Gagauziyanın en ii başarannarı hem üüredicileri ödüllendilär

Bakalavra ȇkzamennerin çıkışlarına görä, Gagauziyanın en ii başarannarını belli ettilär. Yortulu oluş Коmratta geçti. Ödülleri kablettilär 50 kızdan hem çocuktan zeedä. BАК — 2022  sesiyasının çıkışlarına görä 9 hem 10 notasına hepsi ȇkzamenneri dört başaran verdi. Onar da «Altın» medaliyi üürenmäk için kablettilär, gümüşü — 49 başaran. Ödülleri tamannadı premiyalar: 30.000 ley altın için hem 15.000 gümüş için. Ödüllendi 16 üüredici dä.

Kendi geleceeni başarannarın çoyu artık seçtilär. Kimileri mediţinayı, kimileri tehnik universitetini, KDU hem Rusiyanın universitetlerini. Yana Mitioglo Valkaneşin A.Doljnenko adına liţeyindän bu yılın başaranı, söledi, ani mediţina institidina girdi üürenmää.

YANA MİTİOGLO,  Valkaneş A.Doljnenko adına liţeyin başaranı: «Ȇkzamennerä üürenmenin sırasında lääzım hazırlanmaa, cuvaplı hem esaplı hem korkmamaa, ani nesä unudacan».

Kongaz Suleyman Demirel adınaMoldo-türk liţeyin başaranı Stepan Yularji Moldovanın tehnika universitetinä girdi üürenmää.

STEPAN YULARJİ, Kongaz S. Demirel adına Moldo-türk liţeyin başaranı: «Bakalavra ȇkzamennerini başarlı verdim, sınışlar zordular. Bu yıl programalar diiştilär, ama yapabildik onnarı. Bizim liţeyin başarannarı islää verdilär».

Üürenmenin başarlı çıkışları-hergünkü hem yılların büük zaameti, söledi Gagauziyanın Genel üüretim bakannıın başı Natalya Kristeva. Te bunun için avtonomiyanın kuvetleri kararladılar gagauz liţeyistlerini-başarannarını.

NATALYA KRISTEVA, Gagauziyanın Üüretim bakanı: «Gözäl bir yortu avtonomiyamızda. O baaşlanılȇr onnara, kim gururlu liţeyi başardı, kim islää ȇkzamenneri verdi da kendi üüretmäk okulun hodulluu oldu. İsteerim bu gün çok vakıt aklınızda taa kalsın».

Gagauziyanın Başkanı İrina Vlah başarannarı üüsek notalarlan kutladı hem çizgiledi, ani avtonomiyanın zoru var doktorlarda, üüredicilerdä hem injinerlarda.

İRİNA VLAH, Gagauziyanın Başkanı: «Hodulluu canımda bu gün duyȇrım hem mayıl olȇrım sizä, çünkü büün biz en başarlı başarannarı kutlȇȇrız. Siz çalışkansınız, talantlıysınız hem neetliysiniz. Siz – üürenmäk güreşindä bizim çempionnarsınız».

Ödüllendi 16 üüredici da, kimin terbiedilenneri üüsek başarları gösterdilär.

En ii başarannarı kutlamak artık adetli yortu oldu. Bu yılın bakalavra ȇkzamennarın çıkışlarına görä 489 başaranından – 453 kandidat verdi. Bütün Moldovada 35 kandidat ȇkzamen sesiyasını verämedi.




Источник grt.md
242

İlgili statyalar

Gagauziyada bakalavr ekzamenerini verdilär bitirennerin 90% zedä

Gagauziyada bakalavr ekzamennerini verä bildi 90 zeedä 12 klasların başarannarı. Bunu avtonomiyanın üüretim bakanı Natalya Kristeva haberledi, intervyu vereräk bizim kanala. Bu takım çıkışları başarannar kazandılar kullanıp iki  ekzamen sesiyasını. Çıkışta yakın 93 proţent üürenici olabildi bakalavr statusunu kabletsin. NATALYA KRİSTEVA, Gagauziyanın üüretim bakanı: «Pazertesi günü bitki diplomnar başarannara verildi. Bütünnä 489 kişi 2022 yılda ekzamen verdi. Bundan kaarä 15 uşak bıldırkı yıllardan borçları vardı. Ama çıkış bit taa sık bu yılın başarannarına görä yapȇrız. 489 üürenicidän 453 kişi bakalavr statusunu yaptı». Bölä çıkışlara üürenicilär diil birdän etişmää becerdilär. İlk turun çıkışları pek sevindirmedilär. Yakın 100 başaran verämedi ekzamenneri. NATALYA…

Moldovanın başbakanı Kongazda: “Devletimizin gelecää var – gözäl evropalı gelecää”

