Gagauziyada “Georgievskaya” denilän şirit kuvettä kalêr: ama amasının aması var…

09.05.2022. Bu gecä Gagauziya Halk Topluşu sıradan dışarı toplanıp, akbletti Karar «О символах праздника Дня Победы» (“Enseyiş Günü yortusunun simvolları için”). Bu kara alındı o beterä, ani Pazar günü, Komrat Apeläțiya Palatası, zapa aldı Çiçek ayın (aprel) 29-da Gagauziya Halk Topluşu tarafından kabledilän «О символах Победы на территории Гагаузии» (“Gagauziya topraklarında Enseyiş simvolları için”) Zakonunu. O Zakona görä “Gagauiyanın topraklarında izin veriler yapmaa hem korumaa “Georgievskaya” denilän şiridi, Enseyişin kırmızı bayraklarını hem Büük Vatan cenginnän ilgili başka simvolları”. Halk Topluşun aldıı «О символах праздника Дня Победы» (“Enseyiş Günü yortusunun sçmvolları için”) Kararı sade bir gün geçerli olacek hem “Georgievskaya” denilän…

Çiçek ayın (aprel) 14-dä Moldova Parlamentın PAS partiyasının deputatları 53 oylan Moldovada heptän zapa altına aldılar “Georgievskaya” denilän şiridi hem da “Z”ylan “V” simvollarını. “Georgievskaya” denilän şiridi, “Z” hem “V” simvollarını zapa almaa Zakonu hazırladı hem Parlamenta verdi PASın deputatı Lilian KARP, angısının taa ilerdeki şurikliinnän hem uydurma sebeplerä görä işindän alındı hem arest altına atıldı Moldovanın gagauz olan Baş Prokuroru Aleksandr STOYANOGLU. Şindi dä sıra geldi insannarı birleştirän “Georgievskaya” denilän şiridä dä. PASın deputatlarının el kaldırmasınnan kabledilän Zakona görä, “Moldovada “Georgievskaya” denilän şiridin hem “Z”ylan “V” simvolların hem da başka ekstremist simvolikauı kullanmak için” sıradan vatandaşlara 4500-9000 ley arası…

Moldovanın “PAS” partiyasının deputatları hazırladılar hem parlamenta çıkardılar Zakon proektını, angısına görä Moldovada zapa altına alınêrlar “Georgievskaya” denilän şirit, “Z” hem “V” simvolları. Zakon proektında yazılı, ani bu simvollar cenk agresiyasının, cenk prestupleniyalarının hem insannaa karşı prestupleniyalarının atributları hem simvollarıdır, hem da bu işlerin propagandasıdır. Bu Zakon proektı için Çiçek ayın (aprel) 7-dä PASın deputatları birinci hem ikinci okumakta ellerini kaldırdılar. Şindi proektı üçüncü okumakta lääzım kabletsinnär. Bu zakona karşı kalktılar Moldova parlamentında Soțialistlär partiyası hem “Şor” partiyasının deputatları. Ayrıca Gagauziya Halk Topluşun deputatları da danıştılar Moldova parlamentına tekliflän “…Alınan kardan çıkarılsın “Georgievskaya” denilän şirit için zapa. Biz, Gagauziya Halk…

Gagauziya Başkankası İrina VLAH imzaladı «О символах Победы на территории Гагаузии» (“Gagauziya topraklarında Enseyiş simvolları için”) Zakonunu, bildirer gagauzia.md. Çiçek ayın (aprel) 29-da Gagauziya Halk Topluşu tarafından kabledilän «О символах Победы на территории Гагаузии» (“Gagauziya topraklarında Enseyiş simvolları için”) Zakonuna görä “Gagauiyanın topraklarında izin verileri yapmaa hem korumaa “Georgievskaya” denilän şiridi, Enseyişin kırmızı bayraklarını hem Büük Vatan cenginnän ilgili başka simvolları”. Hep ölä, Zakon verer kolaylık cenktä pay alannarın anmasını temelleştirmäk için hem eni gelän boyları vatan sevmektä terbietmäk uurunda Gagauziya topraklrında kimi sıraları yapmaa. Not. «О символах Победы на территории Гагаузии» (“Gagauziya topraklarında Enseyiş simvolları için”) Zakonun kabledilmesindän sora, Moldova…

Çiçek ayın (aprel) 16-da, Komrat munițipiyi sovetniin Vadim ANASTASOVun hem Moldova Soțialistlär partiyasının zaametinnän, Komratta “Georgievskaya” denilän şiridin korunması için politika avtoprobegı yapıldı, angısında pay aldı yaklaşık üz maşina hem ikiüz kişi. Toplanıp Komradın sovetlerin T-34 tankın pamätniin yanında, avtoprobegta pay alannar Moldovanın, Gagauziyanın, Rusiyanın hem “Georgievskaya” denilän bayraklarlan yollandılar ilktän Gagauziyanın sınırında nışana, neredän sora gittilär Komrat asker Şanı Memorialına. Memorialda yapılan kısa mitingta avtoprobeg akțiyasına katılannar açıkladılar, ani bu akțiyaylan onnar danışêrlar Moldova Prezidentına Maya SANDUya imzalamasın Parlamentın tarafından kabledilän “Georgievskaya” denilän şiridini zapa koyulması Zakonu, çünkü o Zakon ters gider Moldova vatandışların duygularına hem cümnedä yarılmak yaradêr.…