Gagauziyada bakalavr ekzamenerini verdilär bitirennerin 90% zedä

Gagauziyada bakalavr ekzamennerini verä bildi 90 zeedä 12 klasların başarannarı. Bunu avtonomiyanın üüretim bakanı Natalya Kristeva haberledi, intervyu vereräk bizim kanala.

Bu takım çıkışları başarannar kazandılar kullanıp iki  ekzamen sesiyasını. Çıkışta yakın 93 proţent üürenici olabildi bakalavr statusunu kabletsin.

NATALYA KRİSTEVA, Gagauziyanın üüretim bakanı: «Pazertesi günü bitki diplomnar başarannara verildi. Bütünnä 489 kişi 2022 yılda ekzamen verdi. Bundan kaarä 15 uşak bıldırkı yıllardan borçları vardı. Ama çıkış bit taa sık bu yılın başarannarına görä yapȇrız. 489 üürenicidän 453 kişi bakalavr statusunu yaptı».

Bölä çıkışlara üürenicilär diil birdän etişmää becerdilär. İlk turun çıkışları pek sevindirmedilär. Yakın 100 başaran verämedi ekzamenneri.

NATALYA KRİSTEVA, Gagauziyanın üüretim bakanı: «Güceneriz, ani bu yıl 35 uşak verämedilär hepsi ekzamenneri. Var prost notalar 1-2 predmettä. Bundan kaarä var bir başaran, angısını heptän kooladılar ekzamendän zerä o saklı informaţiyayi da kullandı ekzamenneri verärkän. O üüreniciyi dil sade kooladılar, ama taa ileri verilmiş ekzamennerin notalarını da saymadılar».

Üürenicilär, kim ilk kerettän verämedi ekzamenneri, ikinci sıra denedilär bunu yapmaa. Çoyuna bu denemäk başarlı çıktı. Bundan kaarä kimisi apeläţiaya notalarını verdilär. Bundan sora çoyun notaları da diyşti.

NATALYA KRİSTEVA, Gagauziyanın üüretim bakanı: «İlk sesiyadan sora 99 başaran ekzamenneri verämedi. Apeläţiyadan hem ikinci sesiyadan sora bizdä kaldı 35 kişi borçlan. 50 — dän zeedä uşak kullandı ikinci denemeyi, o üç hazırlamak aftadan sora oldu, da  hepsi bu ii çıkışlara getirdi».

Te o liţeycilär, angıları ikinci turda da verämedilär kimi ekzamenneri, var nasıl taa iki yılın süresindä bunu yapsınar. Ama önemli vakıtçasına listeya yazılmaa. Bunu lääzım küçük ayın 15-nädän yapmaa. Er kaçırmaa bu vakıdı, ozaman bu başaran kaybedecek kolaylıı bakalavr ekzamennerin sesiyasında pay almaa, urguladı üüretim bakanı Natalya Kristeva.




Источник grt.md
276

İlgili statyalar

Gagauziyada istämeerlär uşaklar onlayn üürensinnär

Gagauziyada istämeerlär uşaklar gaz olmarsa kış vakıdında onlayn üürensinnär. Teklif ediler ki üürenmäk kurumnarı 6 gün aftada işlesinnär. Kanikulları da uzaldaceklar. Onlayn üürenmäk, angısını teklif eder Moldova hükümeti ki gazı ta az kış zamanında harcamaa, diil ii çıkış bu zor durumdan. Bunu haberledi avtonomiyanın bakannık komitetin oturuşunda Üürenmäk bakanı Natalya Kristeva. Onlayn üürenmäk pandemiya zamanında gösterdi, ani  uşaklar taa prost başladılar üürenmää.  NATALYA KRİSTEVA, Gagauziya Üürenmäk bakanı: “Bunu görerlär hem üüredicilär, hem üürenicilär. Erlim 2021 yılda  bakalavra ekzameni 20 kişi vermedi, 2022 yılda şindän sora 36 uşak bu ekzamenneri vermesi. Kimi uşaklar hiç da gelmedilär bakalavra merkezlerinä, çünkü annardılar, ani…