Kongaz küüyün S. Demirel adına  moldo-türk liţeyindä 160 uşak  dört  dilä  görä üürenerlär. Liţeydä 26 üüredici  Moldovadan hem  Türkiyadan  çalışȇrlar. Bu  üüretim kurumuna  devletin premyer — ministrusu  Natalya  Gavriliţa geldi. O annattı  üüretim uurunda  geçirilän reformalar için çizgileyeräk, ani  üürenmäk proţesi zamandaş  iş  koşullarına  görä lääzım geçirilsin. Kongaz küüyün  S. Demirel adına  moldo-türk liţeyindä rumın, ingliz, rus hem türk  — dört  dilä görä  üürenerlär. 10  klastan çekedereräk kimi derslär sade yabancı  dildä  götürülerlär. Başbakan Natalya Gavriliţa buluştu  ürenicilärlän,üüredicilärlän hem  liţeyin  öndercisinnän. «Bizim devletimizin geleceyi  var. İi, açan  devlettä  çok türlü  kultura, çok türlü  dil var. Var nicä  ayırı  dillerdä  lafedelim,…

Gagauziyanın hepsi üüretim kurumnarın bitirennerin balosu geçti Komradın meydanında

Biyaz balonnar hem Biyaz avşam. Bu yıl liţeyleri başarannarın avşamına toplandılar Gagauziyanın üürenmäk kurumnarının 500 — zä yakın başaranı. 2022-cı yılın başarannarın arasında bulundular Gagauziyanın 19 liţeyin, 2 kolecin, 3 profesional uçilişçesinin hem KDU üürenicileri. Gözäl, akıllı hem gelecektä eni işleri gerçeklemeyä hazır üürenicilär, yortunun baş kahramannarı oldular.  “Bän pek bekledim bu günü. Bän bileerim nereyi bän gidecäm, isteerim olmaa profesor hem sanȇȇrım, ani Allah bana yardım edecek”. “Bän pek mutluyum büünkü gündä hem biraz darsıma içindä var ani bitirerim 12-ci klası hem geldim bir yolun da düşünerim, ani ileeri dooru hepsi islää olacek”. “Bän hiç pişman olmȇȇrım, ani bän…

Video: GAGAUZİYANIN EN  İİ ÜÜREDİCİLERİ ÖDÜL KABLETTİLÄR

Gagauziyanın  üürenmäk kurumnarın 80 üüredicilerini hem da terbiedennerini baaşışladılar diplomnarlan. Toplantı baalıydı  üüredicilerin  yortusunnan. Baaşlamak ţeremoniyas geçti Kirsova küüyündä. Bu yıl Gagauziyanın  üürenmäk kurumnarın 80 üüredicilerini hem da terbiedennerini baaşışladılar diplomnarlan türlü nominaţiyalara görä, angılarını notaadılar onnarın kollegaları, üürenicilär hem da uşakların ana – bobaları. Gagauziyanın   baş üüretim  bakannın öndercisi  Natalya Kristeva  nişannadı, ani kararlandılar kriteriyalar, angıaları  lläzımdılar  uysunnar üüredicilerä.  Bölä proţes, ayırmaa deyni en ii üüredicileri  sayılȇr enilik gibi  bu yıl. NATALYA  KRİSTEVA, Gagauziyanın   Baş üüretmäk  bakannıın başı: “Bu  takım ayırıldı Gagauziyanın  üürenmäk kurumnarın 80 üüredicilerini hem da terbiedennerini  türlü nominaţiyalara  görä, deecez —  en ii rus dilindä üüredici, en…

Gagauziyanın 8 okulu üürenicilär için notebook-ları kablettilär

Avtonomiyanın 8 üüretim kurumu 20 notebook kablettilär proektin çerçevesindä, angısını giriştirer Moldovada YMCA kurumu (Young Men’s Christian Association) barabar halklararası kompyüter yapan kompaniyasınnan. Moldovada YMCA kurumu (Genç insannar hristian asoţiaţiyası) barabar halklararası kompyüterlerı yapan  kurumunnan eni  proektä görä çalışmaa başladılar. Ona görä 5 bindän zeedä eni zamandaş kompyüterları Moldovanın  üüretim kurumnarına vereceklär. «Mutluyuz, ani  yakıştı  eni tehnikayı Gagauziyanın 8 üüretim kurumuna pay etmää. 160 notebook-tan zeedä  üüredicilär  kabledeceklär. Onnarın bütün paası  5 million leydän zeedä kurȇr», — açıkladı Dmitriy Roybu, Moldovada YMCA kurumun prezidenti. Gagauziyanın 8 üüretim kurumu 20 notebook  kablettilär informatika kabinetlerinä. » Bu  kompyüterlar  bizim uşaklar için. Onnar…