Gagauziyada kabledildi „İnformaţiya – tehnologiyalar parkı için” kanon
GHT deputatları kablettilär bitki okumakra informaţiya – tehnologiya parkı için kanonu. Onda nışannanȇr, nicä lääzım işlesinnär IT kurumnarı avtonomiyada.
Moldova Devletindä 2016-cı yılda kuruldu kanon temeli ki işlesinnär informaţiya-tehnologiyarlar parkları. Gagauziya bu örnää hep esaba aldı. İnformaţiya – tehnologiyalar parkı için kanonu lääzım olacek Gagauziya Bakannık komiteti giriştirsin.
GHT deputatı Aleksandr Dülger nışannadı, ani proekt kanonu verecek kolaylık açmaa avtonomiyada eni iş erlerini hem ii kazanç paralarını uzmannara vermää. Hem IT tehnologiyalar ilerleyeceklär.
GHT deputatı Viktor Petrov çizgiledi, ani kanon proektını lääzım kabletmää, bölä genç insannar taa ilin kendilerinä iş erlerini bulaceklar. “Onnar avtonomiyamızın gelecää”, — nışannadı Petrov.
Kanonda var birkaç punkt, angılarında söleniler, ani parkın administratoru koyulacek GHT izindän sora.
Bücet harçları kanon işlettirilmesinä lääzım olmayacek. Finansları IT parkın düzülmesinä investorlardan bulunacek.
Источник grt.md 07.06.2022