Gagauziyanın vatandaşı Galina Danacı “Herkezinä susaktan” kiyadını bildirdi

Gagauziyanın vatandaşı Galina Danacı “Herkezinä susaktan” kiyadını bildirdi

Gagauz  dilindä eni kiyatların tiparlanması  uşaklara deyni önemli bir oluş çoyuna deyni, kim  sever literaturayı. Eni toplum  — “Herkezinä susaktan”   yazılı   başçaların terbiedilennerinä hem başlankı klasların üürenicilerinä . Kiyat oldu avtorun Galina Danacının debütu.  O çalışȇr uşak başçasında da biler, nesoy zor üüretmää uşakları, açan az literatura ana dilindä var. İlerleder temayı süjet.

Kiyada  “Herkezinä susaktan” girdilär şiirlär, fabulalar, masallar hem bilmeycelär, angıları yardım edeceklär  üüredicilerä üüsek uurda şkolalarda gagauz dilini götürmää. Avtorda Gilina Danacıda- bu ilk, ama diil bitki kiyat, zerä var çok yaratma, angıları girmedilär bu topluma.  Onnar yazılı türlü janrada hem türlü konularda, natura, cenk,  din, hayvannar, ana için. Kiyat yazılı gagauz dilindä,  ama tiparlı  latin hem kiriliţa grafikalarında, ki her bir insana olsun kolay okumaa.

Kiyadın redaktoru oldu  gagauz dili üüredicisi Marina Çernioglo, angısı urguladı, ani  gagauz literaturasında  peydalandı eni yıldız.

Kiyat tiparlı kalın kablan, hem herbir yaratma resimni, ne  meraklandırȇr  uşakları  hem yardım edecek onnara taa ii üürenmää, urguladı  resimci  Nadejda Vornikova . Ona meraklıydı işlemää eni proektlän.

Bu uurda proektlär pek meraklı. Meraklı onunnan, ani vererlär bizä  kolaylık  duymaa kendimizi uşak,   ii hem poizitiv duyguları kabletmää, ne açıklanȇr uşak yaratmalarında.  Bu kiyatta toplu şiirlär, fabulalar,  masallar. Pek meraklı toplum,  şıralı pietlär, bana meraklıydı Galina İliniçlaylan işlemää.

Galina Danacıyı kablettilär Gagauzların yazarlar birliinä. Onun başı Konstantin Kurdoglo urguladı, ani kiyat faydalı diil sade uaşklara, ama büüklerä dä,  o nışannadı, ani  her yıl birliin sıraları  zeedelenerlär.

Büün tiparlamaa kiyadı kendi parannan pek ,  Galina  aldı taa iş, ki arttırmaa para bu uura. Onun laflarına görä bunda durgunmayacek  , da bu ilk kırlangaç onun  yaratma yolunda.




Источник grt.md
225

İlgili statyalar

Komratta gagauz yazıcıların yaratmaların eni toplumu uşaklara deyni cümneyä tanıtıldı

Komratta uşaklara deyni gagauzi dilindä «Kurt – kuş” dünnesi» eni kiyadın prezentaţiyası geçti. Kiyada Gagauziyanın 23 anılmış yazıcısının yaratmaları girdi. «Kurt — kuş» dünnesi” kiyadına yazıcılarımızın masalları, annatmaları, söleyişleri girdilär. Toplumu hazırladı hem tiparladı Gagauziya M. Maruneviç adına Bilim – aaraştırma merkezi. Türksoy kurumu da finans tarafını üstünä aldı. «Gagauz halkı Türk dünnäsının bir küçük payı. Biz herzaman hazırız sizä  destek olmaa. Yardım ederiz hepsinä: hem muzıkantlara, yazıcılara, resimcilerä, uşaklara, teatruculara», — söledi Türksoy kurumun temsilcisi Elçin Gafarlı. Türksoy kurumunnan baalantıyı bu kiyat dünneyi görsün deyni yardım etti Moldova parlamentin deputatı İvanna Köksal. «İzmet uşaklara sonsuza kadar. Ko gagauz dili …

