Gagauziyanın Başkankası TÜRKSOYa hayırlı olsun vizitında bulundu

Gagauziyanın Başkankası TÜRKSOYa hayırlı olsun vizitında bulundu

Eni seçilän TÜRKSOY Genel sekretarini Sultan RAEVı kutlamak için, Gagauziya Başkankası İrina VLAH TÜRKSOYa bir hayırlı olsun vizitında bulundu. Kendisini hem onunnan bilä burayı gelän  Moldovanın Türkiyedä Büükelçisini Dimitriy KROYTORu TÜRKSOY Genel sekretari Sultan RAEV çalışma odasında kabledip, onnarlan buluştu, bildirer turksoy.org saytı.

Buluşmada, Gagauziya Başkankası İrina VLAH eni seçilän Sultan RAEVı kutlayarak, urguladı, ani Gagauziya hem TÜRKSOY arasında büük ilişkilär var hem Gagauz kulturasınınnan incäzanaatının ilerlemesindä hem tanıtılmasında pek islää çalışmalar yapıldı. Başkanka, ayırıca, aktarması için TÜRKSOYun gagauzçayı yaşatmak için hem gagauz dilinnän kulturasını gelecek evlatboylarına katkılarına şükür etti.

Kendi tarafından TÜRKSOY Genel sekretari Sultan RAEV urguladı, ani onun zaamet borcu Türk halkların kulturasının hem incäzanaatının korunması hem yaşatılarak gelecek boylara aktarılmasıdır. Belliki, bu çerçevedä Gagauziya hem Gagauziyaylan işbirlii da var.

Sultan RAEV söledi, ani ileri dooru da bu işbirlii arttılacek, TÜRKSOYun etkinniklerinä kultura insannarı da çaarılacek hem, 2023-cü yılda TÜRKSOYun kuruluşunun 30-cu yıldönümündä yapılacek kultura sıraların birisini dä Gagauziyada yapmaa plana koyuldu.

Gagauziyanın Başkankası TÜRKSOYa hayırlı olsun vizitında bulundu

Gagauziyanın Başkankası TÜRKSOYa hayırlı olsun vizitında bulundu




Источник anasozu.com
286

İlgili statyalar

TÜRKSOY Genel sekretari Sultan RAEV işleri üstünä aldı

Baba Marta ayın 31-dä, Türk dünnäsı kultura başkasabasında Bursada olan TÜRKSOY Dayma Konseyin sıradan dışarı toplantısında Kırgızstan Respublikasının kıymetli kultura zaametçisi Sultan RAEV TÜRKSOY Genel sekretari seçildi, Çiçek ayın (aprel) 12-dä dä kendisi TÜRKSOY Genel sekretari işleri üstünä aldı. TÜRKSOYun artık eski Genel sekretarindän Büükelçi Düsen KASEİNOVdan TÜRKSOYun eni seçilän Genel sekretarinä Sultan RAEV işleri aktarma sırasında pay aldılar Türkiye Respublikasının dışişleri Bakanı Mevlüt ÇAVUŞOĞLU, Türkiye Respublikasının kultura hem turizma ministrusu Mehmet Nuri ERSOY, Türkiye Respublikasının kultura hem turizma ministrusunun yardımcısı Serdar ÇAM, Türk Devletleri Teşkilatı (TDT) Genel sekreteri Bagdad AMREYEV, Türkiyedä Moldova hem Türk Respublikaların Büükeçileri hem taa çok…

TÜRKSOYun Genel sekretari Sultan RAEV seçildi

2022-ci yılın Baba Marta ayın 31-dä, Türk dünnäsı kultura başkasabasında Bursada oldu TÜRKSOY Dayma Konseyin sıradan dışarı toplantısı, neredä alınan kararlan Sultan RAEV (Kırgızstan) TÜRKSOY Genel sekretari seçildi. TÜRKSOY Dayma Konseyin dönem Koordinatoru, Türkiye Respublikasının kultura hem turizma ministrusu Mehmet Nuri ERSOYun başkannıındakı toplantıya Azerbaycan Respublikasının kultura ministrusu Anar KARİMOV, Kazahstan Respublikasının kultura hem sport ministru yardımcısı Nurkissa DAUYESHOV, Kırgızstan Respublikasının kultura, bilgi, sport hem gençlik politikaları ministrusu Azamat CAMANKULOV, Özbekistan Respublikasının kultura ministru yardımcısı Murodjon MADJİDOV, Türkmenistan Respublikasının kultura ministrusu Atageldi ŞAMURADOV, Gagauziya (Gagavuz Yeri) (Moldova) kultura hem turizma Upravleniyasının baş Marina SEMÖNOVA, KKTC (Poyraz Kipra Türk Respublikası) premyer…

