Gagauziya: geçmişin opıtı, büünkü kolaylıklar, gelecään strategiyası” halklararası simpoziumu

Küçük ayın (fevral) 25-dä tipardan çıktı “Ana Sözü” gazetasının 2023-ci Küçük ayın (fevral) nomerı. Nomerdä tiparlanan materiallar: “Büük kahır, çirkin bela, açık yara: Türkiyedä er tepremesinä 44 218  kişi can kurbanı”, “Pek paalı Türkiyem genä yas içindä…”, “Türkiyeyä yardım için maasuz banka esabı açıldı”, “Moldova Üstolan Dorumnar upravleniyasından Türkiyeyä kurtarma yardımı komandası”, ““Ana Sözü” da Türkiyemizä yardım elini uzattı”, “Çadırdan generatorlar hem yastık-yorgan yardımı”, “Gagauziya Komrat uşaklarından Tükiye uşaklarına”, “TİKA Başkan Yardımcısı Dr. Mahmut ÇEVİK Gagauziyada”, “TBMM Başkanı Mustafa ŞENTOP: “Gagauz Yeri (GY), Moldovaylan ilişkilerimizin ayrılmaz bir parçasıdır””, “Gagauziya: geçmişin denemekleri, büünkü kolaylıklar, gelecään strategiyası” halklararası simpoziumu”, “Kiriyettä Dionis TANASOGLUya…

2022-ci yılın Kırım ayın (dekabri) 1-dä Moldova Paralamentı, bir partiyanın 55 sesinnän, kabletti Moldova Respublikasının eni Seçim kodeksını, angısına görä Gagauziya (Gagauz Yeri) avtonomiyasının yok edilmesinä de-yüre yolunu açtı. Bu konuylan ilgili, Gagauziya Halk Topluşun deputatları Kırım ayın (dekabri) 6-da bir açıklama kablettilär, neredä doorudan söledilär, ani Moldova Parlamentı hem Moldova Respublikasının büünkü kuvetleri çiinedilär Gagauziyanın haklarını hem Moldova Konstituțiyasının 111-ci statyasını, bununnan Gagauziya (Gagauz Yeri) avtonomiyasının yok edilmesinä de-yüre yolu açıp. Bu işi doorutmak için, GHT deputatları danışêrlar Moldova Prezidentına hem Moldovada bulunan halklararası hem diplomatiya misiyalarına. Aşaada danışmanın PDFnı vereriz: GHT_aciklamasi Источник anasozu.com

Büünkü gündä, Gagauziya Başkanı olmaa deyni, edi kişi istediini açıkladılar: Nikolay DUDOGLU, Grigoriy UZUN, Sergey ÇİMPOEŞ, Sergey ÇERNEV, Mihail FORMUZAL, Dimitriy KROYTOR hem Viktor PETROV. Kendilerini baamsız gösterän pek meraklı hem tekir bir kumpaniya: Nikolay DUDOGLU (Komrat kasabasından Gagauziya Halk Topluşun şindiki deputatı, Moldova demokrat partiyasının eski azası), Grigoriy UZUN (Moldova soțialistlär partiyasının eski azası), Sergey ÇİMPOEŞ (Tomay küüyündän Gagauziya Halk Topluşun şindiki deputatı), Sergey ÇERNEV (Valkaneş kasabasından Gagauziya Halk Topluşun eski deputatı), Mihail FORMUZAL (iki dönem Gagauziya başkanı), Dimitriy KROYTOR (2002-ci yılda, gagauz halkına izmetini Şveyțariyada büükelçilik kreslosuna diiştirän Başkan), Viktor PETROV (Komrat kasabasından Gagauziya Halk Topluşun şindiki deputatı).…

Büün, Türkiyedä olan büük tepremin kurbannarınnan ilgil olarak, Gagauziya Başkanatı hem Halk Topluşu binasının önündä Gagauziya hem Moldova Bayrakları yarıya indirildi. Gagauziyanın Başkankası İrina VLAH hem Gagauziya Halk Topluşu Başı Dimitriy KONSTANTİNOV, buluşup Türkiye Gagauziya Komrat Başkonsulu Hasan AKDOĞANnan,  Gagauziya halkın hem GHT deputatları adından verdilär acızgannık mesajlarını Türkiye milletinä hem Türkiye Respublikası Prezidentı Recep Tayyip ERDOĞANa. Gagauziyanın öndercileri bildirdilär, ani Gagauziya hazır, kuvedinä görä, bu durumda Türkiyeyä bir insannık yardımı yapmaa. Источник anasozu.com