Gagauziyayı temeldän sökerlär – Gagauziyanın garantı Gagauziya Başkanı kırları gezer

Gagauziyayı temeldän sökerlär – Gagauziyanın garantı Gagauziya Başkanı kırları gezer

Gagauziyanın temel çivilerini sökmää hem Gagauz prokuroru çıkarmaa deyni eni seçilän Moldova Parlamentında çounnuu olan PAS (“Çalışmak hem Birlik”) partiyası kendi çalışmasını başladı ondan, ani “Moldova Respublikasının Prokuraturası için” zakonu diiştirer.

Moldova Parlamentında “Moldova Respublikasının Prokuraturası için” zakonda diiştirmekleri deputatlara Harman ayın 13-dä teklif etti Moldovanın yustițiya ministrusu hem PAS deputatı Sergey LİTVİNENKO.

Canabisi, maamilä surat, yustițiyayı düzeltmäk sebepinnän, açıktan söledi, ani var sade bir yol Moldova Başprokurorunu Aleksandr STOYANOGLUyu iştän çıkarmaa – “Moldova Respublikasının Prokuraturası için” zakonunda diiştirmeklär. Onnarın birisi da – Prokurorların Üüüsek Sovetinin azalarını 15 kişidän 12-ya indirmää, oradan Moldovanın Baş Prokurorunu Aleksandr STOYANOGLUyu, Gagauziyanın Baş prokurorunu hem Advokatlar Kolegiyasının başını çıkarıp.

Aleksandr STOYANOGLUya karşı düüşmektä  nasaatçı gagauzlara hem Gagauziyaya halizdän üzünü açtı, deyeräk, ani Ggagauziya o sadecä bir rayon da Moldovada “herbir rayon prokuroru yok nicä olsun Prokurorların Üüüsek Sovetinin azası.

Komratlı olan Soțialistlär Partiyasının deputatı Aleksandr SUHODOLSKİY sordu Sergey LİTVİNENKOya “Gagauziya prokurorunun rayon prokuroru uuruna indirmäk, demeli Gagauziyayı da diil avtonomiya, ama rayon saymak hem bu sade ilk adım mı Gagauziyanın sökülmesindä hem yok edilmesindä? Yaarın deyeceyniz, ani Gagauziya Başkanı da sade bir rayon predsedateli da Moldova Pravitelstvosundan çıkarılsın”.

Sergey LİTVİNENKO buna naşeysa mırıldadı, ama açık bir cuvap vermedi. Demeli Gagauziyanın çivilerin sökmesi ilerleyecek.

Bu yazı hazırlanarkan Gagauziyanın garantı Gagauziya Başkanı İrina VLAH, sorgo kırlarını gezeräk, olaylan ilgili hiç bir açıklama yapmadı.

Foto: gagauzinfo.md

Источник anasozu.com

İlgili statyalar

Bir gagauza hem bütün Gagauziyaya karşı bir zakon

2021-ci yılın Harman ayın 24-dä Moldova Parlamentında “Moldova Respublikasının Prokuraturası için” zakonuna diiştirmeklerin ikinci okumakta kabledilmesinnän Gagauziyanın temeldän sökülmesi başladı. Bakmadaan ona, ani “Moldova Respublikasının Prokuraturası için” zakonuna diiştirmeklär için cümne insannar hem yuristlär, kendi bakışlarını açıklayarak, dedilär, ani bu diiştirmeklär politika işi hem prokuraturayı politika ökçesi altına almak, zakon ikinci okumakta kabledildi. Moldovada “zakonçuluu korumasında duran” halklararası kuruluşlar, dilsizlär gibi, sustular, bakmadaan ona, ani bu Zakon proektı, nicä düşer Evropaya bakannara, Venețiya komisiyasına yollanmalıydı hem Moldova Prokurorların Üüüsek Soveti tarafından incelänmeliydi. Zakonu kabledennär ne da deselär, bu zakon en aazdan bir gagauza, Moldovanın büünkü Baş prokuroruna Aleksandr STOYANOGLUya hem…