TÜRKSOY Dayma Konseyin 40-cı dönem toplantısı

2023 yılın Canavar ayın (oktäbri) 13-14 günnerindä 2023 yılın Türk dünnäsı kultura başkasabası olan Azerbaycanın Şuşa kasabasında geçti TÜRKSOY Dayma Konseyin 40-cı dönem toplantısı, neredä çok alınan kararların arsından biri oldu 2024 yılın Türk dünnäsı kultura başkasabası Anev kasabası oldu. TÜRKSOY Dayma Konseyin dönem 40-cı dönem toplantısında pay aldılar Azerbaycan, Kazahstan, Özbekistan, Türkiye, Kırgızstan, Türkmenistan Respeblikaların kultura ministerliklerin, KKTC (Poyraz Kipra Türk Respublikası)  turizma, kultura, gençlik hem çevrä ministrusu temsilcileri, Gagauziya (Gagavuz Yeri) (Moldova) kultura hem turizma Upravleniyasının baş Marina SEMÖNOVA. TÜRKSOY Genel sekretari Sultan RAEV kendi nasaatında urguladı, ani TÜRKSOY Dayma Konseyin 40-cı dönem toplantısı pek önemni vakıtta geçer:…

Gagauziya da “II-ci Bursa halklararası duhovoy ansamblilerin Festivali”nä katıldı

2022 yılın Türk dünnäsı kultura başkasabasında Bursada, bu kasabanın baş primariyası saabiliindä hem TÜRKSOYun (Halklararası türk kulturası kuruluşu) katkısınnan, Harman ayın (avgust) 30-zu – Ceviz ayın (sentäbri) 1-ri günnerindä geçti “II-ci Bursa halklararası duhovoy ansamblilerin Festivali”, nereyi Azerbaycan, Gagauziya (Gagauz Yeri), Kazakistan, Moldova gibi memleketlerdän hem Türkiyenin çeşitli kasabalarından orkestralar katıldı. Festivalin programası Harman ayın (avgust) 30-da Bursa Atatürk pamätniindän orkestraların kasaba içindä kortej örüyüşünnän başladı. Avşam saatlarında da Bursanın Hüdavendigar Kent Parkında düzennenän konțert programasınnan ilerledi. Konțertta sțenaya alınan Haydar Aliyev asker institutun orkestrası, Kazakistan Prezidentın asker orkestrası, Moldova Zaim orkestrası, Yuriy TARANENKO önderciliindä Gagauziya (Gagavuz Yeri) Başkannık orkestrası…

TÜRKSOYun eni Genel sekretar yardımcısı Sayit YUSUF oldu

2023-cü yılın Kirez ayın 12-dä, Türkiye Respublikasının Kultura hem turizma ministrusunun Mehmet Nuri ERSOYun kayıllıınnan, TÜRKSOYun (Halklararası türk kulturası kuruluşu) eni Genel sekretar yardımcısı Dr. Sayit YUSUF oldu. Sayit YUSUF duudu 1965 ylın Büük ayın (yanvar) 1-dä Trabzon kasabasında. 1988-ci yılda Ankara Universitetın soțial bilgilär fakultetın halklararası ilişkilär bölümünü başardı. 1989-cu yıldan beeri türlü devlet kuruluşlarında işledi. 1994-cü yıldan sa Türkiye pravitelstvonun organnarında işledi. 06.12.2016-dan 10.06. 2023 gününädän Türkiyenin Yurtdışı Türklär hem Akraba Topluluklar Başkannıın (YTB) Başkan yardımcısı oldu. 2023-cü yılın Kirez ayın 12-dän beeri TÜRKSOY (Halklararası türk kulturası kuruluşu) Genel sekretar yardımcısı Sayit YUSUF oldu. Источник anasozu.com