Gagauziyanın uşak başçaları kabledeceklär gagauz dilini üürenmäk materiallarını

Фото: dostluk.md Gagauziyanın üüretim bakannıı kabletti gagauz dilindä didaktika materiallarını, angıları yakında daadılacȇklar avtonomiyanın uşak başçaların terbiedicilerinä hem okula hazırlamak grupaların terbiedilennerinä. Materialların tiparlanması için para Gagauziyanın bücetindän verildi. Gagauziyada gagauz hem rumın dillerin birdän üüredilmesi uşak başçalarında başladıldıydı 2015 yılda. Programanın ilk iki ȇtabında üüretmäk materialları verildiydilär 20 uşak başçasının büük grupalarına: üüretmäk kiyadı uşaklara, üüredicilerä hem analara – bobalara deyni; resimni kartoçkalar; gagauzça hem rumınca annatmaklar toplumnarı hem gagauzça hem rumınca türkülär toplumnarı. Programanın üçüncü etabı için АNТЕМ uzmannarı yaptılar okula hazırlamak grupaların terbiedilennerinä didaktika hem metodika kiyatlarını. Hep o vakıt işledildi rumin dilini üüretmesi için kurrikulum küçük…

GRT – nın kiyat fondu eni literaturaylan zenginnendi

GRT cümne kompaniyasının hem Gagauziyanın M. Maruneviç adına Bilim Aaraştırma Merkezin (BAM) aralarında 2021-cı yılda imzalanmış  annaşmaya görä BAM verdi 50-ya yakın kiyat, angıları bitki yılların süresindä hazırlandılar hem tiparlandılar. İki yılın süresindä GRT CK kompaniyasınınnan hem Gagauziyanın M.Maruneviç adına BAM birkaç önemli proekt gerçeklendi. Onnarın taa çoyu dooruduldular gagauz halkının kulturası hem dili ilerlemesinä. Verilän literatura kullanılacek programaların hem türlü rubrikaların hazırlanmasında. «Sizin dä bibliotekanızda lääzım olsunnar o kiyatlar, angıları çıkȇrlar bizim merkezdä. Biz getirdik hepsi kiyatları, angıları bizimnän 5-6 yılın süresindä çıktılar, kimilerindän birär ekzemplär, kimilerindän 2-är, 3-är. Önemli, ani sizdä olsun bir er burada, neredä kiyatlar korunaceklar,…

Gagauz literaturasında eni kiyat – “Lüzgerä karşı”

Kırım ayın (dekabri) 1-dä yazıcıyka Aleksandra KRİSTOVA (Yularcı), Gagauziya Merkez bibliotekasında tarafından hazırlanan prezentațiyada, tanıştırdı okuycularını “Lüzgerä karşı” adlı kiyadınnan, neredä toplu peetlär, annatmaklar hem dramaturgiya denemeleri. Kiyadın prezentațiyasında pay aldılar Gagauziya kultura Upravleniyasının işçileri, yazıcılar, bibliotekacılar. Bu sırada kiyat için hem onun avtoru için pek çok gözäl söz sölendi. Aleksandra KRİSTOVA (Yularcı) duudu 1961-dä Çiçek ayın (aprel) 17-dä Avdarmada. 1978-ci yılda başardı orta şkolayı. 1982-ci yılda bitirdi Kişinev İon Kränga adına Devlet Pedagogika institutunu. 1982 yıldan buyanı yaşêêr Kongazçık küüyündä hem işleeri o küüyün gimnaziyasında. Evli. Üç uşaa var: iki kızı hem bir oolu. Yazêr türlü janralara görä prozaylan…

“Düz Ava” ansamblisi kurucusu Semön Pometko için tiparlandı kiyat

“Ömürünü gagauz muzikasına baaşladı” – eni tipardan çıkmış kiyat adam için, angısı verdi kendi yaşamasını gagauzların muzika kulturasının ilerlemesinä. Semön Pometko kurdu ilk gagauz ansamblisini “Düz Ava”. Büün o aramızda yok, ama onun için kendi kiyadını yazdı onun kakusu Praskovyä Kunçeva. “Ömürünü gagauz muzikasına baaşladı” — bu adı kiyada Praskovya Kunçeva boşuna koymadı, çünkü Semön Pometko bulunardı o insannarın arasında, angısı kendini bütündän verdi gagauz muzikasının ilerlemesinä. Toplayabildi dolayına başkalarını da, inandırabildi onnarı da, ani gagauzların lääzım olsun kendi kulturası muzika uurunda. “O buldu insannarı, angıları çalardılar gagauz halk instrumentlerindä, da yaptı ansambliyı, pogramayı. 1971-ci yılda yazın başladılar da kasım…