maya Sandunun vizitin süresindä avtonomiyaya canavar ayın başlamasında, Gagauziyanın öndercileri istedilär ondan ki devlet bücetından 2, 5 million ley gagauz dili tutturmak fonduna verilsin.
Polina Barbova, Väçeslav Kıssa, Aleksey Gerçu, GRT «Haberlär».
Источник grt.md 30.09.2022