Gagauziyanın turizm özelikleri için videolara prezentaţiya yapıldı
Kongaz küüyündä avtonomiyanın turizm uurunda ilerlemesinin gelecännän baalı “Gagauziya. Gözellik içindä” («Гагаузия». Красота внутри») proektin prezentaţiyası geçti. Buna görä birkaç video Gagauziyanın kultura tarafından zenginni için gösterildi. Olay Kongaz küyün turizm uurunda etno-merkezindä yapıldı.
Video materiallar Gagauziyanın gözellii hem zenginnii için türlü auditoriyaya hazırlandılar. Onnar gagauzların zengin kulturası için, arhitektura yapıları için, tabiyatın gözelli için hem turizm uurunda kolaylıkları için açıklȇrlar. Videolar biznes adamın İgori Ganänın yardımınnan hazırlanıldılar.
İgor Ganä: «İdeya ozaman geldi, açan kendim tanıştım Gagauziyaylan da annadım, ani bu lääzım. Gördüm, ki avtonomiyanın potenţialını var nasıl bizim becermeklerimizlän ilerletmää. Logikaya görä dooru olaceydı yapalım bişey, ki region ilerlesin. Devlet buna yardım eder. Bän kendim d iilim Gagauziyadan, ama düşünerim, ki diil lääzım erindä durmamaa, ama ileri gitmää».
İş hem alış-veriş bölümündä turizm milli asoţiaţiyasının başı Svetlana Kazak nışannadı Gagauziyanın turizm bölümünü irlerlemesi için önemli adımnarı, angıları yapılȇr avtonomiyada.
Svetlana Kazak: «Biz büün zor vakıtları geçireriz. Ama açan turizm için laf gider, gözellik enseer, bunun maanası o, ki Moldovada hem Gagauziyada turizm yaşayacek».
İnvestiţiyaların verilmesi için regionun ekonomikasına, iş erlerin açılması için avtonomiyanın başkanı İrina Vlah İgori Ganäya Gagauziyanın Şannı yaşayanı adını başladı.
Источник grt.md 11.07.2022