“GAGAUZLARIN DİN FOLKLOR TÜRKÜLERİ” KİYADIN PREZENTAŢİYASI
İlgili statyalar
Açan dinä hem bilim yalan karışêr din dä, bilimä dä batêrlar
(“Gagauzların din folklur türküleri” kiyadına prezentațiya) Büük ayın (yanvar) 17-dä Gagauziyada oldu prezentațiya “Gagauzların din folklur türküleri” kiyadına, angısının avtoru Türkiyedän Resul DAĞI. Bakmadaan ona, ani avtorun adı kiyadın kabında yazılı, prezentațiyasında açıklandı, ani bu – Gagauziya Bilim Merkezin hem gagauz kliselerinin ortak proektıdır. Bu olaylan ilgili yannış açıklanêr, ani bu bölä ilk kiyatmış hem seftä çalışmaymış. Taa ileri Gagauzların kimi klisä türküleri, nicä düşer notalarlan bilä, tipardan çıktılar 2017-ci yılda Akademik Todur ZANETin “Gagauzların kayıp olan dilinin hem kultura adetlerinin Moldovada korunması” (“Gagauz türküleri, söleyişleri, bilmeceleri”, “Gagauz songs, Proverbs, Riddles”, “Cântece, proverbe, ghicitori găgăuze”, «Гагаузские песни, пословицы, загадки») toplumunda.…
Video: GAGAUZ TÜRKÜCÜSÜ PAY ALDI BALKAN FESTİVALİNDÄ
«Balkan giimneri, türküleri hem oyunnarı» festivali Türkiyanın Edirne kasabasında geçti. Gagauziyayı onda gagauz türkücüsü Anetta Büük temsil etti. «Balkan giimneri, türküleri hem oyunnarı» Halklararası festivali Edirne gubernatorun hem Rumeli akademiya asoţiaţiyasının hatırınnan yapıldı. Gagauz kulturasını balkan devletlerin uurunda Anetta Büük temsil etti. Festivaldä Anetta gagauz halk türkülerini gagauz millet giiminnän çaldırdı. Bu festivalin çerçevesindä türk dünnesinin halkları millet giimnerini gösterdilär hem oyunnarı oynadılar. Источник grt.md
Komratta «Düz Ava» ansamblisinin kurucusu Semön Pometko için kiyadın prezentaţiyası yapıldı
Komratta «Ömürünü gagauz muzikasına baaşladı» kiyadın prezentaţiyası geçti. Kiyat adalı anılmış Moldovanın hem Gagauziyanın kompozitoruna, «Düz Ava» ansamblisinin kurucusuna Semön Pometkoya. Kiyadın avtoru — onun kızkardaşı Praskovya Kunçeva. Prezentaţiya Komrat kultura evindä yapıldı. «Ömürünü gagauz muzikasına baaşladı» kiyat gagauzça hem rusça yazılı. Avtor paylaşȇr, ani kiyat birkaç yılın süresindä hazırlandı. Onda o savaştı maȇstronun yaşaması için annatmaa, onun yaratmak yolu için. Bundan kaarä var bölüm kollegaların hem üürenicilerin aklına getirmeklerinnän. Semön Pometkonun önemli rolünu gagauz kulturasının ilerlemesindä nışannadılar Gagauziya kultura bakannıın temsilcileri. KDU milli kultura fakultetin dekanı Pötr Paşalı sayȇr, ani herbir halk lääzım kendi kulturasını hem tarihini bilsin hem…