Gagauziyanın genç dzüdocuları sevindirdilär

Gagauziyanın genç dzüdocuları sevindirdilär

Küçük ayın (fevral) 19-20 günnerindä Kişinev kasabasında oldu Moldova Respublikasının dzüdo çempionatı, neredä Gagauziyanın genç dzüdocuları bir altın hem bir da bronza medali kazandılar.

Moldovanın dzüdo çempionatında Gagauziyadan üç kişi pay aldı – Vasiliy KİRÄKOV (73 kg kadar kategoriyada), Aleksandr NEDU (73 kg kadar kategoriyada) hem Darya VLAH (63 kg kadar kategoriyada). Hepsi onnar Komrat sport şkolasının üürencileri.

Altın medaliyi, beş güreştän beşini tarayıp, çempionatta kazandı Vasiliy KİRÄKOV, angısı finalda ensedi Moldovanın en kaavi sayılan dzüdocusunu Andrey VESTEyi.

Bronza medaliyi sa aldı Darya VLAH, ani dört güreştän üçündä ensedi, ama finala çıkamadı.

Aleksandr NEDUda da vardı şans medali kazanmaa, ama, üçüncü er için güreşärkenä, bir travma kabletti da onun beterinä beşinci eri aldı.

PATRETTÄ: Vasiliy KİRÄKOV hem Darya VLAH trenerlarınnan Pötr KURUylan.




Источник anasozu.com
363

İlgili statyalar

Gagauziyanın genç dzüdocuları sevindirdilär

Küçük ayın (fevral) 19-20 günnerindä Kişinev kasabasında oldu Moldova Respublikasının dzüdo çempionatı, neredä Gagauziyanın genç dzüdocuları bir altın hem bir da bronza medali kazandılar. Moldovanın dzüdo çempionatında Gagauziyadan üç kişi pay aldı – Vasiliy KİRÄKOV (73 kg kadar kategoriyada), Aleksandr NEDU (73 kg kadar kategoriyada) hem Darya VLAH (63 kg kadar kategoriyada). Hepsi onnar Komrat sport şkolasının üürencileri. Altın medaliyi, beş güreştän beşini tarayıp, çempionatta kazandı Vasiliy KİRÄKOV, angısı finalda ensedi Moldovanın en kaavi sayılan dzüdocusunu Andrey VESTEyi. Bronza medaliyi sa aldı Darya VLAH, ani dört güreştän üçündä ensedi, ama finala çıkamadı. Aleksandr NEDUda da vardı şans medali kazanmaa, ama,…

Güreş mi sana, güreş: samboda bir gümüş hem bir bronza medali bizimkilerdä!

Canavar ayın (oktäbri) 6-10 günnerindä Kırgızistan respublikasının baş kasabasında Bişkekta geçti gençlär arasında sambo güreşindä dünnää çempionatı. Bu çempionatta pay aldılar 28 devlettän 400 sambocudan zeedä gençlär. Gençlär arasında sambo güreşindä bu dünnää çempionatında pay aldı Moldova Respublikasının 9 kişidän oluşan sambo komandası da, angısında vardılar Gagauziyadan sambocular – Aleksandr NEDU, Valentin ÇELENGİR hem Darya VLAH. Çempionatın 59 kg aarlık kategoriyasında güreşän Darya VLAH aldı bu çempionatın gümüş medalisini, taradap finalda Rusiyanın sambistkasına. Final yılunda bizim sambistkamız biri-biri ardı ensedi İordaniyadan, Kırgızistanda hem İzraildän güreşçiykaları. İkinci sambocumuz sa, Aleksandr NEDU, 79 kg aarlık kategoriyasında, çempionatının bronzasını kazandı. O medali için…

Darya VLAHta – bronza

2023-cü yılın Çiçek ayın 18-23 günnerindä İzrail devletin Hayfa kasabasında geçti sambo güreşindä Evropa çempionatı, neredä gençlerin arasında 59 kg aarlık kategoriyasında, 8:0 enseyip izrailli sambocuykasını, bronza medalisini kazandı Gagauziyadan sambistka Darya VLAH. Darya VLAH Komrat kasabasının Uşaklarlan gençlär sport şkolasından (UGSŞ). Onun trenerı – dünnääda anılmış gagauz sambo güreşçisi Pötr KURU. 2022-ci yılda Serbiyada olan sambo güreşindä Evropa çempionatın da Darya VLAH hep bronza medaliyi kazandıydı. Источник anasozu.com

Boksta Dünnää Kuboonda Gagauziyadan boksçu Grigoriy KİRÄKOV bronzayı aldı

Baba Marta ayın 14-20 günnerindä Kara Daa devletin Budva kasabasında geçti gençlerin (17-18 yaş) arasında boksta Dünnää Kuboo, neredä pay aldılar 23 devlettän 300 boksçudan zeedä kişi. Katılan devletlerin arasında vardı Moldova komandası da, angısına girdilär Gagauziyadan boksçular Ruslan KASAP hem Grigoriy KİRÄKOV. 92+ kg aarlık kategoriyasında boks edän Grigoriy KİRÄKOV bu Dünnä Kuboonda bronza medaliyi aldı. Budva kasabasındakı Dünnää Kuboonda Moldovadan taa bir boksçu İon PLINGA (Kişinev) 48 kg aarlık kategoriyasında gümüş medaliyi kazandı. Eridir urgulamaa, ani Ruslan KASAP hem Grigoriy KİRÄKOV üürenerlär Komrat Regional sport internat lițeyindä hem onnarın trenerı Şerali TURGUNOV. Источник anasozu.com

Gagauziyadan genç sambo güreşçileri Moldova çempionnarı oldular

Kirez ayın 30-dan  orak ayın 2-dän  Kauşanı kasabasında  geçti  Moldova uniorların hem gençlerin aralarında sambo çempionatı.  Gagauziyayı tanıttılar  sportçular Komrattan, Çeşmäküüdän hem Kazayaktan. Sambocular getirdilär regionun kumbarasına beş altın ödül. Devletin uniorların hem gençlerin aralarında sambo çempionatında  Pötr Kurunun  terbiedilenneri  kazandılar üç  altın ödül. Devletin  çempionnarı oldular  Komrat  komandanın liderları, angıları diil bir yıl  kazanȇrlar bu titulu.  İki altın kazandı Darya Vlah , angısı  geçirdi  hepsi güreşleri üüsek uurda brakmayıp konkurentlara şansları taramaa. Aleksandr Nedu  hep ölä oldu devletin çempionu.  Geçirip  kızgın  güreşleri, braktı geerdä kendi konkurentlarını da türlü   çalımnarı yapıp  kalktı pyedistalın üüsek basamaana.  Trenerın Pötr Kurunun laflarına görä…