Gagauziyada ilk klaslara uşakları kablederlär

Gagauziyada uşakları ilk klaslara kablederlär. Angı kurallara görä bu proţes geçiriler, annattı avtonomiyanın üüretim bakanı Natalya Kristeva. Her yıl üüretim planına görä ilk klaslara uşakların kabledilmesi iki etapta geçiriler. İlk etap, Natalya Kristevanın laflarına görä, Kirez ayın 14-dä başarlandı. Bakarak buna şindän sora var nasıl esaplamaa kaç ilk klas Gagauziyada ceviz ayın birindä açılacek. NATALYA KRİSTEVA, Gagauziyanın üüretim bakanı: «İlk etapın çıkışlarına görä bizdä 68 klas kuruldu. Bu yakın 1400 ilk klaslarda üürenici, ama bu sayı taa üselecek neçin ki anaların-bobaların çoyu üüretim kurumnarına üüretmäk yılına kaarşı gelerlär. Bu üzerä Harman ayın ortasında uşakların sayısı taa çok olacek». Bakmayarak buna,…

Bakalavr-2022 hepsi kurallara görä geçecek

Bakalavr-2022 geçecek hepsi kurallara görä, angıları geçän yıl vardı. Pandemiya da bu işi zeedä dolaştırmayacek. Ekzamennär geçeceklär eni programalara görä, esaba alarak eni plannarı, angılarını 2019 yılda kararladılar. Bu yıl Bakalavr ekzamennerini geçireceklär, bakmayadan pandemiya durumuna, angısı koronaviruslan baalı. Bunu için haberledi Gagauziya üüretim bakanı Natalya Kristeva GRT FM yayınında. O nışannadı, ani ekzamennarı kolaylatmayaceklar, nicä geçän yılda. “Biz ölä sınaştık türlü kataklizmalara, ani hepsi olaylara hazırız. Ama bügün laf gitmeer, ani ekzamennär var nicä nesoysa sebeplerä görä geçmesinär”, — söledi üüretim bakanı. Gelän vakıtta liţey üürenicileri ilk testları yazaceklar, ki bakalavr eksamennara kadar kendi bilgi uurunu denemää. “Ekzamennar hep…

Hazır mı üürenmäk yılına Gagauziyanın okulları – açıkldı üüretim bakanı

Gagauziyanın okulları eni yıla hazırlanȇrlar. Nesoy işlär bununnan baalı kurumnarda geçiriler, avtonomiyanın üüretim bakanı Nataliya Kristeva «Dialog v studii» programasında GRT kanalında açıkladı. Gagauziya  üüretim bakannıın  uzmannarı herbir üürenmäk kurumuna giderlär dä kontrol ederlär, nesoy onnar eni üürenmäk yılına hazır, haberledi üüretim bakanı Natalya Kristeva. NATALYA KRİSTEVA Gagauziya üüretim bakanı: «Mai hepsi üürenmäk kurumnarı hazır uşakları kabletsinnär. Elbetki, ani kapital düzmäk işlerini onnarda yapmaa deyni büük kolaylıklarımız yoktu. Hererdä sade gözelletmäk işleri geçirildi. Tertiplendi odalar, boyandı hem kireçlendi». Ki geçirmää üürenmäk kurumnarında kapital düzmäk işlerini  lääzım regional hem Moldovanın merkez kuvetleri birleşsinär, maasuz programaları kabletsinnär hem giriştirsinnär, sayȇr üüretim bakanı.…

Üürenmäk kurumnarında üüredicilär etişmeer. Çıkış var mı?

Devletin okullarında hem uşak başçalarında 2 bindän zeedä üüredicilerin hem terbiediedicilerin serbest vakansiyaları var. Bunu üüretim ministerlii haberleer. Bu sayı 200 kişiyä taa çok, nekadar bıldır, açan yakın 1900 üüredici etişmärdi. En çok vakansiya Kişinov kasabasında. Gagauziyada da 146 üüredici lääzım. Eni üürenmäk yılında taa pek başlayacek duyulmaa üüredicilerin hem terbiedicilerin etişmemezlii. Büünkü gün 2161 uzman lääzım, 186 kişiyä taa çok nekadar bıldırkı yıl. Avtonomiyada 146   üüredici  lääzım.    31 kişi  açıkladı istemeyi işlemää şkolada.   Nicä nışannadı Gagauziya  üüretim bakanı Natalya Kristeva, bu sayı yılın çeketmesinädän var nicä diişsin. NATALYA KRİSTEVA Gagauziya  üüretim bakanın başı : -«Bilinmeer hepsi mi onnar okullara…