Gagauziyanın üürenicileri taradılar «Yaşadılan klassika» devletlär arası yarışmanın Moldova finalında
Başarıldi «Yaşadılan klassika» devletlär arası yarışmanın respublika finalın 2-ci etabi. Onda taradı Kongaz küüyün T. Zanet adına liţeyin üürencisi Olga Buzadjı. Nicä o enseyäbildi bu yarışmada, Olga paylaştı Zinaida Efremovaylan.
Yarışmakta pay almaa deyni, lääzımdı yazmaa 5 minutluk videoyu, angısında okumaa lääzımdı rus literaturanın avtorların proza yaratmalarından kimi parçaları. Jüri notalardı ayırılmış tekstın uygunnunnuu, okumasının estetika hem duygu uurunu, dikţiyayı hem başka.
En ii deklamaţiya tanıldı Kongaz küüyun T.Zanet adına teoretik liţeyin üürenicisindä Olgada Buzadjı,angısı okudu Galina Balabanovanın yaratmasını «Sçastye v poduşke».
“Bän katıldım bu yarışmaya, neçinki halk yaratmaların okuması – o bir büük mutluluk, neçinki çok severim literaturayı. Bän bütün üräämi koyȇrım bu işä hem onunnan da yaşȇrım”, — annattı Olga.
Deyni ii çıkışa etişmää, Olga lääzımdı birkaç sıra videoyu yazsın.
“Hep o prozayı okuyacam finalda da,sade biräz kısaldacam.Onun üürenmesinä hem yazmasına bir afta harcadım.Hergün kendi kendimä onu sölärdim,da böleliklän aklımda tuttum”, — dedi Olga.
Çıkış üsteledi hepsi beklentileri, en ii duygular bu yarışmaktan sade kaldılar, urguladı Olga.
“Açan annadım,ani ilk eri aldım , çok sevindim. Anam hem bobam da hep mutluydular, onnar hodullanȇrlar benimnän hem dua ederlär eni başarlarıma”, — paylaştı tarayıcı.
Yarışmakta pay aldılar 30 üürenicidän zeedä. Tarayıcıların arasında var başka gagauz üüretim kurumnarın üürenicileri dä: İrina Kiroglo, Kazayak küüyun teoretik liţeyin üürenicisi hem Çadır kasabasının Kazmalı adına gimnaziyasının üürenicisi Aleksandr Karabadjak. Yarışmanın bitki payında Molodvayı temsil edeceklär 1-ci hem 2-ci erleri kazanannar.
Источник grt.md