Tren gittiynän Gagauziya Başkanı eşinmää başladı

Harman ayın 24-dä Moldova Parlamentında “Moldova Respublikasının Prokuraturası için” zakonuna diiştirmekleri ikinci hem son okumakta kabledilmesindän sora, Gagauziya Başkanı İrina VLAH, bu uurda biraz dalga yapmak için, eşinmää başladı, bileräk ani artık geç, çünkü Zakon geeri dönmäz. Ama bu eşinmelärlän Gagauziya Başkanı kiminsa önündä suratını kurtarmaa pek isteer (bak: https://gagauzinfo.md/top1/61722-bashkan-irina-vlah-nastaivaet-na-vklyuchenii-prokurora-gagauzii-v-sostav-vsp.html). Açan Harman ayın 13-dä Moldova Parlamentı tarafınfan ilk okumakta kabledildi “Moldova Respublikasının Prokuraturası için” zakonuna diiştirmeklär, neredä belli oldu, ani kuvettä bulunan partiya Gagauziyayı temeldän sökmää başladı, Gagauziya Başkanı İrina VLAHtan buna karşı bir “gık” ta çıkmadı. Taa da beter, ançan lääzımdı çannarı düümää hem büünkü eşinmeyi yapmaa, Canabisi kırları gezärdi…

Tipardan çıktı “Ana Sözü” gazetasının 2021-ci yılın Harman ayın (avgust) nomerı

Harman ayın (avgust) 28-dä tipardan çıktı “Ana Sözü” gazetasının 2021-ci Harman ayın (avgust) nomerı. Nomerdä tiparlanan materiallar: “Gagauz Respublikasının 31-ci yıldönümü bakıldı”, “Moldova Respublikası baamsızlıının 30-cu yıldönümünü kutladı”, “Ana dilimizi başka dillerä kurban etmeyelim!!!”, “Gagauziyayı temeldän sökerlär – Gagauziyanın garantı kırları gezer”, “Bir gagauza hem bütün Gagauziyaya karşı bir zakon”, “Tren gittiynän Gagauziyanın garantı Gagauziya Başkanı eşinmää başladı”, “Gagauz Respublikasının erinä Gagauziya Başkanı Romıniyada kefinä baktı”, “Halk Topluşu en küçük çana yavaşıcık urdu. Gagauziya Başkanı bunu da yapmadı”, “Son hazırlanmış, ama dünneyä etişmeyän 2002-ci yılın “Kırlangaç” jurnalın nomeri”, “İlya FİLEV 65 yaşında”, “Elena KILÇIK: “Pek kısmetliyim, ani Olimpiada Oyunnarına katıldım!””…

Gagauz Respublikasının erinä Gagauziya Başkanı Romıniyayı ayırdı

2021-ci yılın Harman ayın (avgust) 19-da gagauzlar Gagauz Respublikasının kurulmasının 31-ci yıldönümü kutladılar, ama kutlamalara Gagauziya Başkanı İrina VLAH katılmadı. Respublikamızın yortusunu kutlamak erinä Canabisi o günü Romıniyaya gitti. Hem diil yalnız, ama kendisinin sol (osa saa mı?) elinnän hem Bemol Retail kuruluşun Direktorlar Sovetinin başınnan Kiril GABURİÇlän. Gagauziyanın ofițial yortular kalendarindä Harman ayın (avgust) 19-zu – hem Gagauz Respublikasının hem da halkın birleşmäk günü. Nesoy birleşmä için laf var nicä gitsin, açan gagauz halkınnan birliktä olmasına hem birleşmesi erinä o gündä Gagauziya Başkanı Romıniyaya ayırdı. Bileriz, ani kan su olmaz! Herbir halkın kendi kanı var. Gagauziya Başkanının da. Gagauz…

Bu durumda Gagauziya hakk tarafından arkasız kalêr

2021-ci yılın Harman ayın 13-dä Moldova Parlamentında “Moldova Respublikasının Prokuraturası için” zakonuna diiştirmeklerin birinci okumakta kabledilmesi sebepinnän, Gagauziyadan “Gagauziyaylan ilgili Moldovada ortak bir çalışmak grupası (komisiyası)” girän deputatlar danıştılar halklararası kuvetlerinä, angıları “maamilä surat” Komrat hem Kişinev arasında annaşma işlerin garantları kendilerini göstererlär. Danışmada bu garantların işä karuşmaları teklif ediler, zerä, bu olmazsa, “Bu durumda Gagauziya hakk tarafından arkasız kalêr, çünkü Moldova Parlamentının tek taraflı bu inițiativası var nicä kuşku bir prețedent olsun hem kurulan annaşmamazlıı ortadan kaldırmak mehanizmasını bozsun”. Bu danışmaylan burada tanışınız:   Источник anasozu.com


İnsannarın cuvapları: